ചേന്ദമംഗലം മുണ്ടുകൾ

ഇംഗ്ലീഷ് വിലാസം

https://ml.wikipedia.org/wiki/Chendamangalam_Dhoties

ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

കേരളത്തിലെ എറണാകുളം ജില്ലയിലെ ചേന്ദമംഗലത്ത് നിർമ്മിക്കുന്ന പ്രശസ്തമായ ഒരു കൈത്തറി ഉൽപ്പന്നമാണ് ചേന്ദമംഗലം മുണ്ടുകൾ (Chendamangalam Dhoties & Set Mundu). ഭൂപ്രദേശസൂചികപദവി ലഭിച്ച ചേന്ദമംഗലം മുണ്ടുകൾക്ക് വിപണിയിൽ ഏറെ സ്വീകാര്യതയുണ്ട്.

ചരിത്രം

ഒന്നര നൂറ്റാണ്ടിന്റെ രേഖപ്പെട്ട ചരിത്രം കൈത്തറിക്ക് ഉണ്ട്. ഈ ചരിത്രം അത് പാലിയം എന്ന കുടുംബവുമായി ബന്ധപ്പെട്ടു കിടക്കുന്നു. പരമ്പരാഗതമായി കൊച്ചിരാജാവിന്റെ മന്ത്രിസ്ഥാനം അലങ്കരിച്ചിരുന്ന പാലിയത്തച്ചന്മാരുടെ ആസ്ഥാനമായിരുന്നു ചേന്ദമംഗലം. ഈ നാടിന്റ പേരിൽ നിന്നാണ് കൈത്തറിക്ക് ഈ പേര് ലഭിച്ചത്.

വിപണി

പ്രധാന വിപണി എറണാകുളം ജില്ലയിലെ ചേന്ദമംഗലം തന്നെയാണ്. സഹകരണസംഘങ്ങളോട് ചേർന്നുള്ള സ്റോറുകളിലാണ് വില്പന. അടുത്ത പട്ടണമായ പറവൂരിലും സംഘങ്ങൾക്ക് സ്വന്തം വില്പനശാലകളുണ്ട്. ഉത്സവക്കാലത്ത് കേരളത്തിലെ വിവിധ പട്ടണങ്ങളിൽ സംഘങ്ങൾ പ്രദർശന- വില്പനശാലകൾ തുറക്കും. സംസ്ഥാനത്തിനകത്തും പുറത്തുമുള്ള ഹാൻടെക്സ് ഷോറൂമുകളിലും ചേന്ദമംഗലം കൈത്തറി ലഭ്യമാണ്. വിദേശത്തേക്കും ആവശ്യാനുസാരം വസ്ത്രങ്ങൾ എത്തിക്കുന്നു.

അംഗീകാരം

• ലോക വ്യാപാര സംഘടനയിൽ (WTO) അംഗമെന്ന നിലയ്ല് ഇന്ത്യൻ ഉൽ‌പ്പന്നങ്ങൾക്ക് ഭൂമിശാസ്ത്ര സൂചകോൽപന്നങ്ങളിൽ കേരളത്തിൽ നിന്നുള്ള ഒരു ഭൂമിശാസ്ത്ര സൂചകോൽപന്നമായി അംഗീകിച്ചു.
• ചേന്ദമംഗലം കൈത്തറി നെയ്ത്ത് സഹകരണ സംഘത്തിന് മികച്ച വ്യവസായ സഹകരണ സംഘത്തിനുള്ള ജില്ലാ സഹകരണ ബാങ്ക് അവാർഡ് ലഭിച്ചു.