Jump to content

റെയ്ഡേഴ്സ് ഓഫ് ദ ലോസ്റ്റ് ആർക്ക്

വിക്കിപീഡിയ, ഒരു സ്വതന്ത്ര വിജ്ഞാനകോശം.
റെയ്ഡേഴ്സ് ഓഫ് ദ ലോസ്റ്റ് ആർക്ക്
റിലീസ് പോസ്റ്റർ
സംവിധാനംസ്റ്റീവൻ സ്പിൽബർഗ്
നിർമ്മാണംഫ്രാങ്ക് മാർഷൽ
കഥ
തിരക്കഥലോറൻസ് കസ്ഡാൻ
അഭിനേതാക്കൾ
സംഗീതംജോൺ വില്യംസ്
ഛായാഗ്രഹണംഡഗ്ലസ് സ്ലോക്കോംബെ
ചിത്രസംയോജനംമൈക്കൽ കാൺ
സ്റ്റുഡിയോലൂക്കാസ് ഫിലിം ലിമിറ്റഡ്.
വിതരണംപാരമൗണ്ട് പിക്ചേഴ്സ്
റിലീസിങ് തീയതി
  • ജൂൺ 12, 1981 (1981-06-12)
രാജ്യംഅമേരിക്ക
ഭാഷഇംഗ്ലീഷ്
ബജറ്റ്$18 ദശലക്ഷം [1]
സമയദൈർഘ്യം115 മിനിറ്റ് [2]
ആകെ$389.9 ദശലക്ഷം [1]

സ്റ്റീവൻ സ്പീൽബർഗ് സംവിധാനം നിർവ്വഹിച്ചു 1981 ൽ പുറത്തിറങ്ങിയ ഒരു ഹോളിവുഡ് സാഹസിക ചലച്ചിത്രമാണ് റെയ്ഡേഴ്സ് ഓഫ് ദ ലോസ്റ്റ് ആർക്ക്. ജോർജ്‌ ലൂക്കാസ്, ഫിലിപ്പ് കോഫ്മാൻ എന്നിവർ ചേർന്നെഴുതിയ കഥയ്ക്ക് തിരക്കഥ രചിച്ചത് ലോറൻസ് കാസ്‌ഡെൻ ആണ്. ഹാരിസൺ ഫോർഡ് മുഖ്യവേഷമണിഞ്ഞ ചിത്രം ഇൻഡ്യാന ജോൺസ്‌ പരമ്പരയിലെ ആദ്യ ചിത്രമാണ്. അഡോൾഫ്‌ ഹിറ്റ്‌ലറുടെ നിർദ്ദേശപ്രകാരം ആർക്ക് ഓഫ് ദ കവനെന്റ് തേടിയിറങ്ങുന്ന നാസി സംഘവും അത് തടയാനെത്തുന്ന നായകകഥാപാത്രം ഇൻഡ്യാന ജോൺസുമാണ് ചിത്രത്തിന്റെ ഇതിവൃത്തം. ഹാരിസൺ ഫോർഡിനൊപ്പം കാരെൻ അല്ലെൻ, പോൾ ഫ്രീമാൻ, ഫ്രഞ്ച് പുരാവസ്തു ഗവേഷകൻ റെനേ ബെലോ, ജോൺ റൈ-ഡേവീസ് എന്നിവർ മുഖ്യവേഷങ്ങൾ ചെയ്തു. 

ജൂൺ 12, 1981 ൽ റീലീസ് ചെയ്ത റെയ്ഡേഴ്സ് ഓഫ് ദ ലോസ്റ്റ് ആർക്ക്, ആ വർഷത്തെ ഏറ്റവും വരുമാനം നേടിയ ചിത്രം എന്ന നേട്ടം കൈവരിച്ചതിനു പുറമെ എക്കാലത്തെയും ഉന്നത വരുമാനം നേടിയ ചിത്രങ്ങളിൽ ഒന്നുമായി. 1982 ൽ ഒൻപത് ഇനങ്ങളിൽ അക്കാദമി അവാർഡിനു നാമനിർദ്ദേശം ചെയ്യപ്പെടുകയും നാലെണ്ണം വിജയിക്കുകയും ചെയ്തു. ചിത്രത്തിന്റെ മികച്ച വിജയത്തെ തുടർന്നു ഇൻഡ്യാന ജോൺസ്‌ ആൻഡ് ദ ടെംപിൾ ഓഫ് ഡൂം (1984), ഇൻഡ്യാന ജോൺസ്‌ ആൻഡ് ദ ലാസ്റ്റ് ക്രൂസേഡ് (1989) പിന്നെ ഇൻഡ്യാന ജോൺസ്‌ ആൻഡ് ദ കിങ്ഡം ഓഫ് ക്രിസ്റ്റൽ സ്കൾ (2008) എന്നിങ്ങനെ മൂന്ന് ചിത്രങ്ങൾ കൂടി പുറത്തിറങ്ങി. പരമ്പരയിലെ അഞ്ചാമത്തെ ചിത്രം 2019 ൽ പുറത്തിറങ്ങുമെന്നു കരുതുന്നു. 1999 ൽ ചിത്രത്തിന്റെ സാമൂഹികവും, ചരിത്രപരവും, സൗന്ദര്യാത്മകവുമായ പ്രത്യേകതകൾ പരിഗണിച്ചു യുഎസ് ലൈബ്രറി ഓഫ് കോൺഗ്രസിന്റെ ദേശീയ ചലച്ചിത്ര റെജിസ്ട്രിയിൽ ഇടം നേടി.

അവലംബം[തിരുത്തുക]

  1. 1.0 1.1 "Raiders of the Lost Ark (1981)". Box Office Mojo. Retrieved July 9, 2007.
  2. "RAIDERS OF THE LOST ARK (A)". British Board of Film Classification. June 2, 1981. Archived from the original on 2016-03-09. Retrieved March 8, 2016.