കൊണ്ടാക്റ്റ് ലെൻസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ലെൻസ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ലെൻസ് (വിവക്ഷകൾ) എന്ന താൾ കാണുക. ലെൻസ് (വിവക്ഷകൾ)

കണ്ണിന്റെ ഉപരിതലത്തിൽ നേരിട്ട് ഘടിപ്പിക്കുന്ന ലെൻസാണ് കൊണ്ടാക്റ്റ് ലെൻസ്. CL എന്നും വെറും contacts എന്നും ചുരുക്കി പറയാറുണ്ട്.

കാഴ്ച ന്യൂനതകൾ പരിഹരിക്കാനോ, മുഖഭംഗിക്കോ ആണ് കൊണ്ടാക്റ്റുകൾ ഉപയാഗിക്കാറുള്ളത്. കണ്ണട ധരിക്കാൻ താല്പര്യമില്ലാത്തവരും , കണ്ണിന്റെ നിറവും, രൂപഭാവവും  മാറ്റാൻ അഗ്രഹിക്കുന്നവരും കൊണ്ടാക്റ്റുകൾ ഉപയോഗിക്കുന്നു.

ഒരു കൊണ്ടാക്റ്റ് ലെൻസ്
ഒരു കൊണ്ടാക്റ്റ് ലെൻസ്

മെച്ചങ്ങൾ[തിരുത്തുക]

പരമ്പരാഗത കണ്ണടകളെ അപേക്ഷിച്ച് കൊണ്ടാക്റ്റുകളുടെ മെച്ചം ഇവയാണ്:

*കണ്ണടയുടെ ലെൻസും, കണ്ണും തമ്മിലുള്ള അകലം ഫോക്കസ്സിൽ വ്യതിയാനം ഉണ്ടാക്കുന്നു.ഇത് കൊണ്ടാക്റ്റുകളിൽ ഒഴിവായി കിട്ടുന്നു.

*ചുറ്റുകാഴ്ച (peripheral vision) കുറച്ച് നഷ്ടപ്പെടുത്തുവയാണ് പലപ്പോഴും പരമ്പരഗത കണ്ണടകൾ.ഈ നഷ്ടം കൊണ്ടാക്റ്റുകൾക്ക് സംഭവിക്കുന്നില്ല. കണ്ണിന്റെ ചലനത്തോടൊപ്പം ലെൻസും ചലിക്കുന്നതിനാൽ ചുറ്റുമുള്ള കാഴ്ച നഷ്ടപ്പെടുന്നില്ല.

*ഉഷ്ണവും ശൈത്യവും മഴയും കാരണം ചില്ലുമൂടൽ (fogging) കൊണ്ടാക്ടറ്റ് ലെൻസിനില്ല. വിയർപ്പ് ഒട്ടുന്ന പ്രശ്നമില്ലാത്തതിനാൽ കളിക്കളത്തിലും മറ്റും സുഗമമായി ഉപയോഗിക്കാം,ചാടുമ്പോഴും ഓടുമ്പോഴും ഇളകില്ല

*കൂളിംഗ് ഗ്ലാസ്സ് ധരിക്കാനും നീന്തൽ കണ്ണട (goggles) ധരിക്കാനും കൊണ്ടാക്ടറ്റുകൾ തടസ്സമാവുന്നില്ല.മേക്കപ്പിനു തടസ്സ്മോ മറയോ ആവുന്നില്ല

*മുഖത്തിനും കാതിനും അധികപറ്റെന്ന് തോന്നിക്കുന്ന ഭാരവും ചുമന്നുകൊണ്ട് നടക്കേണ്ടി വരുന്നില്ല.

*ഫ്രൈമും ലൻസും ഇടയ്ക്കിടെ ലൂസും ടൈറ്റും ആക്കേണ്ടിവരുന്നത് ഒഴിവാകുന്നു

*വസ്ത്രധാരണത്തിനനുസരിച്ചും സന്ദർഭത്തിനനുസരിച്ചും യോജിക്കുന്ന ഫ്രൈം എന്ന ചിന്ത വേണ്ട. കൊണ്ടാക്റ്റുകൾ ധരിച്ചിരിക്കുന്നത് ആരും അറിയാറില്ല.

കൊണ്ടാക്റ്റ് ലെൻസ്- പരിമിതികൾ[തിരുത്തുക]

കൊണ്ടാക്റ്റ് ലെൻസ് വെച്ചിരിക്കന്ന നേത്രം
  • കണ്ണടകൾ വൃത്തിയാക്കാൻ എളുപ്പമാണ്, സോപ്പും വെള്ളവും ഒഴിച്ച് കഴുകാം, വൃത്തിയാക്കിയില്ലെങ്കിലും ഗുരുതര അവ്സ്ഥകൾ സംജാതമാകാറില്ല. എന്നാൽ കൊണ്ടാക്റ്റുകൾ വൃത്തിയാക്കാൻ കണ്ണിൽ സ്പർശിക്കേണ്ടി വരുന്നു. അതു മൂലം അണുബാധയുണ്ടാകാനുള്ള സാധ്യത തള്ളിക്കളയാൻ പറ്റില്ല.ചില്ലപ്പോൾ മുറിവോ ക്ഷതമോ ഊരുകയും ഇടുകയും ചെയ്യുന്ന വേളകളിൽ ഉണ്ടായെക്കാം
  • കൊണ്ടാക്റ്റുകളുടെ പരിപാലനം  (maintenance ) കണിശവും, കൃത്യവും ആയിരിക്കണം
  • കൊണ്ടാക്റ്റുകൾ  കൃത്യമായ ഇടവേളകളിൽ മാറ്റേണ്ടതുണ്ട്. കണ്ണടകളൾക്ക് വേണ്ടുന്നതിനെക്കാൾ  ഏറെ പണം  കൊണ്ടാക്റ്റുകൾ വാങ്ങാനും ദീർഘകാലാടിസ്ഥാനത്തിലും മുടക്കണം.
  • കൊണ്ടാക്റ്റുകൾ വ്യക്തിക്ക് അനുയോജ്യമാണോ എന്ന പരിശോധന സൂക്ഷമവും, കൃത്യവുമായിരിക്കണം, കണ്ണ് വരൾച്ച (dry eyes), അല്ലർജികൾ , ചില  നേത്ര രോഗബാധകൾ എന്നിവ ഇല്ല എന്നു ഉറപ്പ് വരുത്തുന്ന വിദഗ്ദ്ധ പരിശോധന ആവശ്യമാണ്. ഈ സ്ഥിതി വിശേഷങ്ങളിൽ കണ്ണട ആയിരിക്കും അനുയോജ്യം.
  • പുതു കണ്ണട ധാരികൾക്ക് കണ്ണട ഉപയോഗവുമായി പൊരുത്തപ്പെടാൻ വേണ്ടുന്നതിനെക്കാൾ കാലതാമസം പുതു കൊണ്ടാക്റ്റ് ധാരികൾക്ക് നേരിടും. ഊരുകയും വെയ്ക്കുകയും ചെയ്യുന്നത് ശ്രമകരമാണ്.
"https://ml.wikipedia.org/w/index.php?title=കൊണ്ടാക്റ്റ്_ലെൻസ്&oldid=3762381" എന്ന താളിൽനിന്ന് ശേഖരിച്ചത്