വെൽവിറ്റ്ഷിയ മിരാബിലിസ്

ഇംഗ്ലീഷ് വിലാസം

https://ml.wikipedia.org/wiki/Welwitschia

Welwitschia
ശാസ്ത്രീയ വർഗ്ഗീകരണം
സാമ്രാജ്യം:	Plantae
ഡിവിഷൻ:	Gnetophyta
ക്ലാസ്സ്‌:	Gnetopsida
നിര:	Welwitschiales
കുടുംബം:	Welwitschiaceae
ജനുസ്സ്:	Welwitschia
വർഗ്ഗം:	''W. mirabilis''
ശാസ്ത്രീയ നാമം
Welwitschia mirabilis Hook.f.

Welwitschia mirabilis

രണ്ടായിരം വർഷത്തോളം ആയുസ്സുള്ള ഒരു മരുസസ്യമാണ്‌ വെല്വിറ്റ്ഷിയ മിരാബിലിസ്. മഴയില്ലാത്ത പ്രദേശങ്ങളിലും വർഷങ്ങളോളം ജീവിച്ചിരിക്കാൻ ഈ സസ്യത്തിനാവും. 1859-ൽ നമീബ് മരുഭൂമിയിൽ നിന്ന് ഓസ്ട്രിയൻ സസ്യശാസ്ത്രജ്ഞനായ ഫ്രൈഡ്റിച്ച് വെൽവിറ്റ്ഷ് ആണ് ഈ സസ്യം കണ്ടെത്തിയത്. അദ്ദേഹത്തിനോടുള്ള ആദരസൂചകമായാണ്‌ വെൽവിറ്റ്ഷിയ മിരാബിലിസ് എന്ന പേര്‌ ഇതിനു നൽകിയിരിക്കുന്നത്. നമിബ് നൗക്ലുഫ്റ്റ് പാർക്കിലെ വെല്വിറ്റ്ഷിയ ഡ്രൈവിലാണ്‌ ഈ സസ്യത്തെ സ്വാഭാവികരീതിയിൽ കണ്ടുവരുന്നത്.

പ്രത്യേകതകൾ

സസ്യത്തിന്റെ സുദീർഘമായ ഈ ജീവിതകാലയളവിൽ രണ്ട് ഇലകൾ മാത്രമേ ഇതിൽ ഉണ്ടാകുകയുള്ളൂ. പരന്ന് വീതിയേറിയ ഈ ഇലകൾ മീറ്ററുകളോളം നീളത്തിൽ വളരുന്നു. ഇലയുടെ അഗ്രം ഉണങ്ങി നശിച്ചുകൊണ്ടിരിക്കും. ഇലകൾ പ്രഭാതത്തിൽ മഞ്ഞിൽ നിന്നും മറ്റും ഈർപ്പം വലിച്ചെടുക്കുന്നു. ഇതിന്റെ വേര്‌ ഭൂമിക്കടീയിൽ 30 മീറ്ററോളം ആഴ്ന്നിറങ്ങുന്നു.