ഷിബു ബേബി ജോൺ
ഷിബു ബേബി ജോൺ | |
|---|---|
 | |
| വനം, വന്യജീവി, നൈപുണ്യ വികസനം വകുപ്പ് മന്ത്രി, കേരള സർക്കാർ | |
| പദവിയിൽ 18 മെയ് 2026 | |
| മുൻഗാമി | എ.കെ. ശശീന്ദ്രൻ (വനം), വി. ശിവൻകുട്ടി (നൈപുണ്യ വികസനം) |
| കേരള നിയമസഭയിലെ അംഗം | |
| പദവിയിൽ 2026, 2011, 2001 | |
| മണ്ഡലം | ചവറ |
| ആർ.എസ്.പി സംസ്ഥാന സെക്രട്ടറി | |
| പദവിയിൽ 2023 - തുടരുന്നു | |
| മുൻഗാമി | എ.എ. അസീസ് |
| കേരളത്തിലെ തൊഴിൽ വകുപ്പ് മന്ത്രി | |
| പദവിയിൽ 2011 - 2016 | |
| മുൻഗാമി | പി.കെ. ഗുരുദാസൻ |
| പിൻഗാമി | ടി.പി. രാമകൃഷ്ണൻ |
| വ്യക്തിഗത വിവരങ്ങൾ | |
| ജനനം | ജൂലൈ 23, 1963 വയസ്സ്) ചവറ |
| രാഷ്ട്രീയ കക്ഷി | 
ആർ.എസ്.പി |
| പങ്കാളി | ആനി |
| കുട്ടികൾ | അച്ചു ബേബി ജോൺ, അമർ സെബാസ്റ്റ്യൻ ജോൺ |
| വെബ്വിലാസം | http://www.shibubabyjohn.in/ |
As of മെയ് 7, 2026 | |
2026 മെയ് 18 മുതൽ സംസ്ഥാന വനം, വന്യജീവി വകുപ്പ് മന്ത്രിയും 2026 മെയ് 4 മുതൽ ചവറ മണ്ഡലത്തിൽ നിന്നുള്ള നിയമസഭാംഗവുമായ കേരളത്തിലെ ഒരു രാഷ്ട്രീയ പ്രവർത്തകനും, ആർ.എസ്.പി-യുടെ സംസ്ഥാന സെക്രട്ടറിയുമാണ് ഷിബു ബേബി ജോൺ.[1] (ജനനം: ജൂലൈ 27 1963) രണ്ടാം ഉമ്മൻ ചാണ്ടി മന്ത്രിസഭയിൽ തൊഴിൽ വകുപ്പിന്റെ ചുമതലയുള്ള മന്ത്രിയായിരുന്നു[2]
ജീവിതരേഖ
[തിരുത്തുക]ആർ.എസ്. പി.യുടെ സമുന്നത നേതാക്കളിലൊരാളും ദീർഘകാലം സംസ്ഥാന മന്ത്രിയുമായിരുന്ന ബേബി ജോണിന്റെയും അന്നമ്മ ജോണിന്റെയും മകനായി ജനനം. കൊല്ലം ടി.കെ.എം. എൻജിനീയറിങ്ങ് കോളേജിൽ നിന്ന്[3] മെക്കാനിക്കൽ എൻജിനീയറിംഗ് ബിരുദം നേടിയ ശേഷം ഷിബു സമുദ്രോത്പന്ന കയറ്റുമതി വ്യവസായിയായി പ്രവർത്തിക്കുകയായിരുന്നു.[4] പിതാവ് ബേബി ജോൺ രോഗശയ്യയിലാവുകയും ആർ.എസ്.പി. പിളരുകയും ചെയ്തതിനെത്തുടർന്നാണ് അദ്ദേഹം രാഷ്ട്രീയത്തിലിറങ്ങിയത്. ബാബു ദിവാകരനും കെ.സി. വാമദേവനും എ.