ബ്രിട്നി സ്പിയേർസ്

ഇംഗ്ലീഷ് വിലാസം

https://ml.wikipedia.org/wiki/Britney_Spears

ബ്രിട്ട്നി സ്പിയേർസ്
പശ്ചാത്തല വിവരങ്ങൾ
ജന്മനാമം	ബ്രിട്ട്നി ജീൻ സ്പിയേർസ്
ഉത്ഭവം	കെന്റ്വുഡ്, ലൂസിയാന, യുണൈറ്റഡ് സ്റ്റേറ്റ്സ്
വിഭാഗങ്ങൾ	പോപ്പ്
തൊഴിൽ(കൾ)	ഗായിക, നർത്തകി, ഗാനരചയിതാവ്, നടി, രചയിതാവ്, പിയാനിസ്റ്റ്, സംവിധായിക
ഉപകരണങ്ങൾ	പാടൽ, പിയാനോ
വർഷങ്ങളായി സജീവം	1993-ഇപ്പോൾ
ലേബലുകൾ	സോണി (1997–1998) ജൈവ് / Zomba (1998–present)
അനുബന്ധ പ്രവൃത്തികൾ	The New Mickey Mouse Club ഇന്നസെൻസ്
വെബ്സൈറ്റ്	www.britneyspears.com www.britney.com

ഒരു അമേരിക്കൻ പോപ്പ് ഗായികയാണ് ബ്രിട്ട്നി സ്പിയേർസ് എന്നറിയപ്പെടുന്ന ബ്രിട്ട്നി ജീൻ സ്പിയേർസ് (ഇംഗ്ലീഷ്: Britney Jean Spears, ജനനം ഡിസംബർ 2, 1981).

ലൂസിയാനയിലെ കെന്റ്വുഡിലാണ് സ്പിയേർസ് വളർന്നത്. 1992-ൽ നാഷണൽ ടെലിവിഷനിലെ സ്റ്റാർ സേർച്ച് പരിപാടിയിൽ മത്സരാർത്ഥിയായി സ്പിയേർസ് പ്രത്യക്ഷപ്പെട്ടു. 1993 മുതൽ 1994 വരെ ഡിസ്നി ചാനലിലെ ദ ന്യൂ മിക്കി മൗസ് ക്ലബ് എന്ന പരമ്പരയിൽ അഭിനയിച്ചു. 1997-ൽ ജൈവുമായി റെക്കോർഡിങ് കരാറിലേർപ്പെട്ടു. ആദ്യ ആൽബമായ ബേബി വൺ മോർ ടൈം 1999-ൽ പുറത്തിറങ്ങി. ഈ ആൽബം ബ്രിട്ട്നിക്ക് പോപ്പ് താര പദവി നേടിക്കൊടുത്തു. മയക്കുമരുന്ന് ഉപയോഗം ഉൾപ്പെടെ പല വിവാദങ്ങളിലും സ്പിയേർസ് അകപ്പെട്ടിരുന്നു. 2008 ഡിസംബറിൽ തന്റെ 27-ആം ജന്മദിനത്തിൽ സർക്കസ് എന്ന ആൽബം പുറത്തിറക്കി.

യുണൈറ്റഡ് സ്റ്റേറ്റ്സിൽ ഏറ്റവുമധികം ആൽബങ്ങൾ വിറ്റഴിച്ച കലാകാരികളിൽ എട്ടാം സ്ഥാനത്താണ് സ്പിയേർസ്. റെക്കോർഡിങ് ഇൻഡസ്ട്രി അസോസിയേഷൻ ഓഫ് അമേരിക്കയുടെ കണക്കുകൾ പ്രകാരം ഇവരുടെ 3.2 കോടി ആൽബങ്ങളാണ് വിറ്റഴിയപ്പെട്ടിട്ടുള്ളത്. ലോകവ്യാപകമായി സ്പിയേർസിന്റെ ആൽബങ്ങളുടെ വില്പന 8.5 കോടിയാണ്.