കർമ്മലീത്താ സമൂഹം
| Ordo Fratrum Beatissimæ Virginis Mariæ de Monte Carmelo (Latin) | |
 സന്യാസ ക്രമത്തിന്റെ മുദ്ര | |
| ചുരുക്കപ്പേര് | ലത്തീൻ: O.Carm മലയാളം: ക. സ. |
|---|---|
| രൂപീകരണം | 12ാം നൂറ്റാണ്ടിന്റെ അന്ത്യത്തിൽ |
| സ്ഥാപകർ | കാർമ്മൽ മലയിലെ ആദ്യകാല സന്യാസീമുനിമാർ |
| സ്ഥാപിത സ്ഥലം | കാർമ്മൽ മല |
| പദവി | പൊന്തിഫിക്കൽ സന്യാസ ക്രമം |
അംഗത്വം | 2,041 അംഗങ്ങൾ (1,303 വൈദികർ ഉൾപ്പെടെ)[1] |
ആപ്തവാക്യം | Zelo zelatus sum pro Domino Deo exercituum (ആതിഥേയരുടെ കർത്താവായ ദൈവത്തിനു വേണ്ടി തീക്ഷ്ണതയോടെ ഞാൻ തീക്ഷണവാനായിരിക്കുന്നു.) |
പൊതു കാര്യാലയം | കൂരിയ ജനറലിസിയ ഡീ കാർമെലിറ്റാനി ജിയോവന്നി ലാൻസ, 138, 00184 റോം, ഇറ്റലി |
| മൈക്കൽ ഒ നീൽ, OCarm | |
രക്ഷാധികാര വിശുദ്ധർ | കർമ്മല മാതാവ് ഏലിയാ |
| മാതൃസംഘടന | കത്തോലിക്കാ സഭ |
| പുത്രികാസംഘടനകൾ | കർമ്മലിത്താ നിഷ്പാദുക സമൂഹം |
| വെബ്സൈറ്റ് | ocarm |
റോമൻ കത്തോലിക്കാ സഭയിലെ ഒരു സന്യസ്ത സമൂഹമാണ് കാർമ്മൽ മലയിലെ അനുഗ്രഹീതയായ കന്യകാമറിയത്തിന്റെ സന്യസ്തസഹോദരന്മാരുടെ ക്രമം (ലത്തീൻ: Ordo Fratrum Beatissimæ Virginis Mariæ de Monte Carmelo), അഥവാ കർമ്മലിത്താ സമൂഹം. നൂറ്റാണ്ടിൽ കുരിശുയുദ്ധ രാഷ്ട്രങ്ങളിലെ കാർമൽ മലയിൽ സ്ഥാപിക്കപ്പെട്ടതാണ് സമർപ്പിത സമൂഹം എന്ന് കരുതപ്പെടുന്നു.[2] കാലാബ്രിയയിലെ ബെർഥോൽദ്, വെർസെല്ലിയിലെ ആൽബർട്ട്, എന്നിവർ പരമ്പരാഗതമായി ഈ സമൂഹത്തിന്റെ സ്ഥാപകരായി അറിയപ്പെടുന്നുണ്ടെങ്കിലും ആദ്യകാല കർമ്മലീത്താ സമൂഹത്തെക്കുറിച്ച് വ്യക്തമായ ചരിത്ര രേഖകൾ ലഭ്യമല്ല.[3] ആദ്യം നിലനിന്നിരുന്നത് പുരുഷന്മാർക്ക് വേണ്ടിയുള്ള സന്യാസ സമൂഹമായിരുന്നു. സ്ത്രീകൾക്ക് വേണ്ടി ഒരു പുതിയ ക്രമം കർമ്മലിത്താ സമൂഹത്തിൻറെ ഭാഗമായി തുടങ്ങുന്നത് 1452ലാണ്.[4]
നാമകരണം
[തിരുത്തുക]കാർമൽ മലയിലെ അനുഗ്രഹീതയായ കന്യകാമറിയത്തിന്റെ സന്യസ്തസഹോദരന്മാരുടെ ക്രമം എന്ന് ഔദ്യോഗികമായി അറിയപ്പെടുന്ന ഈ സന്യാസസമൂഹം സാധാരണയായി കർമ്മലീത്താക്കാർ അല്ലെങ്കിൽ കർമ്മലീത്താ സഭ എന്നാണ് വിളിക്കപ്പെടുന്നത്. 1562ൽ ഈ സന്യാസസമൂഹത്തിൽ നിന്ന് രൂപപ്പെട്ട സ്വതന്ത്ര സന്യാസസമൂഹമായ കർമ്മലീത്താ നിഷ്പാദുക സന്യാസമൂഹത്തിൽ നിന്ന് വേർതിരിച്ചറിയാൻ ഇവരെ 'പഴയ ആചരണരീതിക്കാരായ കർമ്മലീത്താക്കാർ' എന്നും അപൂർവ്വമായി 'സപാദുക കർമ്മലീത്താക്കാർ' എന്നും വിളിക്കാറുണ്ട്.[2]
