എം. അപ്പു പണിക്കർ
എം. അപ്പു പണിക്കർ | |
|---|---|
| ദേശീയത | ഇന്ത്യൻ |
| തൊഴിൽ | മറത്തുകളി അവതാരകൻ |
| അറിയപ്പെടുന്നത് | മറത്തുകളി |
അറിയപ്പെടുന്ന കൃതി | വസന്തരാഗം |
ഫോക്‌ലോർ അക്കാദമിയുടെ മികച്ച ഗ്രന്ഥരചനയ്ക്കുള്ള അവാർഡ് ലഭിച്ച മറത്തുകളി കലാകാരനും ഗവേഷകനുമാണ് ഓണക്കുന്നിലെ എം.അപ്പു പണിക്കർ.
ജീവിതരേഖ
[തിരുത്തുക]വെള്ളൂർ ചന്തൻ മെമ്മോറിയൽ എൽ.പി. സ്കൂൾ അധ്യാപകനായിരുന്ന അപ്പു പണിക്കർ അധ്യാപനത്തോടൊപ്പം മറത്തുകളിരംഗത്തും സജീവമായിരുന്നു. അരനൂറ്റാണ്ട് കാലത്തോളം മറുത്തുകളി രംഗത്തുള്ള അപ്പു പണിക്കർ സ്വന്തമായി എഴുതിയുണ്ടാക്കിയ ശ്ലോകങ്ങളാണ് പന്തലിൽ അവതരിപ്പിച്ചിരുന്നത്. ഈ ശ്ലോകങ്ങളുടെ സമാഹാരമായ ‘വസന്തരാഗം’ എന്ന പുസ്തകത്തിനാണ് അവാർഡ്.
2006-ൽ കൊഴുമ്മൽ മാക്കീൽ മുണ്ട്യക്കാവിൽനിന്ന് വീരശൃംഖല ലഭിച്ചിട്ടുണ്ട്‌.
കൃതികൾ
[തിരുത്തുക]വസന്തരാഗം
[തിരുത്തുക]പൂരക്കളി, മറത്തുകളി സാഹിത്യമാണ് ഈ ഗ്രന്ഥത്തിന്റെ ഉള്ളടക്കം. അമ്പത് വർഷക്കാലത്തോളം വിവിധക്ഷേത്രങ്ങളിൽ മറത്തുകളി അവതരിപ്പിക്കുമ്പോൾ സംസ്കൃതത്തിലും മലയാളത്തിലും സ്വയംരചിച്ച കവിതകളായിരുന്നു അപ്പു പണിക്കർ ഉപയോഗിച്ചിരുന്നത്. ഈ കവിതകളുടെ സമാഹാരമാണ് വസന്തരാഗം. പൂരക്കളി-മറത്തുകളി രംഗത്ത് ആദ്യമായാണ് ഇത്തരമൊരുകൃതി പ്രസിദ്ധീകരിക്കുന്നത്. കൃപാസ് തൃക്കരിപ്പൂരാണ് പുസ്തകം പ്രസിദ്ധീകരിച്ചിരിക്കുന്നത്. [1]
പുരസ്കാരങ്ങൾ
[തിരുത്തുക]- ഫോക്‌ലോർ അക്കാദമിയുടെ മികച്ച ഗ്രന്ഥരചനയ്ക്കുള്ള അവാർഡ്
അവലംബം
[തിരുത്തുക]- ↑ "ആർക്കൈവ് പകർപ്പ്". Archived from the original on 2020-07-19. Retrieved 2020-07-19.