വി.ടി. ഇന്ദുചൂഡൻ

ഇംഗ്ലീഷ് വിലാസം

https://ml.wikipedia.org/wiki/V.T._Induchoodan

വി.ടി. ഇന്ദുചൂഡൻ
ജനനം	(1919-09-19)സെപ്റ്റംബർ 19, 1919
മരണം	25 ജനുവരി 2002(2002-01-25) (പ്രായം 82)
ദേശീയത	ഇന്ത്യൻ
തൊഴിൽ	പത്രപ്രവർത്തകൻ, എഴുത്തുകാരൻ

മലയാളത്തിലെ ഒരു പത്രപ്രവർത്തകനും എഴുത്തുകാരനുമായിരുന്നു വി.ടി. ഇന്ദുചൂഡൻ (സെപ്റ്റംബർ 19, 1919 - ജനുവരി 25, 2002). കമ്മ്യൂണിസ്റ്റ് അനുഭാവിയായിരുന്ന ഇദ്ദേഹം ദേശാഭിമാനി പത്രത്തിന്റെ പത്രാധിപരുമായിരുന്നു.

ജീവിതരേഖ

1919-ൽ കൊടുങ്ങല്ലൂരിൽ ഇദ്ദേഹം ജനിച്ചത്. ബിരുദമെടുത്ത ശേഷം ഇന്ത്യൻ നാഷണൽ കോൺഗ്രസ്സിലും കൊച്ചി പ്രജാമണ്ഡലത്തിലും പ്രവർത്തിച്ച ഇദ്ദേഹം ഇന്ത്യൻ സ്വാതന്ത്ര്യസമരത്തിലും പങ്കെടുത്തു. പിന്നീടാണ് കമ്മ്യൂണിസ്റ്റ് പ്രസ്ഥാനത്തോട് ആകർഷിക്കപ്പെട്ടത്. തുടർന്ന് അവിഭക്ത കമ്യൂണിസ്റ്റു പ്രസ്ഥാനത്തിൽ കുറേക്കാലം പ്രവർത്തിച്ച ഇന്ദുചൂഡൻ ചരിത്രഗവേഷണം, ലളിതകലകൾ എന്നിവയിലും പ്രത്യേക താല്പര്യം പുലർത്തി. (1946) ൽ ദേശാഭിമാനി പത്രാധിപരായി. പത്രം കണ്ടുകെട്ടിയപ്പോൾ ഒളിവിൽ പോയി. 'ജഗൽസാക്ഷി എന്നീ പത്രത്തിന്റെ അധിപനായും ഇദ്ദേഹം സേവനം അനുഷ്ടിച്ചിട്ടുണ്ട്.കൊടുങ്ങല്ലൂർ ക്ഷേത്രത്തേക്കുറിച്ച് ഇംഗ്ലീഷ് പുസ്തകമെഴുതി. മാർക്‌സിന്റെ മൂലധന വിവർത്തനത്തിൽ പങ്കളിയായിരുന്നു.

1964-ൽ കമ്മ്യൂണിസ്റ്റ് പാർട്ടി പിളർന്നതിനെ തുടർന്ന് ഇന്ദുചൂഡൻ സി.പി.ഐയോടൊപ്പം നിന്നു. ഇതിനെത്തുടർന്ന് രണ്ടു ദശകത്തോളം പത്രാധിപരായി സേവനമനുഷ്ഠിച്ച ദേശാഭിമാനി പത്രവും വിടേണ്ടിവന്നു. 1972 മുതൽ 1978 വരെ ഇദ്ദേഹം കേരള കലാമണ്ഡലത്തിന്റെ സെക്രട്ടറിസ്ഥാനം വഹിച്ചു.

മഹാകവി വള്ളത്തോൾ നാരായണമേനോന്റെ മകൾ മല്ലികയാണ് ഭാര്യ. രണ്ട് ആൺമക്കളും ഒരു മകളുമുണ്ട്.

സാഹിത്യരംഗത്ത്

ആമിനാബീവി, ചാണക്യൻ എന്നീ തൂലികാനാമങ്ങളിലാണ് ഇദ്ദേഹം എഴുതിയിരുന്നത്. വെൽഡൽ വിൽക്കിയുടെ വൺവേൾഡിന്റെ (ഏകലോകം) വിവർത്തനത്തിനു പുറമേ ശുദ്ധീകരണം, നിവർന്നു നിൽക്കാറായി എന്നീ പ്രഹസനങ്ങളും കലയും മാർക്സിസവും എന്ന ഒരു നിരൂപണഗ്രന്ഥവും ഇദ്ദേഹം എഴുതിയിട്ടുണ്ട്.