പോസ്റ്റ്‌പാർട്ടം അണുബാധകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

This template must be substituted. Replace {{Requested move ...}} with {{subst:Requested move ...}}.

പ്രസവശേഷ ആറുമാസക്കാലത്തെ (പ്യൂർപേൾ) അണുബാധകൾ
Streptococcus pyogenes.jpg
സ്ട്രെപ്റ്റോകോക്കസ് പയോജെനസ് (ചുവപ്പ് നിറമുള്ള ഗോളങ്ങൾ) ആണ് പ്രസവശേഷ ആറുമാസക്കാലത്തെ (പ്യൂർപേൾ) തീവ്രമായ പനിയുടെ പല സാഹചര്യങ്ങളും ഉണ്ടാക്കുന്നത്. (900x മാഗ്നിഫിക്കേഷൻ)
വർഗീകരണവും ബാഹ്യ ഉറവിടങ്ങളും
സ്പെഷ്യാലിറ്റിobstetrics
ICD-10O85
ICD-9-CM672
eMedicinearticle/796892
MeSHD011645

പ്രസവത്തെ അല്ലെങ്കിൽ ഗർഭമലസലിനെ തുടർന്ന് സ്ത്രീയുടെ പുനരുൽപ്പാദന നാളിയിൽ ഉണ്ടാവുന്ന ബാക്റ്റീരിയ അണുബാധ കാരണമാണ് പോസ്റ്റ്‌പാർട്ടം അണുബാധകൾ, പ്യൂർപേൾ പനി അല്ലെങ്കിൽ പ്രസവക്കിടക്കയിലെ പനി എന്നൊക്കെ വിളിക്കുന്ന പ്രസവശേഷ ആറുമാസക്കാലത്തെ (പ്യൂർപേൾ) അണുബാധകൾ ഉണ്ടാവുന്നത്. സൂചനകളിലും ലക്ഷണങ്ങളിലും 38.0 °C (100.4 °F) എന്നതിനേക്കാൾ കൂടുതലായ പനി, കുളിരുകൾ, ഉദരത്തിന്റെ കീഴ്‌ഭാഗത്ത് വേദന, ദുർഗന്ധത്തോട് കൂടിയ യോനീസ്രാവം എന്നിവയൊക്കെ പൊതുവെ ഉൾപ്പെടുന്നു.[1] പ്രസവം കഴിഞ്ഞ് ആദ്യ 24 മണിക്കൂറിന് ശേഷമോ, ആദ്യ പത്ത് ദിവസത്തിനുള്ളിലോ ഇത് പൊതുവെ സംഭവിക്കുന്നു.[2]

ഗർഭപാത്രത്തെയും ചുറ്റുമുള്ള ശരീരകലകളെയും ബാധിക്കുന്ന ഏറ്റവും പൊതുവായ അണുബാധയെ പ്യൂപേൾ സെപ്‌സിസ് എന്നോ പോസ്റ്റ്‌പാർട്ടം മെട്രിറ്റിസ് എന്നോ വിളിക്കുന്നു. അപകടസാധ്യതാ ഘടകങ്ങളിൽ സിസേറിയൻ ശസ്ത്രക്രിയ, യോനിയിൽ ഗ്രൂപ്പ് ബി സ്ട്രെപ്റ്റോകോക്കസ് പോലെ ചില ബാക്ടീരിയയുടെ സാന്നിധ്യം, ചർമ്മപാളി (മെംബ്രെയ്‌ൻ) കാലമെത്താതെ പൊട്ടൽ, നീണ്ടുനിൽക്കുന്ന പേറ്റുനോവ് എന്നിവയും മറ്റും ഉൾപ്പെടുന്നു. മിക്ക അണുബാധകളും ഉണ്ടാക്കുന്നത് പല തരത്തിലുള്ള ബാക്ടീരിയയാണ്. യോനിയോ രക്തമോ കൾച്ചർ ചെയ്യുന്നതുകൊണ്ട് രോഗനിർണ്ണയം ഒട്ടും സാധ്യമാകുകയില്ല. രോഗവിമുക്തി ലഭിക്കാത്തവർക്ക് മെഡിക്കൽ ഇമേജിംഗ് ആവശ്യമായി വന്നേക്കാം. പ്രസവത്തെ തുടർന്നുണ്ടാകുന്ന പനിക്ക് മറ്റ് കാരണങ്ങളുമുണ്ട്, ഇവയിൽ ഇനിപ്പറയുന്നവ ഉൾപ്പെടുന്നു: ബ്രെസ്റ്റ് എൻഗോർജ്‌മെന്റ്, മൂത്രനാളിയിലെ അണുബാധകൾ, വയറിലെ മുറിവിൽ നിന്നോ എപിസിയോടൊമിയിൽ നിന്നോ ഉണ്ടാകുന്ന അണുബാധകൾ, അറ്റെലെക്റ്റാസിസ്.[1]

