വരാൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
വരാൽ
Snakehead murrel
Channa striata after Bleeker 1879.jpg
Chiana striata, after Bleeker, 1879
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Chordata
ക്ലാസ്സ്‌: Actinopterygii
നിര: Perciformes
കുടുംബം: Channidae
ജനുസ്സ്: Channa
വർഗ്ഗം: C. striata
ശാസ്ത്രീയ നാമം
Channa striata
(Bloch, 1793)
പ്രമാണം:Channa striata distribution.gif
Distribution of Channa striata. Source: USGS 2004[2]
പര്യായങ്ങൾ[2]
  • Ophiocephalus striatus Bloch
  • Ophiocephalus vagus Peters

ജലാശയങ്ങളിൽ സാധാരണ കണ്ടു വരുന്ന ഒരു മത്സ്യമാണ് വരാൽ. ശാസ്ത്രനാമം :Channa striata. ബ്രാൽ, വ്രാൽ, കണ്ണൻ, കൈച്ചിൽ എന്നിങ്ങനെ പ്രാദേശികമായി അറിയപ്പെടുന്നു. ഇംഗ്ലീഷിൽ -chevron snakehead, striped murrel എന്നീ പേരുകളുണ്ട്.മൂന്ന് കിലോയോളം വലുതാകുന്നതാണ് ഈ മത്സ്യം. സാധാരണ കൃഷിക്കായി വെള്ളം വറ്റിക്കുമ്പോഴാണ് തോടുകളിൽ നിന്നും അനുബന്ധ ജലാശയങ്ങളിൽ നിന്നും ഇവയെ ലഭിക്കുന്നത്.

മാസങ്ങളോളം ചെളിയിൽ ജീവിക്കാൻ ഇവയ്ക്കു് സാധിക്കും. ഈർപ്പമുള്ള സാഹചര്യങ്ങളിൽ ജലത്തിനു പുറത്ത് ചെറിയ പാലായനങ്ങൾ നടത്താറുണ്ട്.അൽപ്പം നനവുള്ള ചെളിയിൽ പുതഞ്ഞ് ശരീരത്തിലെ കൊഴുപ്പുപയോഗിച്ച് കുറെ കാലം ജീവിക്കാൻ ഇവയ്ക്ക് പറ്റും.[3]

ഇതിന്റെ തന്നെ കുടുംബത്തിൽ ഉള്ള ചേറുമീൻ അഥവാ പുള്ളിവരാൽ (Channa marulius)[4], വാക (Channa micropeltes), പുലി വാക, പുള്ളിവരാൽ, വട്ടോൻ എന്നിവയും ജലാശയങ്ങളിൽ കണ്ടു വരുന്നു. വരാൽ കുഞ്ഞുങ്ങൾക്ക് (ഏതാനും ആഴ്ചകൾ മാത്രം പ്രായമുള്ളവ)ചുവപ്പ് നിറമാണ്.

വിതരണം[തിരുത്തുക]

ഭാരതം കൂടാതെ മ്യാന്മാർ, ഇന്തോനേഷ്യ, തായ്‌ലന്റ്, കംപ്പോഡിയ, മലയേഷ്യ, ശ്രീലങ്ക, പാക്കിസ്ഥാൻ എന്നിവിടങ്ങളിലും കാണുന്നു. [3]

തീറ്റ[തിരുത്തുക]

തവളകൾ, ചെറിയ പാമ്പുകൾ, ചെറിയ ഷഡ്പദങ്ങൾ, ജലജീവികൾ എന്നിവയെ ഭക്ഷിക്കുന്നു.[3]

പ്രജനനം[തിരുത്തുക]

മഴക്കാലത്താണ് പ്രജനനം നടത്തുന്നത്. ധാരാളം വെള്ളമുള്ള ആഴം കുറഞ്ഞ സ്ഥലം തിരഞ്ഞെടുക്കുന്നു. ചെടികൾ വകഞ്ഞുമാറ്റി 10 സെ. മീ വ്യാസത്തിൽ സ്ഥലമൊരുക്കി ബീജസങ്കലനം കഴിഞ്ഞ 400-1000 വെള്ളത്തിൽ പൊങ്ങിക്കിടക്കുന്ന മുട്ടകൾ നിക്ഷേപിക്കുന്നു. മുട്ടകൾ വിരിയാനുള്ള 48 മണിക്കൂർ സമയം ആൺ മത്സ്യം മുട്ടകൾക്ക് കാവൽ നിന്ന് വീശിക്കൊടുത്തുകൊണ്ടിരിക്കും. വിരിഞ്ഞ് ആദ്യ മൂന്നു ദിവസം കുഞ്ഞുങ്ങൾ സ്വന്തം ശരീരത്തിലെ പീനകാഹാരം കൊണ്ടാണ് ജീവിക്കുന്നത്.

മത്സ്യക്കൃഷി[തിരുത്തുക]

മികച്ച വളർത്തു മത്സ്യത്തിനു വേണ്ട ഗുണങ്ങൾ ഉള്ളതുകൊണ്ടും സഹായ ശ്വസനാവയവങ്ങൾ ഉള്ളതിനാലും വളരെ ഉയർന്ന നിക്ഷേപ നിരക്കിലുള്ള കൃഷിരീതികൾക്കടക്കം ഇവയെ ഉപയോഗിക്കുന്നു. [3]

ചിത്രശാല[തിരുത്തുക]

അവലംബം[തിരുത്തുക]

  1. Chaudhry,S. (2010). "Channa striata". IUCN Red List of Threatened Species. Version 2010.2. International Union for Conservation of Nature. ശേഖരിച്ചത് 08 July 2013..  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  2. 2.0 2.1 Courtenay, Jr., Walter R. and James D. Williams. Channa striata USGS Circular 1251: Snakeheads (Pisces, Chinnidae) - A Biological Synopsis and Risk Assessment. U.S. Department of the Interior, U.S. Geological Survey. 2004-04-01. Retrieved 2007-07-15.
  3. 3.0 3.1 3.2 3.3 വരാൽ-ഡൊ.രാജീവ് രാഘവൻ, അന്വർ അലി, പേജ് 46, കൂട് മാസിക, ജനുവരി 2017
  4. http://www.ubio.org/browser/details.php?namebankID=4676570
"https://ml.wikipedia.org/w/index.php?title=വരാൽ&oldid=2552892" എന്ന താളിൽനിന്നു ശേഖരിച്ചത്