മുടി
സസ്തനികളിൽ മാത്രം കാണപ്പെടുന്ന, പ്രോട്ടീന്റെ പുറത്തേക്കുള്ള വളർച്ചയെ രോമം, മുടി എന്നു പറയുന്നു. മുടി എന്ന വാക്ക് സംസ്കൃതത്തിൽ നിന്നാണ് മലയാളത്തിലേക്ക് സ്വീകരിക്കപ്പെട്ടത്. ത്വക്കിന്റെ അന്തർഭാഗമായ ഡെർമിസിൽ നിന്നും തുടങ്ങുന്നതാണെങ്കിലും ഇവ രോമകൂപങ്ങളിലൂടെ തൊലിക്ക് വെളിയിലെത്തി, ത്വക്കിന്റെ ഏറ്റവും പുറം ഭാഗമായ എപ്പിഡെർമിസിൽ നിന്നും പുറത്തേയ്ക്ക് കാണപ്പെടുന്നു.
മനുഷ്യരിൽ
[തിരുത്തുക]മനുഷ്യരിൽ അസാധാരണ വളർച്ചയുള്ള രോമങ്ങൾ കാണപ്പെടുന്നു. തലയിലാണ് പ്രധാനമായും ഇവ കാണപ്പെടുന്നത്. ഇവയെ തലമുടി എന്നറിയപ്പെടുന്നു. പല സമൂഹങ്ങളും ഇത് സൗന്ദര്യത്തിന്റെ ലക്ഷണമായി കണക്കാക്കപ്പെടുന്നു. തലമുടി വൃത്തിയായും ആകർഷകമായും സൂക്ഷിക്കുന്നത് സർവ സാധാരണമാണ്. പുരുഷന്മാർക്ക് താടി, മീശ എന്നിവയും നീണ്ടു വളരുന്നു. ചിലർ ഇവ നീക്കം ചെയ്യുമ്പോൾ മറ്റു ചിലർ ഇത് മനോഹരമായി വെട്ടി നിർത്തുന്നു.
മനുഷ്യന്റെ തലയിൽ ഒരു ലക്ഷത്തിലധികം രോമങ്ങൾ കാണപ്പെടുന്നു[1]. വിവിധ വംശങ്ങളിൽ ഇതിന് ഏറ്റക്കുറച്ചിലുകളും ഉണ്ട്[1]. തലമുടിയുടെ ശരാശരി വളർച്ച വർഷത്തിൽ 127 മില്ലി മീറ്ററും[1], ആയുസ്സ് ആറ് വർഷവുമാണ്[1]. മെലാനിൻ എന്ന വർണവസ്തു മുടിക്കു കറുപ്പ് നിറം നൽകുന്നു. മുടിക്കും കണ്ണിനും ഏറെ സംരക്ഷണം വേണ്ട സമയമാണ് വേനൽക്കാലം. പോഷകമൂല്യമുള്ള ഭക്ഷണം കഴിക്കേണ്ടത് തലമുടിയുടെ വളർച്ചക്ക് ഏറെ അത്യാവശ്യമാണ്. [2]
പ്രോടീൻ, ബയോട്ടിൻ (വിറ്റാമിൻ ബി 7), വിറ്റാമിൻ സി, ഇരുമ്പ്, വിറ്റാമിൻ ഡി, സിങ്ക്, ഫോളേറ്റ്, വിറ്റാമിൻ ബി 12, കോളാജൻ, ഒമെഗാ 3 ഫാറ്റി ആസിഡ് തുടങ്ങിയ പോഷകങ്ങൾ മുടി വളർച്ചയെ ത്വരിതപ്പെടുത്തുന്ന ഘടകങ്ങൾ ആണ്. ശരീരത്തിലുള്ള ഈ പോഷകങ്ങളുടെ അഭാവം മുടി കൊഴിച്ചിലിന് കാരണമാകുന്നു. അതിനാൽ മേല്പറഞ്ഞ പോഷകങ്ങൾ അടങ്ങിയ ഭക്ഷണം പ്രത്യേകം തെരെഞ്ഞെടുത്തു കഴിക്കേണ്ടത് തലമുടിയുടെ വളർച്ചയ്ക്ക് അത്യാവശ്യമാണ്. ഇതിന് വേണ്ടി ശരിയായ അളവിൽ പഴങ്ങൾ, പച്ചക്കറികൾ, ചീര അല്ലെങ്കിൽ മുരിങ്ങയില പോലെയുള്ള ഇലക്കറികൾ, പയർ വർഗ്ഗങ്ങൾ, ബദാം അല്ലെങ്കിൽ നിലക്കടല (കപ്പലണ്ടി) തുടങ്ങിയ പരിപ്പ് വർഗ്ഗങ്ങൾ, കടൽ മത്സ്യം, മുട്ട, കൊഴുപ്പ് കുറഞ്ഞ മാംസം, തവിട് അടങ്ങിയ ധാന്യങ്ങൾ, കൂൺ തുടങ്ങിയവ പോഷക സമൃദ്ധമായ വസ്തുക്കൾ ഭക്ഷണത്തിൽ നിത്യേന ഉൾപ്പെടുത്തേണ്ടതായിട്ടുണ്ട്.
കൗമാരപ്രായത്തോടെ മനുഷ്യരിൽ ശാരീരിക രോമ വളർച്ച ആരംഭിക്കുന്നു. ഗുഹ്യപ്രദേശം, കക്ഷങ്ങൾ, മറ്റ് ശരീരഭാഗങ്ങൾ എന്നിവിടങ്ങളിലും ആൻഡ്രജൻ (ടെസ്റ്റോസ്റ്റിറോൺ) എന്ന ലൈംഗിക ഹോർമോണുകളുടെ പ്രവർത്തന ഫലമായി മുടി കാണപ്പെടുന്നുണ്ടെങ്കിലും വളർച്ചയുടെ തോത് തലയിലേത് അപേക്ഷിച്ചു കുറവാണ്. തലമുടി, താടി എന്നിവ പോലെ കക്ഷരോമം, ഗുഹ്യരോമം എന്നിവ നീണ്ടു വളരാറില്ല.
ഗുഹ്യരോമങ്ങൾ ലൈംഗികബന്ധത്തിന്റെ സമയത്ത് ലോലമായ ഗുഹ്യ ചർമത്തിലെ ഘർഷണം, ഉരസൽ എന്നിവ കുറയ്ക്കാനും അതുവഴി സുരക്ഷിതമല്ലാത്ത ലൈംഗിക ബന്ധത്തിലൂടെ പടരുന്നത് ഉൾപ്പടെയുള്ള അണുബാധകൾ തടയുവാനും, ചില ജന്തുക്കളിൽ ഫെറോമോണുകളെ ശേഖരിച്ചു വയ്ക്കാനും, പൊടിയും മറ്റും യോനിയുടെ ഉള്ളിലേക്ക് കടക്കുന്നത് തടയാനും സഹായിക്കുന്നു.[1]
പുരുഷന്മാരിലും സ്ത്രീകളിലും ഗുഹ്യ ഭാഗത്തെ മുടിയുടെ വ്യത്യസ്തതയെ ദ്വിതീയ ലിംഗസ്വഭാവം എന്നു പറയുന്നു. ഇത് ശരീരത്തിലെ ഹോർമോൺ പ്രവർത്തനവുമായി ബന്ധപ്പെട്ടിരിക്കുന്നു. ചിലർ ഗുഹ്യരോമങ്ങൾ നിലനിർത്താൻ ഇഷ്ടപ്പെടുമ്പോൾ ചിലർ ഇത് പാടേ ഒഴിവാക്കുന്നു, എന്നാൽ മറ്റു ചിലരാകട്ടെ ഇവ പ്രത്യേക ശൈലിയിൽ ക്രമീകരിച്ചു സൂക്ഷിക്കുന്നു. പലവിധ ഫാഷനുകളിൽ ഇവ വെട്ടി സൂക്ഷിക്കുന്നതും സാധാരണമാണ്. ഇത് വ്യക്തിപരമായ തീരുമാനം ആണ്. ചിലർ മതപരമായ ആചാരത്തിന്റെ ഭാഗമായും ഗുഹ്യരോമം നീക്കാറുണ്ട്. ഗുഹ്യ രോമങ്ങൾ നിലനിർത്തുന്നത് വൃത്തിക്കുറവിന്റെ ഭാഗമായി ചിലർ കാണുന്നു. എന്നാൽ ഇത് തികച്ചും തെറ്റാണ്. ഗുഹ്യ രോമം ശരീരത്തിൽ സാധാരണയായി വളരാറുള്ളതും പ്രായപൂർത്തി ആകുമ്പോഴുള്ള ഹോർമോൺ പ്രവർത്തനത്തിന്റെ ഭാഗവുമാണ്. ഇതിന് കൃത്യമായ ധർമ്മവും ഉണ്ട്. [3] പുരുഷഹോർമോണിന്റെ (ആൻഡ്രോജൻ) പ്രവർത്തനം ആണുങ്ങളിൽ തലമുടി കൊഴിയാൻ കാരണമാകാറുണ്ട്. ഇതിനെ കഷണ്ടി എന്നറിയപ്പെടുന്നു.
