ശ്രീകാളഹസ്തി ക്ഷേത്രം

ശ്രീകാളഹസ്തി ക്ഷേത്രം
അടിസ്ഥാന വിവരങ്ങൾ
സ്ഥലം	ശ്രീകാളഹസ്തി
നിർദ്ദേശാങ്കം	13°44′58″N 79°41′54″E
മതവിഭാഗം	ഹിന്ദുയിസം
ജില്ല	ചിറ്റൂർ
രാജ്യം	ഇന്ത്യ
വെബ്സൈറ്റ്	Srikalahasti
വാസ്തുവിദ്യാ തരം	ദ്രാവിഡം

ആന്ധ്രാപ്രദേശിലെ കാളഹസ്തി പട്ടണത്തിൽ സ്ഥിതിചെയ്യുന്ന ഒരു പ്രധാന ശൈവക്ഷേത്രമാണ് ശ്രീകാളഹസ്തീശ്വര ക്ഷേത്രം. പഞ്ചഭൂതക്ഷേത്രങ്ങളിൽ ഒന്നായ കാളഹസ്തിയിൽ വായുലിംഗമാണ് സ്ഥിതിചെയ്യുന്നത്. ശിവലിംഗത്തിൽ നിന്ന് രക്തം ഒഴുകുന്നത് തടയാനായി കണ്ണപ്പ തന്റെ രണ്ടു കണ്ണുകൾ ഭഗവാന് നൽകാൻ തയ്യാറായ സ്ഥലമാണ് ഇത്. ശിവൻ കണ്ണപ്പനെ ഈ പ്രവൃത്തിയിൽ നിന്നും തടഞ്ഞുനിർത്തി മുക്തി നൽകി. ക്ഷേത്രനഗരമായ തിരുപ്പതിയിൽനിന്നും 36 കിലോമീറ്റർ അകലെയാണ് കാളഹസ്തീശ്വരക്ഷേത്രം. രാഹു-കേതു ക്ഷേത്രം, ദക്ഷിണ കാശി എന്നീ വിശേഷണങ്ങളുമീ ക്ഷേത്രത്തിനുണ്ട്. 5ആം നൂറ്റാണ്ടിലാണ് പ്രധാന ക്ഷേത്രം നിർമിച്ചത്. ചുറ്റമ്പലം 12ആം നൂറ്റാണ്ടിൽ ചോള രാജാക്കന്മാരും, വിജയ നഗര രാജാക്കന്മാരുമാണ് നിർമ്മിച്ചത്. ശിവനെ വായു രൂപത്തിൽ ശ്രീകാളഹസ്തീശ്വരനായി ഇവിടെ ആരാധിച്ചു വരുന്നു. കാളസർപ്പദോഷപൂജ/രാഹുകേതുദോഷനിവാരണപൂജ എന്നിവയാണ് പ്രധാന വഴിപാടുകൾ.