ചരിത്രം
[തിരുത്തുക]ആദ്ധ്യാത്മിക പൈതൃകം
[തിരുത്തുക]പഴയനിയമ പ്രവാചകനായ ഏലിയായെ പ്രധാന ആദ്ധ്യാത്മിക പിതാവായി ഗണിക്കുന്നതിനാൽ കർമ്മലീത്താ സന്യാസസമൂഹം പിൽക്കാല ആദ്ധ്യാത്മികഗുരുക്കളെ പ്രസ്തുത സ്ഥാനത്ത് ഗണിക്കുന്ന ഭൂരിഭാഗം അന്യ സന്യാസമൂഹങ്ങളിൽ നിന്ന് വ്യത്യസ്തരാണ്.[5] ഏലിയായും ശിഷ്യനായ ഏലീശായും പ്രാർത്ഥിക്കുകയും തപസ്സനുഷ്ഠിക്കുകയും ചെയ്തു എന്ന് കരുതപ്പെടുന്ന ഗുഹകളിൽ കഴിഞ്ഞിരുന്ന യഹൂദ ക്രൈസ്തവ സന്യാസികളുടെ തുടർച്ചയായാണ് കർമ്മലീത്താ സമൂഹം സ്വയം കരുതുന്നത്. ഈ പാരമ്പര്യം സ്വീകരിച്ചാണ് 12ാം നൂറ്റാണ്ടിൽ കുരിശുയുദ്ധങ്ങളുടെ കാലത്ത് കാർമ്മൽ മലയിൽ താവളമടിച്ച ഈ സന്യാസമൂഹത്തിന്റെ സ്ഥാപക പിതാക്കന്മാർ പ്രവർത്ഥിച്ചിരുന്നത്. ഇവർ ആ മലയിൽ കന്യകാമറിയത്തിന്റെ നാമത്തിൽ ഒരു പള്ളി പണികഴിപ്പിക്കുകയും സന്യാസമൂഹം ക്രമേണ കന്യകാമറിയത്തിന്റെ പേരിൽ അറിയപ്പെടുകയും ചെയ്തു. കാർമ്മൽ മലയുടെ രാജ്ഞിയും നാഥയുമായി കന്യകാമറിയം അറിയപ്പെടുകയും ചെയ്തു.
അവലംബം
[തിരുത്തുക]- ↑ Annuario Pontificio per l'Anno 2022. Citta del Vaticano: Libreria Editrice Vaticana. 2022. p. 1388.
- ↑ 2.0 2.1 "CATHOLIC ENCYCLOPEDIA: The Carmelite Order". www.newadvent.org. Retrieved 24 May 2019.
- ↑ Not until the late fourteenth century was 'B', the prior of the earliest known community of Carmelites, expanded to read Brocard. See Keith J Egan, "The Spirituality of the Carmelites", in Jill Raitt with Bernard McGinn and John Meyendorff, eds, Christian Spirituality: High Middle Ages and Reformation, (London: SCM, 1989), p. 50. See also
. Catholic Encyclopedia. New York: Robert Appleton Company. 1913.
- ↑ Carmelite Nuns of Great Britain, Our History, accessed 19 December 2019
- ↑ Chapter The "Vitae Formula" of Saint Albert
