ഇഫിഗേനിയ
ഗ്രീക്ക് ഇതിഹാസത്തിലെ ഒരു കഥാപാത്രമാണ് ഇഫിഗേനിയ(/ɪfɨdʒɨˈnaɪ.ə/; Ancient Greek: Ἰφιγένεια, Iphigeneia). മൈസീനിയയിലെ രാജാവായ അഗമെമ്നണിന്റേയും ക്ലൈറ്റമ്നെസ്റ്റ്രയുടേയും[1] പുത്രി.[2] ഹോമറിന്റെ ഇതിഹാസത്തിൽ ഇഫിഗേനിയയെക്കുറിച്ച് കൂടുതലായി പ്രതിപാദിക്കുന്നില്ലങ്കിലും ഈസ്ഖിലസിന്റെ ആഗമെമ്നോൺ, സോഫോക്ലീസിന്റെ ഇലക്ട്ര, യൂറിപ്പിഡീസിന്റെ ഇഫിഗേനിയ അറ്റ് ഔലിസ്[3] തുടങ്ങിയ കൃതികളിൽ ധാരാളമായി കടന്നു വരുന്നുണ്ട്.
മിത്തോളജി
[തിരുത്തുക]ട്രോയ് ആക്രമണത്തിനായി പുറപ്പെട്ട ആഗമെമ്നോണിന്റെ കപ്പൽപടക്ക് ഔലിസ്സിൽ വെച്ച് തടസ്സം നേരിട്ടു. അവർക്ക് നേരിടേണ്ടി വന്ന പ്രതികൂലാവസ്ഥക്ക് പരിഹാരമായി ആർത്തമിസ് ദേവിയെ പ്രീതിപ്പെടുത്താൻ ഇഫിഗേനിയയെ ബലി അർപ്പിക്കാനായി നിർദ്ദേശം വന്നു. കാൽക്കസ് എന്ന പ്രവാചനാണ് ഇതിനു നിർദ്ദേശം നൽകിയത്. എന്നാൽ ആഗമെമ്നോൺ ആദ്യം ഇത് നിരസിച്ചെങ്കിലും പടയാളികളുടെ നിർബന്ധത്തിനു വഴങ്ങി അദ്ദേഹം അതിനു തയ്യാറായി. ഈ സമയം മൈസീനിയയിൽ ആയിരുന്ന ഇഫിഗേനിയയെ ക്ലൈറ്റമ്നെസ്ട്രയോടൊത്ത് ഔലിസ്സിൽ എത്തിച്ചു. അക്കിലിസുമായി ഇഫിഗേനിയയുടെ വിവാഹം നിശ്ചയിച്ചിരിക്കുന്നു, അതിനായാണ് ഔലിസ്സിലേക്ക് കