വൈറൽ റിസർച്ച് ആന്റ് ഡയഗ്നോസ്റ്റിക് ലബോറട്ടറീസ്
ആരോഗ്യ ഗവേഷണ വകുപ്പ്, ഇന്ത്യൻ കൗൺസിൽ ഓഫ് മെഡിക്കൽ റിസർച്ച് എന്നിവയുടെ നേതൃത്ത്വത്തോടെ അവതരിപ്പിച്ച ഒരു പദ്ധതിയാണ് വൈറൽ റിസർച്ച് ആൻഡ് ഡയഗ്നോസ്റ്റിക് ലബോറട്ടറീസ് ( വിആർഡിഎൽ ). പകർച്ചവ്യാധികളുടെ വ്യാപനം ഇന്ത്യയിൽ സർവ്വസാധാരണമായതാണ് ഗവണ്മെന്റിനെ ഇതിനു പ്രേരിപ്പിക്കാൻ കാരണം. 2016 ൽ 166 റിസർച്ച് ആൻഡ് ഡയഗ്നോസ്റ്റിക്സ് ലബോറട്ടറികൾ സ്ഥാപിക്കുമെന്ന് കേന്ദ്ര സർക്കാർ പ്രഖ്യാപിച്ചു. 2019 ഓടെ ഇന്ത്യയിലുടനീളം 103 പുതിയ വിആർഡിഎല്ലുകൾ സ്ഥാപിച്ചു; അങ്ങനെ മൊത്തം അവയുടെ എണ്ണം 105 ആയി.
പദ്ധതിയുടെ ലക്ഷ്യങ്ങൾ [1][തിരുത്തുക]
- പൊതുജനാരോഗ്യ തലത്തിൽ രോഗാവസ്ഥയ്ക്ക് കാരണമാവുന്ന വൈറസുകളെയും മറ്റ് രോഗകാരികളേയും യഥാസമയം തിരിച്ചറിയുന്നതിനായുള്ള ഭൗതികസൗകര്യങ്ങൾ സൃഷ്ടിക്കുക. അതായത് പകർച്ചവ്യാധികൾക്കു കാരണമായ രോഗകാരികളോടൊപ്പം ബയോ ടെററിസത്തിന് കാരണമാകാൻ സാധ്യതയുള്ളവയേയും കണ്ടുപിടിക്കുക എന്നതാണ് ലക്ഷ്യം.
- പുതിയതും അജ്ഞാതവുമായ വൈറസുകൾ, മറ്റ് ജീവികൾ, പ്രത്യക്ഷപ്പെടുന്നതും വീണ്ടും പ്രത്യക്ഷപ്പെടുന്നതുമായ വൈറൽ സ്ട്രെയ്നുകൾ എന്നിവയെ കണ്ടെത്തുന്നതിനും ഡയഗ്നോസ്റ്റിക് കിറ്റുകൾ വികസിപ്പിക്കുന്നതിനുമുള്ള ശേഷി വികസിപ്പിക്കുക.
- ആരോഗ്യ വിദഗ്ധർക്ക് പരിശീലനം നൽകുക.
- പുതിയതായി ആവിർഭവിക്കുന്ന ജനിതകപരമായി സജീവമോ പരിഷ്കരിക്കപ്പെട്ടതോ ആയ രോഗകാരികളെ തിരിച്ചറിയുന്നതിനായുള്ള ഗവേഷണം നടത്തുന്നു.