എം.എച്ച്. ശാസ്ത്രികൾ
എം.എച്ച്. ശാസ്ത്രികൾ | |
|---|---|
 മഹാദേവ ഹരിഹര ശാസ്ത്രികൾ | |
| ജനനം | ജനുവരി 18, 1911 കിളിമാനൂർ, തിരുവനന്തപുരം, കേരളം |
| മരണം | 2012 ഏപ്രിൽ 11 |
| ദേശീയത | ഇന്ത്യൻ |
| തൊഴിൽ | സംസ്കൃതപണ്ഡിതൻ, സാഹിത്യകാരൻ |
| ജീവിതപങ്കാളി(കൾ) | കളർകോട് തങ്കമ്മാൾ |
| കുട്ടികൾ | ഭാഗീരഥി അമ്മാൾ എച്ച്.ജി. മഹാദേവൻ വിശാലാക്ഷി അമ്മാൾ |
കേരളത്തിലെ പ്രശസ്ത സംസ്കൃതപണ്ഡിതനും തിരുവനന്തപുരം സംസ്കൃതകോളേജ് മുൻ അദ്ധ്യാപകനും ആയിരുന്നു എം എച്ച് ശാസ്ത്രികൾ എന്നറിയപ്പെടുന്ന മഹാദേവ ഹരിഹര ശാസ്ത്രികൾ(ജനനം : 18 ജനുവരി 1911). കേരളത്തിൽ ഇന്നുജീവിച്ചിരിക്കുന്ന മിക്ക സംസ്കൃതപണ്ഡിതന്മാർക്കും ഗുരുവായ ഇദ്ദേഹത്തിന് സമഗ്ര സംഭാവനയ്ക്ക് കേരള സാഹിത്യ അക്കാദമി പുരസ്കാരം ലഭിച്ചു. [1]
ജീവിതരേഖ[തിരുത്തുക]
കിളിമാനൂർ കൊട്ടാരത്തിനടുത്തുള്ള കോട്ടക്കുഴി മേലേമഠത്തിൽ മഹാദേവ അയ്യരുടെയും ഭഗവതി അമ്മാളുടെയും മകനായി 1911 ജനുവരി 18 ന് ജനിച്ചു. പ്രാഥമിക വിദ്യാഭ്യാസത്തിനുശേഷം തിരുവനന്തപുരം രാജകീയ മഹാപാഠശാലയിൽ നിന്നും 1926 ൽ ശാസ്ത്രി പരീക്ഷ ഡിസ്റ്റിങ്ഷനോടെ ജയിച്ചു. 1931 ൽ മഹോപാദ്ധ്യായ പരീക്ഷയിൽ ഒന്നാം റാങ്ക് നേടി. 1936 ൽ അധ്യാപക വൃത്തി ആരംഭിച്ചു. 1945 മുതൽ 56 വരെ സംസ്‌കൃത കോളേജ് അധ്യാപകനായിരുന്നു. വിരമിച്ചതിനുശേഷം ശിവഗിരി ബ്രഹ്മ വിദ്യാലയത്തിലെ മുഖ്യാചാര്യനായും കൊല്ലം ഇടക്കാട് ശ്രീശങ്കര സംസ്‌കൃത വിദ്യാലയം പ്രിൻസിപ്പലായും പ്രവർത്തിച്ചിരുന്നു.[2]
കളർകോട് പടിഞ്ഞാറേ മഠത്തിൽ കെ നാരായണ അയ്യരുടെയും ഭാഗീരഥിയമ്മയുടെയും പുത്രിയായ തങ്കമ്മാളാണ് ഭാര്യ.[2] ദമ്പതികൾക്ക് രണ്ട്‌ പെൺമക്കളും ഒരു മകനും ഉണ്ട്.[2]
കൃതികൾ[തിരുത്തുക]
- താടകാവധം വ്യാഖ്യാനം
- നളചരിതം വ്യാഖ്യാനം
- അഭിനവരംഗം
- രാമയ്യൻ ദളവ
- ബി.എ. മിടുക്കി
- വേദാന്തസൂത്രം ഗുരുപ്രസാദം വ്യാഖ്യാനം' (ശ്രീ നാരായണഗുരുവിന്റെ 'വേദാന്തസൂത്രം' എന്ന കൃതിയ്ക്ക് എഴുതിയ വ്യാഖ്യാനം)
- രസികകൗതുകം
- രാജഗുണനിരൂപണം
- പിങ്‌നന്ദരൂപാവലി വിജയപ്രദീപം
- വിജയപ്രദീപം[2]
- വിജ്ഞാനമഞ്‌ജുഷ[2]
- വാക്യപദീയം ബ്രഹ്മകാണ്ഡത്തിന്റെ വ്യാഖ്യാനം
പുരസ്കാരങ്ങളും അംഗീകാരങ്ങളും[തിരുത്തുക]
- സമഗ്രസംഭാവനക്കുള്ള കേരള സാഹിത്യ അക്കാദമി പുരസ്കാരം
- രാഷ്ട്രപതിയുടെ ഓറിയന്റൽ സ്‌കോളർ അവാർഡ്[2]
- അമൃതാനന്ദമയീമഠത്തിന്റെ അമൃതകീർത്തി പുരസ്കാരം
- വിശ്വസംസ്‌കൃത പ്രതിഷ്ഠാനത്തിന്റെ പണ്ഡിതരത്‌നം അവാർഡ്
- ബ്രാഹ്മണസഭയുടെ ധർമശ്രേഷ്ഠ പുരസ്കാരം
- ഒളപ്പമണ്ണ അവാർഡ്
- കാലടി ശ്രീശങ്കരാചാര്യ സംസ്‌കൃത സർവകലാശാല ഡി ലിറ്റ്‌ ബിരുദം നൽകി ആദരിച്ചിട്ടുണ്ട്[2]
അവലംബം[തിരുത്തുക]
- ↑ "എം.എച്ച്. ശാസ്ത്രികൾ അന്തരിച്ചു". www.mathrubhumi.com. മൂലതാളിൽ നിന്നും 2012-04-13-ന് ആർക്കൈവ് ചെയ്തത്. ശേഖരിച്ചത് 13 മാർച്ച് 2015.
- ↑ 2.0 2.1 2.2 2.3 2.4 2.5 2.6 "സംസ്‌കൃത സാർവഭൗമനായ പ്രൊഫ. എം എച്ച് ശാസ്ത്രികൾ". Deshabhimani.