മൂക്കിനുള്ളിലെ രോമങ്ങൾ, ചെവിയ്ക്കുള്ളിലെ രോമങ്ങൾ, കൺപീലികൾ എന്നിവ അന്യവസ്തുക്കൾ, ചെറുപ്രാണികൾ, പൊടി, രോഗാണുക്കൾ എന്നിവ ഉള്ളിലേക്ക് കടക്കാതെ സംരക്ഷണം നൽകുന്നു.[3]
രസകരമായ വിവരങ്ങൾ
[തിരുത്തുക]- മനുഷ്യരിൽ ഒരു മാസത്തിൽ അര ഇഞ്ചാണ് തലയിലെ മുടി വളരുന്നത്. മുടിയുടെ വളർച്ച ഒരു ദിവസത്തിൽ തന്നെ ഒരു പോലെയല്ല.
- പുരുഷന്റെ മുടിയുടെ ജീവിതകാലം മൂന്നു മുതൽ അഞ്ചുകൊല്ലം വരെയാണ്. എന്നാൽ സ്ത്രീകളിൽ ഇത് ഏഴുകൊല്ലം വരെയാണ്.
- കൺപീലികളുടെ ആയുസ് ആറുമാസമാണ്.
- പ്രായപൂർത്തിയായ പുരുഷന്റെ ത്വക്കിൽ മൂന്നു ലക്ഷം മുതൽ അഞ്ചുലക്ഷം വരെ മുടികളുണ്ട്.[3]
- ഗുഹ്യരോമങ്ങൾ മൂടോടെ ഷേവ് ചെയ്യുന്നത് മൂലമുണ്ടാകുന്ന ത്വക്കിലെ സൂക്ഷ്മമായ മുറിവുകൾ രോഗാണു ബാധകൾ പെട്ടെന്ന് പകരാനുള്ള സാധ്യത ഉണ്ടാക്കുന്നു. പ്രത്യേകിച്ചും സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന എച്ച്ഐവി/എയ്ഡ്സ്, എച്ച്പിവി തുടങ്ങിയ രോഗങ്ങൾ എളുപ്പം പടരാം.
- താടിയാണ് മനുഷ്യശരീരത്തിൽ ഏറ്റവും കൂടുതൽ വളരുന്ന മുടി.[4]
ചിത്രശാല
[തിരുത്തുക]-
വാർമുടി
അവലംബം
[തിരുത്തുക]- ↑ 1.0 1.1 1.2 1.3 1.4 "മുടി എന്ന കൊടിയടയാളം" (PDF). മലയാളം വാരിക. 2012 മാർച്ച് 16. Archived from the original (PDF) on 2016-03-06. Retrieved 2013 ഫെബ്രുവരി 25.
{{cite news}}: Check date values in:|accessdate=and|date=(help) - ↑ "Summer Beauty Tips".
- ↑ 3.0 3.1 3.2 പേജ്78, All About Human Body - Addone Publishing group
- ↑ page 124, All about human body, Addone Publishing Group
|
ശരീരശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |