തുപമാരോസ
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഉറുഗ്വെയിലെ ദരിദ്രരായ കരിമ്പ് കർഷകരുടെയും വിദ്യാർത്ഥികളുടെയും കൂട്ടായ്മയിൽ രൂപം കൊണ്ട ഇടതുപക്ഷ ഗറില്ലാ ഗ്രൂപ്പാണ് തുപമാരോസ്. ഇൻകാ രാജാവായിരുന്ന തുപാക് അമരുവിന്റെ പേരാണ് അവർ സംഘടനയ്ക്ക് നൽകിയത്. ഇവരുടെ പ്രധാന തന്ത്രങ്ങളിലൊന്ന് രാഷ്ട്രീയ തട്ടിക്കൊണ്ടുപോകലുകളായിരുന്നു. 1971 ൽ യു.കെ അംബാസഡറായിരുന്ന ജെഫ്രി ജാക്സണെ എട്ടു മാസത്തോളം തടവിലാക്കിയിരുന്നു. പ്രസിഡന്റ് ജുവാൻ മരിയ ബ്രോഡ്ബെറിയുടെ നേതൃത്ത്വത്തിൽ നടന്ന 1973 ലെ കലാപത്തിനു ശേഷം അടിച്ചമർത്തപ്പെട്ടു. ഉറുഗ്വയിലെ പ്രസിഡന്റ് മുയിക്കയെപ്പോലെ അനേകം കലാപകാരികൾ തുറുങ്കിലടയ്ക്കപ്പെട്ടു. 1985 ൽ ജനാധിപത്യ ഗവൺമെന്റ് വരുന്നതു വരെ മുയിക്ക തടവറയിലായിരുന്നു. മുയിക്കയാണ് തുപമാരോസയെ ഒരു അംഗീകൃത രാഷ്ട്രീയ പാർട്ടിയായി വളർത്തിയെടുത്തത്. ബ്രോഡ് ഫ്രണ്ട് മുന്നണിയിൽ അണി ചേർന്നു.[1]
