രേവ്ദന്ദ കോട്ട

രേവ്ദന്ദ കോട്ട
രേവ്ദന്ദ കോട്ട
അടിസ്ഥാന വിവരങ്ങൾ
തരം	കോട്ട
സ്ഥാനം	രേവ്ദന്ദ, റായ്ഗഡ് ജില്ല
നിർമ്മാണം ആരംഭിച്ച ദിവസം	1521
പദ്ധതി അവസാനിച്ച ദിവസം	1524
ഉടമസ്ഥത	ഭാരത സർക്കാർ

മഹാരാഷ്ട്രയിലെ രേവ്ദന്ദ എന്ന സ്ഥലത്തെ ഒരു കോട്ടയാണ് ‘’’രേവ്ദന്ദ കോട്ട’’’. ചൗൾ കോട്ട എന്ന പേരിലും ഇത് അറിയപ്പെടുന്നു. പോർച്ചുഗീസ് ഭാഷയിൽ ഇത് "ഫോർട്ടാലെസ ഡി ചൗൾ" എന്നറിയപ്പെട്ടു.

സ്ഥാനം

മുംബൈ നഗരത്തിൽ നിന്നും ഏകദേശം 110 കിലോമീറ്റർ തെക്ക് ഭാഗത്ത് രേവ്ദന്ദ എന്ന സ്ഥലത്ത്, കുണ്ഡലിക നദിയുടെ അഴിമുഖത്താണ് കോട്ട സ്ഥിതിചെയ്യുന്നത്. റോഡ് മാർഗ്ഗം ഇവിടെ എളുപ്പത്തിൽ എത്തിച്ചേരാൻ കഴിയും. അലിബാഗ്-മുരുഡ് റോഡ് കോട്ടയിൽ നിന്നും അധികം അകലെയല്ലാതെ കടന്നുപോകുന്നു. ഒരുകാലത്ത് കോട്ടയുടെ മൂന്ന് വശവും കടലിടുക്കിനാൽ ചുറ്റപ്പെട്ടിരുന്നു. രണ്ട് കവാടങ്ങളുള്ള ഈ കോട്ടയുടെ പ്രധാന കവാടം തെക്ക് ഭാഗത്താണ്.

ചരിത്രം

1516-ൽ അഹമ്മദ് നഗറിലെ ബുർഹാൻ നിസാം ഷാ പോർച്ചുഗീസുകാർക്ക് ഇവിടെ ഒരു ഫാക്റ്ററി നിർമ്മിക്കുവാൻ അനുവാദം നൽകി. തുടർന്ന് ഈ ഫാക്റ്ററിക്ക് ചുറ്റുമായി 5 കിലോമീറ്റർ ചുറ്റളവുള്ള ഒരു കോട്ടയും അവർ പണിതു. പോർച്ചുഗീസ് ക്യാപ്റ്റൻ സോജ് ആണ് ഈ കോട്ട പണികഴിപ്പിച്ചത് എന്നു പറയപ്പെടുന്നു. 1524 ൽ ഇതിന്റെ നിർമ്മാണം പൂർത്തിയായി. 1806-ൽ മറാഠാ സൈന്യം പിടിച്ചെടുക്കുന്നതുവരെ പോർച്ചുഗീസുകാരുടെ നിയന്ത്രണത്തിലായിരുന്നു. പിന്നീട് 1818 ൽ ബ്രിട്ടീഷുകാർ ഇത് പിടിച്ചെടുത്തു.

വിശുദ്ധ ഫ്രാൻസിസ് സേവ്യർ തന്റെ ആദ്യകാല പ്രഭാഷണങ്ങളിലൊന്ന് നടത്തിയ സ്ഥലമാണ് രേവ്ദന്ദ കോട്ട. കോട്ടയ്ക്കകത്ത് തെക്ക് വശത്തായി ഭാഗികമായി തകർന്ന നിലയിൽ ഈ ചാപ്പൽ ഇപ്പോഴും കാണാം.

ചിത്രശാല

• 
• 
• 
• 
• 
•