പ്രകൃതിവാതകം

വിക്കിപീഡിയ, ഒരു സ്വതന്ത്ര വിജ്ഞാനകോശം.
വിവിധ രാജ്യങ്ങളിലെ പ്രകൃതിവാതകശേഖരത്തിന്റെ ഉപയോഗം

പ്രകൃതിയിൽ നിന്നും ലഭിക്കുന്ന ഹൈഡ്രോകാർബൺ വാതകമിശ്രിതം. മീഥെയ്ൻ ആണ് ഭൂരിഭാഗവും. ഇതുകൂടാതെ കാർബൺ ഡയോക്സൈഡ്, നൈട്രജൻ, ഹൈഡ്രജൻ സൾഫൈഡ് തുടങ്ങിയ വാതകങ്ങളും ഇതിൽ അടങ്ങിയിരിക്കുന്നു. നല്ലൊരു ഇന്ധനമാണ് പ്രകൃതിവാതകം. വൈദ്യുതോത്പാദനത്തിനും പാചകത്തിനും മറ്റ് ആവശ്യങ്ങൾക്കും പ്രകൃതിവാതകം ഉപയോഗിച്ചുവരുന്നു. കൽക്കരിപ്പാടങ്ങളോടു ചേർന്നാണ് മിക്കവാറും പ്രകൃതിവാതകത്തിന്റെ സ്രോതസ്സുകൾ കാണപ്പെടാറ്. ഭൂമിയിൽ വളരെ ആഴത്തിൽ പാറയിടുക്കുകളിലും മറ്റുമായി കുടങ്ങിക്കിടക്കുന്ന വാതകമാണിത്.[1]

സമ്മർദ്ദിത പ്രകൃതിവാതകം[തിരുത്തുക]

ശുദ്ധീകരിച്ച പ്രകൃതിവാതകത്തെ മർദ്ദമുപയോഗിച്ച് ചുരുക്കി സിലിണ്ടറുകളിലും മറ്റുമായി സൂക്ഷിച്ചുവയ്ക്കാം. വാഹനങ്ങളിലും മറ്റും ഇന്ധനമായി ഇത് ഉപയോഗിക്കുകയും ചെയ്യാം. സമ്മർദ്ദിത പ്രകൃതിവാതകം എന്നാണ് ഇത് അറിയപ്പെടുന്നത്

ദ്രവീകൃത പ്രകൃതിവാതകം[തിരുത്തുക]

ശുദ്ധീകരിച്ച പ്രകൃതിവാതകത്തെ തണുപ്പിച്ച് ദ്രാവകമാക്കി മാറ്റി സൂക്ഷിക്കുന്നതിനെയാണ് ദ്രവീകൃത പ്രകൃതിവാതകം എന്നു പറയുന്നത്. അതിശീത താപനിലകളിൽ മാത്രമേ ദ്രവീകൃത പ്രകൃതിവാതകം സുരക്ഷിതമായി സൂക്ഷിക്കാനാകൂ.[2]

അവലംബം[തിരുത്തുക]

  1. http://www.naturalgas.org/
  2. http://www.naturalgas.org/lng/lng.asp
"http://ml.wikipedia.org/w/index.php?title=പ്രകൃതിവാതകം&oldid=1696342" എന്ന താളിൽനിന്നു ശേഖരിച്ചത്