ഗ്രേറ്റ് ഫെർഗാന കനാൽ
ഗ്രേറ്റ് ഫെർഗാന കനാൽ (Russian: Ферганский канал, താജിക്: Фарғона Канал, ഉസ്ബെക്: Fargʻona Kanali, അറബി: قناة فرغانة) മധ്യേഷ്യയിലെ ഉസ്ബെക്കിസ്ഥാനും താജിക്കിസ്ഥാനും ഇടയിലുള്ള ഫെർഗാന താഴ്വരയിൽ സ്ഥിതി ചെയ്യുന്ന ഒരു ജലസേചന കനാൽ ആണ്. മുൻ സോവിയറ്റ് യൂണിയനിൽ നിന്നുള്ള 160,000 ഉസ്ബെക്ക്, താജിക്ക് ഫാം തൊഴിലാളികളുടെ കൂട്ടായ ശ്രമഫലമായി 1939-ൽ നിർമ്മിച്ച ഈ പദ്ധതി ഏകദേശം നാൽപ്പത്തിയഞ്ച് ദിവസം കൊണ്ടാണ് പൂർത്തിയാക്കിയത്. 270 കിലോമീറ്റർ നീളമുള്ളതും 1,000-ലധികം ഹൈഡ്രോ ടെക്നിക്കൽ പ്ലാന്റുകൾ സ്ഥിതിചെയ്യുന്നതുമായ ഈ ജലപാതയിലെ പ്ലാൻറുകളിൽ 50 എണ്ണം വളരെ പ്രധാനപ്പെട്ടതായി അറിയപ്പെടുന്നു.
ചരിത്രം[തിരുത്തുക]
സോവിയറ്റ് നിയന്ത്രണത്തിലാകുന്നതിന് നിരവധി നൂറ്റാണ്ടുകൾക്ക് മുമ്പ്, മധ്യേഷ്യയിലെ ജലസ്രോതസുകൾ ഫ്യൂഡൽ ഭൂവുടമകളുടെ അധീനതയിലായിരുന്നു. അവർ മേഖലയിലെ കർഷകരുടെ ജീവിത സാഹചര്യങ്ങൾ കഠിനമാക്കിയിതോടെ; പൗരന്മാർ ദാഹത്തിലും പട്ടിണിയിലും ദാരിദ്ര്യത്തിലും ജീവിക്കുകയും ഇത് പലരെയും ഈ പ്രദേശത്ത് നിന്ന് പലായനം ചെയ്യാൻ നിർബന്ധിതരാക്കുകയും ചെയ്തു. വിപ്ലവാനന്തരം മധ്യേഷ്യൻ മേഖലയിലെ എല്ലാ പൗരന്മാർക്കും സാമൂഹികവും സാമ്പത്തികവുമായ ബന്ധങ്ങളുടെ നവീകരണം അനുവദിക്കപ്പെട്ടു.