കാംഫർ ആക്ടിവേറ്റഡ് മൈലേജ് ബൂസ്റ്റർ

കർപ്പൂരത്തിന്റെ സഹായത്തോടെ വാഹനങ്ങളുടെ ഇന്ധനക്ഷമത കൂട്ടാനുള്ള ഉപകരണമാണ് കാംഫർ ആക്ടിവേറ്റഡ് മൈലേജ് ബൂസ്റ്റർ അഥവാ കാംബ്. കെ.എസ്.ഇ.ബി. യുടെ അരൂർ വൈദ്യുതി ഓഫീസിലെ ഉദ്യോഗസ്ഥനായ കെ.സി. ബൈജുവാണ് ഈ സാങ്കേതികവിദ്യ വികസിപ്പിച്ചെടുത്തത്. 200 രൂപ മാത്രം ചെലവുവരുന്ന ഉപകരണം പെട്രോളിന്റെ 1500 രൂപ മാസച്ചെലവിൽ 200 മുതൽ 350 വരെ ലാഭിക്കുന്നുവെന്ന് ബൈജു അവകാശപ്പെടുന്നു. വാഹനത്തിന്റെ എയർ ഫിൽട്ടർ ശൃംഖലയിൽ ഘടിപ്പിക്കുന്ന ഉപകരണം കർപ്പൂരത്തിലെ ഹൈഡ്രജൻ, ഓക്സിജൻ ആറ്റങ്ങളെ ഉപയോഗപ്പെടുത്തിയാണ് വാഹനത്തിന്റെ മൈലേജ് വർദ്ധിപ്പിക്കുന്നത്. ഈ സാങ്കേതികവിദ്യ ഓട്ടോമോട്ടീവ് റിസർച്ച് അതോറിട്ടി ഓഫ് ഇന്ത്യയിൽ പഠനത്തിനായി സമർപ്പിച്ചിട്ടുണ്ട്