വി. താമരാക്ഷനുമൊപ്പം ചേർന്ന് രൂപവത്കരിച്ച ആർ.എസ്.പി. (ബോൾ ഷേവിക് ) നേത്യത്വത്തിലേക്ക് ഷിബു ഉയർന്നു. ബേബി ജോൺ വളരെക്കാലമായി പ്രതിനിധീകരിച്ചു കൊണ്ടിരുന്ന ചവറ മണ്ഡലത്തിൽ 2001-ൽ ആർ.എസ്.പി. (ബോൾഷെവിക്) സ്ഥാനാർത്ഥിയായി മത്സരരംഗത്തിറങ്ങിയ ഷിബു എൽ.ഡി.എഫിലെ ആർ.എസ്.പി-യിലെ മുതിർന്ന നേതാവായിരുന്ന വി.പി. രാമകൃഷ്ണപിള്ളയെ പരാജയപ്പെടുത്തി ആദ്യമായി നിയമസഭയിലെത്തി. 2006-ലെ നിയമസഭാ തിരഞ്ഞെടുപ്പിൽ ചവറ മണ്ഡലത്തിൽ എൻ.കെ. പ്രേമചന്ദ്രൻ ആർ.എസ്.പി സ്ഥാനാർത്ഥിയും ഷിബു ബേബി ജോൺ പാർട്ടി ജനറൽ സെക്രട്ടറി താമരാക്ഷനുമാാായി പിണങ്ങി. യു.ഡി.എഫ് സ്വതന്ത്ര സ്ഥാനാർത്ഥിയുമായി നടന്ന മത്സരം ബേബി ജോണിന്റെ 'ശിഷ്യനും മകനും' തമ്മിലുള്ള പോരാട്ടം എന്ന നിലയിൽ ശ്രദ്ധയാകർഷിച്ചിരുന്നു. ഈ തെരഞ്ഞെടുപ്പിൽ പ്രേമചന്ദ്രനായിരുന്നു വിജയം. 2008-ൽ ആർ.എസ്.പി (ബേബി ജോൺ) രൂപീകരിച്ച ഷിബു 2011-ലെ നിയമസഭാ തെരഞ്ഞെടുപ്പിൽ ഇതേ മണ്ഡലത്തിൽ പ്രേമചന്ദ്രനെ പരാജയപ്പെടുത്തി വീണ്ടും നിയമസഭയിലെത്തി. രണ്ടാം ഉമ്മൻചാണ്ടി മന്ത്രിസഭയിൽ തൊഴിൽ വകുപ്പ് മന്ത്രിയായി. ആര്.എസ്.പി ( ബേബി ജോൺ) പിന്നീട് ആര്.എസ്.പി-യിൽ ലയിച്ചു.
പുറത്തേക്കുള്ള കണ്ണികൾ
[തിരുത്തുക]
ഷിബു ബേബി ജോൺ - ജീവിതരേഖ, കേരള സർക്കാർ വെബ്സൈറ്റ് Archived 2012-06-18 at the Wayback Machine
അവലംബം
[തിരുത്തുക]- ↑ https://keralakaumudi.com/news/mobile/news.php?id=1741851&u=local-news
- ↑ "യുഡിഎഫ് മന്ത്രിസഭ അധികാരമേറ്റു". വൺ ഇന്ത്യ. മേയ് 18, 2012. Retrieved മാർച്ച് 14, 2012.[പ്രവർത്തിക്കാത്ത കണ്ണി]
- ↑ "ആർക്കൈവ് പകർപ്പ്". Archived from the original on 2012-03-21. Retrieved 2012-03-16.
- ↑ "നേർക്കുനേർ - ചവറ". മാതൃഭൂമി (2011 നിയമസഭാ തെരഞ്ഞെടുപ്പ് താൾ). Retrieved മാർച്ച് 16, 2012.[പ്രവർത്തിക്കാത്ത കണ്ണി]