കുളക്കോഴി

ഇംഗ്ലീഷ് വിലാസം

https://ml.wikipedia.org/wiki/White-breasted_Waterhen

കുളക്കോഴി
പരിപാലന സ്ഥിതി
ഒട്ടും ആശങ്കാജനകമല്ല (IUCN 3.1)
ശാസ്ത്രീയ വർഗ്ഗീകരണം
Kingdom:	Animalia
Phylum:	Chordata
Class:	Aves
Order:	Gruiformes
Family:	Rallidae
Genus:	Amaurornis
Species:	A. phoenicurus
Binomial name
Amaurornis phoenicurus Pennant, 1769
The Approximate Distribution of the White-breasted Waterhen

കുളക്കോഴിയുടെ ശബ്ദം

തെക്കൻ ഏഷ്യയിൽ കുളക്കരയിലും വയലുകൾക്ക് സമീപവും ജീവിക്കുന്ന പക്ഷിയാണ് കുളക്കോഴി(ഇംഗ്ലീഷ്: White-breasted Waterhen). മുണ്ടക്കോഴി എന്ന പേരിലും ഇത് അറിയപ്പെടുന്നുണ്ട്. ചെറിയ പ്രാണികളും മത്സ്യങ്ങളുമാണ് പ്രധാന ആഹാരം.

വർഷക്കാലത്ത് കുറ്റിചെടികൾക്ക് ഇടയിലോ മരകൊമ്പിലോ ആണ് ഇത് കൂടുകെട്ടുന്നത്. വർഷക്കാലത്ത് ക്വക്ക്..ക്വക്ക്..ക്വക്ക് കൂജനം  എന്ന് ശബ്ദമുണ്ടാക്കാറുണ്ട്.

കുളക്കോഴിയുടെ ദേഹം മങ്ങിയ കറുപ്പ് നിറവും മുഖം, കഴുത്തിന്റെ കീഴ്ഭാഗം, മാറിടം എന്നിവ തൂവെള്ളയുമാണ്. ചെറിയ വാലിനടിയിൽ തവിട്ടുനിറം കലർന്ന ചുവപ്പ് നിറം കാണാം. കുളക്കോഴി കുഞ്ഞുങ്ങൾക്ക് ആകെ കറുപ്പ് നിറമാണ്.

പ്രജനനം

കുളക്കോഴി- കുളികഴിഞ്ഞ് -തൃശ്ശൂരിൽ

ജൂൺ മുതൽ ഒക്ടോബർ വരെയുള്ള മാസങ്ങളിലാണ് കുളക്കോഴിയുടെ പ്രജനനകാലം. വെള്ളത്തിനരികെയുള്ള കുറ്റിച്ചെടികൾക്കിടയിൽ ചുള്ളിക്കമ്പ്, വള്ളിത്തണ്ട് എന്നിവകൊണ്ട് ആഴം കുറഞ്ഞ ഒരു കോപ്പയുടെ ആകൃതിയിൽ കൂടുണ്ടാക്കുന്നു. എട്ടു മുട്ടകൾ വരെ ഒരു സമയത്ത് ഇടാറുണ്ട്. ഇളം ചുവപ്പോ മഞ്ഞയോ നിറമുള്ള മുട്ടകളിൽ വരകളും പുള്ളികളും ഉണ്ടാവും.