ടിംഗാഡ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ടിംഗാഡ്
Trajan's Arch within the Roman ruins of Timgad.
യുനെസ്കോ ലോക പൈതൃക സ്ഥാനം
സ്ഥാനംഅൾജീറിയ Edit this on Wikidata
Area90.54 ha (9,746,000 sq ft)
മാനദണ്ഡംii, iii, iv[1]
അവലംബം194
നിർദ്ദേശാങ്കം35°29′03″N 6°28′07″E / 35.484237°N 6.468666°E / 35.484237; 6.468666
രേഖപ്പെടുത്തിയത്1982 (6th വിഭാഗം)
റോമൻ ആർച്ച് ടിംഗാഡ്

അൾജീരിയയിൽ പുരാതന റോമൻ സാമ്രാജ്യത്തിന്റെ അവശിഷ്ടങ്ങൾ സ്ഥിതിചെയ്യുന്ന പ്രദേശമാണ് ടിംഗാഡ്. തമുഗാഡി എന്നും ഈ പ്രദേശം അറിയപ്പെട്ടിരുന്നു. (ഇപ്പോഴത്തെ അൾജീരിയയിൽ ഉൾപ്പെട്ട പ്രദേശങ്ങൾക്ക് മുമ്പ് നുമുദിയ എന്നും പേരുണ്ടായിരുന്നു). ട്രാജൻ ചക്രവർത്തി തന്റെ സേനാവ്യൂഹങ്ങൾക്കും മറ്റുമായാണ് എ.ഡി. 100-ആ മാണ്ടിൽ ഈ നഗരം സ്ഥാപിച്ചതും വിപുലീകരിച്ചതും. ട്രാജന്റെ ട്രയംഫൽ ആർച്ച്' എന്ന കവാടവും കച്ചവടകേന്ദ്രങ്ങളും ക്ഷേത്രങ്ങളും ഗ്രന്ഥപ്പുരയും ഓഫീസ് കെട്ടിടങ്ങളും സ്നാനഘട്ടങ്ങളും തിയെറ്ററും ഇവിടെയുണ്ടായിരുന്നതായി അവശിഷ്ടങ്ങളിൽനിന്നും മനസ്സിലാകുന്നുണ്ട്. ഈ നഗരം ഏറെക്കാലം സമ്പൽസമൃദ്ധമായി നിലനിന്നിരുന്നുവെന്ന് വ്യക്തമാക്കുന്ന ചരിത്രരേഖകളുണ്ട്. റോമൻ സാമ്രാജ്യത്തിന്റെ അധഃപതനത്തോടെ നഗരം ക്ഷയോന്മുഖമായി. വാൻഡലുകൾ, ബെർബറുകൾ, ബൈസാന്തിയക്കാർ, അറബികൾ എന്നിവർ 5-ആം നൂറ്റാണ്ടു മുതൽ 7-ആം നൂറ്റാണ്ടു വരെ നടത്തിയ ആക്രമണങ്ങൾ നഗരത്തെ നാശത്തിലെത്തിച്ചു. പിന്നീട് നഗരം വിസ്മൃതിയിലാണ്ടു. 1881-ൽ ആരംഭിച്ച ഉത്ഖനനത്തോടെയാണ് പ്രാചീന അവശിഷ്ടങ്ങൾ കണ്ടെത്തുവാൻ കഴിഞ്ഞത്. റോമൻ സംസ്കാരാവശിഷ്ടങ്ങളുടെ സാന്നിധ്യമുള്ളതിനാൽ ചിലർ ഈ പ്രദേശത്തെ ഉത്തര ആഫ്രിക്കയിലെ പോമ്പി എന്നും വിശേഷിപ്പിക്കുന്നുണ്ട്.

പുറംകണ്ണികൾ[തിരുത്തുക]

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടിംഗാഡ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
  1. Error: Unable to display the reference properly. See the documentation for details.
"https://ml.wikipedia.org/w/index.php?title=ടിംഗാഡ്&oldid=3804729" എന്ന താളിൽനിന്ന് ശേഖരിച്ചത്