കേരളോപകാരി

വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളോപകാരി
തരംമാസിക
സ്ഥാപിതം1874
ഭാഷമലയാളം

ബാസൽ മിഷൻ സൊസൈറ്റി 1874-ൽ ആരംഭിച്ച ഒരു മലയാള മാസികയായിരുന്നു കേരളോപകാരി .[1] ക്രിസ്തീയ സാഹിത്യം, ലേഖനങ്ങൾ, പഴഞ്ചൊല്ലുകൾ, നീതികഥകൾ, പാശ്ചാത്യസാഹിത്യം തുടങ്ങിയവയായിരുന്നു പ്രധാന ഉള്ളടക്കം.[2] കേരളോപകാരി അച്ചടിച്ചതും പ്രസിദ്ധപ്പെടുത്തിയതും മംഗലാപുരത്തുനിന്നാണെങ്കിലും അതിന്റെ എഡി​റ്റോറിയൽ ഓഫീസ് തലശ്ശേരിയിലായിരുന്നു. തലശ്ശേരി ഇല്ലിക്കുന്നിലെ ബാസൽ മിഷൻ ബംഗ്ളാവിൽനിന്ന് സി. മുള്ളർ എന്ന മിഷണറിയായിരുന്നു പത്രാധിപർ.

ബ്രിട്ടീഷ് ചരിത്രം, ഈജിപ്ത് ചരിത്രം എന്നിവ മലയാളത്തിൽ ആദ്യമായി അച്ചടിച്ചുവന്നത് കേരളോപകാരിയിലാണ്. മലയാളത്തിലെ ആദ്യ ആത്മകഥയായ ജേക്കബ്‌ രാമവർമന്റെ ഒരു സ്വദേശി പ്രബോധകന്റെ ജീവിതകഥ പ്രസിദ്ധപ്പെടുത്തിയത് കേരളോപകരിയിൽ ആയിരുന്നു.

വിവാദം[തിരുത്തുക]

1874 ​മേയ് മാസത്തിൽ തുടങ്ങി 20 ലക്കങ്ങൾ മുടക്കം കൂടാതെ പുറത്തിറങ്ങിയ കേരളോപകാരി നിർത്തേണ്ടിവന്നത് മതപരമായ ഒരു വിവാദവുമായി ബന്ധപ്പെട്ടാണ്.[3]

അവലംബം[തിരുത്തുക]

  1. [https://web.archive.org/web/20180916061125/http://www.utharadesam.com/article_details%26article_id%3D1015 Archived 2018-09-16 at the Wayback Machine.
  2. P.P., Shaju (2005). principles and practice of journalism. കാലിക്കറ്റ് യൂണിവേഴ്സിറ്റി.
  3. https://www.mathrubhumi.com/kannur/kazhcha/--1.2219180[പ്രവർത്തിക്കാത്ത കണ്ണി]
"https://ml.wikipedia.org/w/index.php?title=കേരളോപകാരി&oldid=3803468" എന്ന താളിൽനിന്ന് ശേഖരിച്ചത്