ചലഞ്ചർ ദുരന്തം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചലഞ്ചർ ബഹിരാകാശ പേടകം ഏഴു യാത്രികരും കൊല്ലപ്പെട്ട ചലഞ്ചർ ബഹിരാകാശ ദുരന്ത ദ്രൂശ്യം

1986, ജനുവരി 28 നാണ്, അമേരിക്കൻ ശൂന്യാകാശവാഹനമായ ചലഞ്ചർ കത്തിനശിച്ചത്. വിക്ഷേപണത്തറയിൽ നിന്നും ഉയർന്നു പൊങ്ങി 73 സെക്കന്റിനു ശേഷമാണ് ഈ ദുരന്തം സംഭവിച്ചത്. വാഹനത്തിലെ ഏഴു ബഹിരാകാശ സഞ്ചാരികളും മരണമടയുകയുണ്ടായി.വാഹനത്തിന്റെ അവശിഷ്ടങ്ങൾ അറ്റ്ലാന്റിക് സമുദ്രത്തിൽ പതിച്ചു.

ഈ വാഹനത്തിന്റെ തകർച്ചക്കു കാരണമായത് വാഹനത്തിന്റെ വലതുഭാഗത്തെ ഖര ഇന്ധന റോക്കറ്റ് ബൂസ്റ്ററിന്റെ‍(SRB-Solid Rocket Booster) ഒരു സന്ധിയിലെ ഒ-റിങ്ങ് സീലിൽ ഉണ്ടായ ചോർച്ചയാണ്‌. ഇതിനെത്തുടർന്ന് വലതുഭാഗത്തെ SRBയുടെ ആ സന്ധി തകരുകയും ബൂസ്റ്ററിന്നുള്ളിൽ നിന്ന് തീവ്രമർദ്ദത്തിൽ പുറത്തെത്തിയ ഉയർന്ന താപനിലയുള്ള വാതകം പുറമേയുള്ള ഇന്ധന ടാങ്കിന്ന് സാരമായ കേടുപാടുകൾ വരുത്തി ഒരു പൊട്ടിത്തെറിയിൽ അവസാനിക്കുകയും ചെയ്തു. പുറമേക്ക് നിസ്സാരമെന്നു തോന്നാവുന്ന ഈ വളരെ ചെറിയ ഒരു ഘടകഭാഗത്തിന്റെ തകരാറ് ചരിത്രത്തിലെ ഏറ്റവും വലിയ ബഹിരാകാശ ദുരന്തങ്ങളിലൊന്നിന് കാരണമായി.

അവലംബം[തിരുത്തുക]

"https://ml.wikipedia.org/w/index.php?title=ചലഞ്ചർ_ദുരന്തം&oldid=2213878" എന്ന താളിൽനിന്നു ശേഖരിച്ചത്