ടൂത്ത് പേസ്റ്റ്

ഇംഗ്ലീഷ് വിലാസം

https://ml.wikipedia.org/wiki/Toothpaste

ട്യൂബിൽ നിന്നും ടൂത്ത് പേസ്റ്റ് ബ്രഷിലേക്ക് തേച്ച് പിടിപ്പിക്കുന്നു

പല്ല് തേച്ച് വൃത്തിയാക്കാനുപയോഗിക്കുന്ന ഒരു രാസപദാർതഥമാണ് ടൂത്ത് പേസ്റ്റ്. പല്ലുകളുടെ പ്രതലം ഉരച്ചു വൃത്തിയാക്കുന്നതിനാവശ്യമായ അപഘർഷകങ്ങൾ (abrasives), പതയുണ്ടാക്കുന്ന വസ്തുക്കൾ (foaming agents), ബന്ധകങ്ങൾ, സ്വാദും മണവും നിറവും നൽകുന്ന പദാർഥങ്ങൾ, വായുവുമായി സമ്പർക്കമുണ്ടാകുമ്പോൾ കട്ടിയാവാതിരിക്കുന്നതിനാവശ്യമായ ഈർപ്പം ആഗിരണം ചെയ്യുന്ന പദാർഥങ്ങൾ (humectants) എന്നിവ ചേർത്ത് കുഴമ്പു പാകത്തിലാണ് ടൂത്ത് പേസ്റ്റ് നിർമ്മിക്കുന്നത്.

ഘടകങ്ങൾ

കാൽസിയത്തിന്റെയോ മഗ്നീഷ്യത്തിന്റെയോ കാർബണേറ്റുകൾ, കാൽസിയം പൈറോ ഫോസ്ഫേറ്റ്, ഹൈഡ്രോക്സി അപ്പറ്റൈറ്റ്, ട്രൈ കാൽസിയം ഫോസ്ഫേറ്റ്, കൽക്കരി എന്നിവയാണ് സാധാരണ ഉപയോഗിക്കാറുള്ള അപഘർഷക വസ്തുക്കൾ. കാഠിന്യവും തരികളുടെ വലിപ്പവുമാണ് അപഘർഷകങ്ങളുടെ പ്രയോഗക്ഷമത നിർണയിക്കുന്ന ഘടകങ്ങൾ. പല്ലുകൾക്ക് വെൺമ നൽകാൻ സഹായിക്കുന്ന തരം ടൂത്ത് പേസ്റ്റുകളിൽ അപഘർഷകങ്ങൾ കൂടുതൽ ഉൾക്കൊള്ളിച്ചിരിക്കും. ഈ പദാർഥങ്ങൾ പല്ലുകളുടെ പ്രതലത്തിലടിഞ്ഞുകൂടുന്ന മാലിന്യങ്ങളെ ഉരച്ചുനീക്കുമെങ്കിലും ഇനാമലിനു പോറലും ക്ഷതവും ഏല്പിക്കാൻ സാധ്യതയുണ്ട്.

സാധാരണയായി ഉപയോഗിക്കുന്ന ബന്ധകപദാർഥം കാരാജീൻ (carageen) ആണ്. സോഡിയം ലോറൈയിൽ സൾഫേറ്റ്, സോഡിയം ലോറൈയിൽ സാർകോസിനേറ്റ് എന്നിവയാണ് പതയുണ്ടാക്കാനായി ചേർക്കുന്ന പ്രമുഖ സഡ്സറുകൾ അഥവാ ഫോമിങ് ഏജന്റുകൾ. ഈർപ്പം ആഗിരണം ചെയ്ത് പേസ്റ്റിന്റെ ഘടനയും പാകവും ദീർഘനാൾ നിലനിർത്തുന്നതിനുപയോഗിക്കുന്ന ഘടകപദാർഥമാണ് ഗ്ലിസറിൻ. സ്പിയർമിന്റ്, പെപ്പർ മിന്റ് എന്നിവ മണവും രുചിയും നൽകാനായി ചേർക്കുന്നു. സാക്കറിൻ പോലെയുള്ള കൃത്രിമ മധുരങ്ങളും നിറം നൽകുന്ന ചില പദാർഥങ്ങളും ടൂത്ത് പേസ്റ്റിൽ ചേർക്കാറുണ്ട്. ദന്തക്ഷയം തടയുന്നതിന് ഫ്ളൂറൈഡ് സംയുക്തങ്ങൾ അടങ്ങുന്ന ടൂത്ത് പേസ്റ്റുകളും ആയുർവേദ ഔഷധക്കൂട്ടുകൾ ചേർത്ത പേസ്റ്റുകളും വിപണിയിൽ ലഭ്യമാണ്. ദന്തധാവന വസ്തുക്കളുടെ നിർമ്മാണം ഇന്ന് ഒരു വൻ വ്യവസായമായി വളർന്നിട്ടുണ്ട്.

നവീനകാലത്തെ ടൂത്ത് പേസ്റ്റ്

ആധുനിക ടൂത്ത് പേസ്റ്റ്

പതിനെട്ടാം നൂറ്റാണ്ടിലെ അമേരിക്കൻ ബ്രീട്ടീഷ് ഉല്പന്നമാണ് ഇത് എന്നു പറയാം. മറ്റ് സൂത്രവാക്യങ്ങൾ അറിയപ്പെടുന്നത് dragon's blood (a resin), cinnamon, and burnt alum. എന്നിങ്ങനെയാണ്.

മറ്റ് ലിങ്കുകൾ

• Fluoride toothpaste history

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടൂത്ത് പേസ്റ്റ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.