തക്കാളിപ്പനി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
തക്കാളിപ്പനിയുടെ ലക്ഷണം

ഒരു വൈറൽ പനിയാണ് തക്കാളിപ്പനി. പത്തുവയസ്സിനു താഴെ പ്രായമുള്ള കുട്ടികളിൽ കണ്ടുവരുന്നൊരു രോഗമാണിത്. ചിക്കുൻഗുനിയയുടെ, ഡെങ്കിപ്പനിയുടെ ഒരു അനന്തരഫലമാണോ എന്ന കാര്യത്തിൽ നിലവിൽ തർക്കമുണ്ട്.[അവലംബം ആവശ്യമാണ്] രോഗം ബാധിച്ചവർക്ക് ത്വക്കിൽ ചുവപ്പുനിറത്തിലുള്ള തടിപ്പുകളും ഉണ്ടായിരിക്കും. നാവിൽ നിർജ്ജലീകരണവും കാണപ്പെടുന്നു.[1][2][3] കോക്സാക്കീ വൈറസ് (a16), എന്ററോവൈറസ് (71) എന്നിവയാണ് രോഗകാരികൾ.

കയ്യ്, കാല്, വായ്ക്കകവശം എന്നിവിടങ്ങളിൽ ചുവന്ന കുമിളകൾ പോലെ തുടുത്തുവരുന്നു. പനി, ഓക്കാനം, ഛർദ്ദി, ക്ഷീണം, പൊതുവായ അസ്വാസ്ഥ്യം, വിശപ്പില്ലായ്മ, ശിശുക്കളിലും പിഞ്ചുകുട്ടികളിലും ക്ഷോഭം എന്നിവയാണ് ഈ രോഗത്തിന്റെ ലക്ഷണങ്ങൾ. കൈപ്പത്തികളിലും പാദങ്ങളിലും നിതംബങ്ങളിലും ചിലപ്പോൾ ചുണ്ടുകളിലും കുമിളകളോ അതു പൊട്ടിയുള്ള വ്രണങ്ങളോ ഉണ്ടാകാം. തക്കാളിപ്പനിയെന്നു പേരുവരാൻ കാരണം ഇതാണ്. ഇംഗ്ലീഷിൽ Hand, foot, and mouth disease (HFMD) എന്നു വിളിക്കുന്ന ഒരുതരം പകർച്ചവ്യാധിയാണിത്. ഈ കുമിളകളുടെ തൊലി പോവുകയും ചുവന്ന് തുടുത്തു വരികയും ചെയ്യുന്നു. ഈ ഭാഗത്ത കടുത്ത ചൊറിച്ചിൽ അനുഭവപ്പെടുന്നു. പത്തു ദിവസത്തിനുള്ളിൽ തന്നെ അസുഖം ഭേദമാവുന്നു. വൈറസുമായി സമ്പർക്കം പുലർത്തി 3-6 ദിവസങ്ങൾക്ക് ശേഷമാണ് രോഗലക്ഷണങ്ങൾ സാധാരണയായി കാണുന്നത്.

രോഗവ്യാപനം[തിരുത്തുക]

ചുമ അല്ലെങ്കിൽ തുമ്മൽ, ചുംബനം, ആലിംഗനം, കപ്പുകൾ പങ്കിടൽ, പാത്രങ്ങൾ പങ്കിടൽ എന്നിവയിലൂടെയും ഡയാപ്പർ മാറ്റുമ്പോൾ വിസർജ്യവുമായുള്ള സമ്പർക്കത്തിലൂടെയും വൈറസ് ഉള്ള ഭാഗങ്ങൾ സ്പർശിക്കുന്നതിലൂടെയും രോഗം വ്യാപിക്കുന്നു.[4]

ചികിത്സ[തിരുത്തുക]

ആൻറിവൈറൽ മരുന്നോ വാക്സിനോ ലഭ്യമല്ല, നിലവിൽ വികസന ശ്രമങ്ങൾ നടന്നുകൊണ്ടിരിക്കുകയാണു ചെയ്യുന്നത്. ഐബുപ്രോഫെൻ അല്ലെങ്കിൽ അസറ്റാമിനോഫെൻ അല്ലെങ്കിൽ വായ് സ്പ്രേകൾ പോലെയുള്ള ഓവർ-ദി-കൌണ്ടർ വേദനസംഹാരികൾ ലക്ഷണമനുസരിച്ച് നിർദേശിക്കപ്പെടുന്നു. തൊണ്ടവേദന ശമിപ്പിക്കാൻ ഐസ് പോപ്‌സ്, തൈര് അല്ലെങ്കിൽ സ്മൂത്തികൾ പോലുള്ള തണുത്ത പാനീയങ്ങൾ എന്നിവ ഉപയോഗിക്കാം. വ്രണങ്ങളെ പ്രകോപിപ്പിക്കുന്ന ആസിഡുകളുള്ള ജ്യൂസും സോഡയും ഒഴിവാക്കുക. തിണർപ്പിന് കലാമൈൻ പോലെയുള്ള ലോഷൻ ഉപയോഗിക്കാം.

അവലംബം[തിരുത്തുക]

  1. "'Tomato Fever' Replaces Chikungunya in Kerala". Medindia. ശേഖരിച്ചത് 17 January 2018.
  2. Correspondent, Akhel Mathew, (12 July 2007). "Kerala districts reel under fever epidemic". ശേഖരിച്ചത് 17 January 2018.CS1 maint: extra punctuation (link)
  3. "Rat fever, tomato fever detected in Thiruvananthapuram city". ശേഖരിച്ചത് 17 January 2018.
  4. "Hand, Foot, and Mouth Disease (HFMD)". Hand, Foot, and Mouth Disease (HFMD). WebMD. ശേഖരിച്ചത് 26 June 2022.
"https://ml.wikipedia.org/w/index.php?title=തക്കാളിപ്പനി&oldid=3752995" എന്ന താളിൽനിന്ന് ശേഖരിച്ചത്