സിസേറിയൻ ശസ്ത്രക്രിയയെ തുടർന്നുണ്ടാകുന്ന അപകടസാധ്യതകൾ കാരണം, ശസ്ത്രക്രിയയ്ക്ക് വിധേയരാവുന്ന എല്ലാ സ്ത്രീകളും ശസ്ത്രക്രിയയുടെ സമയത്ത് ആംപിസിലിൻ പോലെയുള്ള ആന്റിബയോട്ടിക്സിന്റെ പ്രതിരോധ ഡോസ് എടുക്കണമെന്ന് ശുപാർശ ചെയ്യുന്നു. വ്യവസ്ഥാപിത അണുബാധകളെ ചികിത്സിക്കുന്നത് ആന്റീബയോട്ടിക്കുകൾ നൽകിയാണ്, രണ്ടോ മൂന്നോ ദിവസത്തിനുള്ളിൽ മിക്കയാളുകൾക്കും രോഗവിമുക്തി ലഭിക്കും. രോഗം നേരിയ തോതിൽ മാത്രമാണുള്ളതെങ്കിൽ, വായിലൂടെ എടുക്കാവുന്ന ആന്റീബയോട്ടിക്കുകൾ മതിയായേക്കാം, അല്ലെങ്കിൽ ഇൻട്രാവീനസ് ആയി (ഞരമ്പിലേക്ക് കുത്തിവച്ചുകൊണ്ട്) ആന്റീബയോട്ടിക്കുകൾ നൽകണമെന്ന് ശുപാർശ ചെയ്യപ്പെടുന്നു. പൊതുവായി നൽകപ്പെടുന്ന ആന്റീബയോട്ടിക്കുകളിൽ ആംപിസിലിൻ, ജെന്റാമിസിൻ എന്നിവയുടെ സമ്മിശ്രണവും ക്ലിൻഡാ‌മൈസിൻ, ജെന്റാമിസിൻ എന്നിവയുടെ സമ്മിശ്രണവും ഉൾപ്പെടുന്നു. യോനിയിലൂടെയുള്ള പ്രസവത്തെ തുടർന്നാണ് ആദ്യത്തെ സമ്മിശ്രണം ഉപയോഗിക്കുന്നത്. സിസേറിയൻ നടത്തിയിട്ടുള്ളവരിൽ രണ്ടാമത്തേത് ഉപയോഗിക്കുന്നു. ഉചിതമായ ചികിത്സ നടത്തിയിട്ടും അവസ്ഥ മെച്ചപ്പെടുന്നില്ലെങ്കിൽ, വീക്കം പോലെയുള്ള മറ്റ് സങ്കീർണ്ണതകൾ ഉണ്ടോ എന്ന് പരിശോധിച്ച് കണ്ടെത്തേണ്ടതുണ്ട്.[1]

വികസിത രാജ്യങ്ങളിൽ, യോനിയിലൂടെയുള്ള പ്രസവത്തെ തുടർന്ന്, ഒന്ന് മുതൽ രണ്ട് ശതമാനം വരെയുള്ളവർക്ക് ഗർഭപാത്ര അണുബാധ ഉണ്ടാകുന്നു. പ്രതിരോധ ആന്റീബയോട്ടിക്കുകൾ എടുക്കാത്ത പക്ഷം, ബുദ്ധിമുട്ടുള്ള പ്രസവം ഉണ്ടായവരിൽ ഇത് അഞ്ച് മുതൽ പതിമൂന്ന് ശതമാനമായി ഉയരുന്നു. സിസേറിയൻ ശസ്ത്രക്രിയ നടന്നവരിൽ ഇത് അമ്പത് ശതമാനമായി വർദ്ധിക്കുന്നു.[1] 2013-ൽ, ഈ അണുബാധകൾ കാരണം 24,000 മരണങ്ങൾ ഉണ്ടായി. 1990-ലെ 34,000 മരണങ്ങളുമായി താരതമ്യപ്പെടുത്തുമ്പോൾ ഇത് കുറവാണ്.[3] ഈ അവസ്ഥയുടെ, അറിയപ്പെടുന്ന ആദ്യ വിവരണങ്ങൾക്ക്, ചുരുങ്ങിയത്, ക്രിസ്തുവിന് മുമ്പ് അഞ്ചാം നൂറ്റാണ്ടോളം പഴക്കമുണ്ട്. ഹിപ്പോക്രാറ്റസിന്റെ കൃതികളിലാണ് ഇത്തരം വിവരണങ്ങൾ കാണാനാവുക.[4] പതിനെട്ടാം നൂറ്റാണ്ടു വരെ, പ്രസവ സമയത്തെ മരണത്തിന്റെ ഏറ്റവും പ്രധാന കാരണം ഈ അണുബാധകളായിരുന്നു. 1930-കളിൽ ആന്റീബയോട്ടിക്കുകൾ നിലവിൽ വന്നതോടെ ഈയവസ്ഥയ്ക്ക് മാറ്റം വന്നു.[5] 1847-ൽ, ആസ്ട്രിയയിലെ ഇഗ്നാസ് സെമ്മെൽവീസ് ആണ് ക്ലോറിൻ ഉപയോഗിച്ച് കൈകഴുകുന്ന സമ്പ്രദായം കൊണ്ടുവന്നിരുന്നു. ഇതുവഴി അണുബാധകളിൽ നിന്നുണ്ടാകുന്ന മരണ നിരക്ക് ഇരുപത് ശതമാനത്തിൽ നിന്ന് രണ്ട് ശതമാനമായി കുറഞ്ഞു.[6][7]

റെഫറൻസുകൾ[തിരുത്തുക]

  1. 1.0 1.1 1.2 1.3 "37". Williams obstetrics (24th പതിപ്പ്). McGraw-Hill Professional. 2014. പുറങ്ങൾ. Chapter 37. ISBN 9780071798938.
  2. Hiralal Konar (2014). DC Dutta's Textbook of Obstetrics. JP Medical Ltd. പുറം. 432. ISBN 9789351520672.
  3. GBD 2013 Mortality and Causes of Death, Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013". Lancet. doi:10.1016/S0140-6736(14)61682-2. PMID 25530442.
  4. Walvekar, Vandana (2005). Manual of perinatal infections. New Delhi: Jaypee Bros. പുറം. 153. ISBN 9788180614729.
  5. Magner, Lois N. (1992). A history of medicine. New York: Dekker. പുറങ്ങൾ. 257–258. ISBN 9780824786731.
  6. Anderson, BL (April 2014). "Puerperal group A streptococcal infection: beyond Semmelweis". Obstetrics and gynecology. 123 (4): 874–82. PMID 24785617.
  7. Ataman, AD; Vatanoglu-Lutz, EE; Yildirim, G (2013). "Medicine in stamps-Ignaz Semmelweis and Puerperal Fever". Journal of the Turkish German Gynecological Association. 14 (1): 35–9. PMID 24592068.