മുഹാദ് വെമ്പായം

മുഹാദ് വെമ്പായം
Born	വെമ്പായം
Occupation(s)	നാടകകൃത്ത്, ചലച്ചിത്ര തിരക്കഥാകൃത്ത്, ഗാനരചയിതാവ്
Notable work	പണ്ടെങ്ങാണ്ടൊരു നാടുണ്ടാർന്നേ (നാടകഗാനം) ആണ്ടാണ്ടൊരു പെണ്ണൊരുത്തി (ചലച്ചിത്രഗാനം) അപ്രധാനവാർത്തകൾ (നാടകം) എഴുത്തച്ഛൻ (നാടകം) അതൊരു കഥയാണ് (നാടകം) കനൽച്ചിലമ്പ് (നാടകം)
Spouse	ഷെഹിന
Children	ഇലാൻ ഹാഷ്മി
Awards	നാടകരചന - കേരള സംസ്ഥാന നാടക പുരസ്കാരം- 2017 ഗാനരചന - കേരള സംസ്ഥാന നാടക പുരസ്കാരം - 2019 എൻ എൻ പിള്ള രചനാപുരസ്കാരം - 2017

മലയാളഭാഷയിലെ ഒരു പ്രശസ്തനായ നാടകകൃത്തും മലയാളചലച്ചിത്രമേഖലയിലെ ഒരു തിരക്കഥാകൃത്തുമാണ് മുഹാദ് വെമ്പായം. തിരുവനന്തപുരം വെമ്പായത്ത് ജനിച്ച ഇദ്ദേഹം ഇ​തി​ന​കം അ​മ്പ​തോ​ളം നാ​ട​ക​ങ്ങ​ൾ എ​ഴു​തി​യി​ട്ടു​ണ്ട്. പുറത്തിറങ്ങാൻ പോകുന്ന മൂന്ന് സിനിമകൾക്കും അദ്ദേഹം കഥയും തിരക്കഥയും എഴുതിയിട്ടുണ്ട്. 2017 ൽ നാടകരചനയ്ക്കും 2019 ൽ ഗാനരചനയ്ക്കുമുള്ള സംസ്ഥാന സർക്കാർ പുരസ്കാരങ്ങൾ (കേരള സംഗീത നാടക അക്കാദമി പുരസ്കാരങ്ങൾ) മുഹാദിനായിരുന്നു. "അതൊരു കഥയാണ്" എന്ന നാടകമായിരുന്നു പുരസ്കാരത്തിന് അർഹമായത്. 2017 ലെ എൻ എൻ പിള്ള രചനാപുരസ്കാരവും അദ്ദേഹത്തിന് ലഭിച്ചിട്ടുണ്ട്.

ഗാനരചയിതാവ് എന്ന രീതിയിലും ഇദ്ദേഹം പ്രതിഭ തെളിയിച്ചിട്ടുണ്ട്. മുഹാദ് എഴുതിയ “പണ്ടെങ്ങാണ്ടൊരു നാടുണ്ടാർന്നേ.. ആ നാട്ടില് പുഴയുണ്ടാർന്നേ..” എന്ന നാടകഗാനം വളരെ പ്രശസ്തമാണ് . ജയരാജ് സംവിധാനം ചെയ്ത അവൾ എന്ന ചിത്രത്തിലെ “ആണ്ടാണ്ടെ പെണ്ണൊരുത്തി” എന്ന ഗാനവും വ്യാപകമായി ശ്രദ്ധ പിടിച്ചു പറ്റിയിട്ടുണ്ട്.