ലാ ബോൾഡക്ക്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മേരി റോസ്-ആൻ ബോൾഡക്ക് (née Travers)
LaBolducPublicity.jpg
ലാ ബോൾഡക്കിന്റെ പരസ്യ ഫോട്ടോ
ജനനംJune 4, 1894 (1894-06-04)
ന്യൂപോർട്ട് (ചാൻഡലർ), ക്യൂബെക്ക്, കാനഡ
മരണംഫെബ്രുവരി 20, 1941(1941-02-20) (പ്രായം 46)
മോൺ‌ട്രിയൽ, ക്യൂബെക്ക്, കാനഡ
മറ്റ് പേരുകൾലാ ബോൾഡക്ക്
തൊഴിൽഗായിക-ഗാനരചയിതാവ്

ഫ്രഞ്ച് കനേഡിയൻ സംഗീതത്തിലെ സംഗീതജ്ഞയും ഗായികയുമായിരുന്നു മേരി റോസ്-ആൻ ബോൾഡക്ക്.(ജീവിതകാലം: ജൂൺ 4, 1894 - ഫെബ്രുവരി 20, 1941). മാഡം ബോൾഡക്ക് അല്ലെങ്കിൽ ലാ ബോൾഡക്ക് എന്നാണ് അവർ അറിയപ്പെട്ടിരുന്നത്.1930 കളിൽ ജനപ്രീതി നേടിയപ്പോൾ കനേഡിയൻ നാടോടി ഗായകരുടെ രാജ്ഞി എന്നറിയപ്പെട്ടു.[1][2][3]ക്യൂബെക്കിന്റെ ആദ്യത്തെ ഗായികയും ഗാനരചയിതാവുമായി ബോൾഡക്ക് കണക്കാക്കപ്പെടുന്നു. അവരുടെ ശൈലി അയർലണ്ടിലെയും ക്യൂബെക്കിലെയും പരമ്പരാഗത നാടോടി സംഗീതത്തെ ആകർഷകവും ഹാസ്യപരവുമായ ഗാനങ്ങളിൽ സംയോജിപ്പിച്ചു.

ജീവിതരേഖ[തിരുത്തുക]

മേരി റോസ് അന്ന ട്രാവേഴ്സ് "ലാ ബോൾഡക്ക്" ഗാസ്പെ മേഖലയിലെ ക്യൂബെക്കിലെ ന്യൂപോർട്ടിൽ ജനിച്ചു. അവരുടെ പിതാവ് ലോറൻസ് ട്രാവേഴ്സ് ഐറിഷ് പൈതൃകത്തിന്റെ ആംഗ്ലോഫോണായിരുന്നു. അമ്മ അഡ്ലിൻ സിർ ഒരു ഫ്രഞ്ച് കനേഡിയൻ മിക്മാക് ആയിരുന്നു. അവരുടെ കുടുംബത്തിൽ അഞ്ച് പൂർണ്ണ സഹോദരങ്ങളും അച്ഛന്റെ ആദ്യ വിവാഹത്തിൽ നിന്ന് ആറ് അർദ്ധസഹോദരന്മാരും ഉൾപ്പെടുന്നു. ബോൾഡക്കും അവരുടെ പതിനൊന്ന് സഹോദരങ്ങളും വീട്ടിൽ ഇംഗ്ലീഷ് സംസാരിച്ചു. മാത്രമല്ല ഫ്രഞ്ച് നന്നായി സംസാരിക്കുകയും ചെയ്തു. കുടുംബം അങ്ങേയറ്റം ദരിദ്രരായിരുന്നു. എന്നാൽ ബോൾഡക്ക് കുറച്ചുകാലം സ്കൂളിൽ ചേർന്നു ഫ്രഞ്ച് ഭാഷയിൽ സാക്ഷരയായി.[1]

അക്കാലത്തെ ക്യൂബെക്ക് സംസ്കാരത്തിൽ ഫിഡിൽ, അക്രോഡിയൻ, ഹാർമോണിക്ക, സ്പൂൺ, ജാ ഹാർപ് തുടങ്ങിയ പരമ്പരാഗതമായ ഉപകരണങ്ങൾ എങ്ങനെ വായിക്കാമെന്ന് പഠിപ്പിച്ച അവരുടെ അച്ഛൻ മാത്രമാണ് അവരുടെ ഏക സംഗീത അദ്ധ്യാപികൻ. ഐറിഷ് മെലഡികൾ, ഫ്രഞ്ച്-കനേഡിയൻ നാടോടി രാഗങ്ങൾ എന്നിവയിൽ നിന്ന് പരമ്പരാഗത സംഗീതം അവർ പഠിച്ചു. റെക്കോർഡ് പ്ലേയർ, പിയാനോ, ഷീറ്റ് സംഗീതം എന്നിവ ഈ കുടുംബത്തിന് സ്വന്തമായിരുന്നില്ല. അതിനാൽ ബോൾഡക്ക് ജിഗുകളും നാടൻ പാട്ടുകളും മെമ്മറിയിൽ നിന്നോ ചെവിയിലൂടെയോ പഠിച്ചു. 1908 ലെ വസന്തകാലത്ത് ലോഗിംഗ് ക്യാമ്പിൽ ആകസ്മികമായി അക്രോഡിയൻ വായിച്ചുകൊണ്ട് ഗാനമവതരിപ്പിക്കാൻ അവസരം ലഭിച്ചു. അവിടെ അവർ ഒരു പാചകക്കാരിയായും അവരുടെ അച്ഛൻ ഒരു ലംബർജാക്കായും ജോലി ചെയ്തിരുന്നു.[1]

അവലംബം[തിരുത്തുക]

  1. 1.0 1.1 1.2 "La Bolduc – "The Queen of Canadian Folksingers"". Collections Canada. July 18, 2005. ശേഖരിച്ചത് October 26, 2007.
  2. "Madame Édouard Bolduc (Mary Travers), folk singer and songwriter (1894–1941)". Library and Archives Canada. ശേഖരിച്ചത് April 6, 2019.
  3. "Announcement for a Concert, "Le reine des folkloristes au canada"". Library and Archives Canada. ശേഖരിച്ചത് April 6, 2019.

പുറംകണ്ണികൾ[തിരുത്തുക]

"https://ml.wikipedia.org/w/index.php?title=ലാ_ബോൾഡക്ക്&oldid=3543533" എന്ന താളിൽനിന്ന് ശേഖരിച്ചത്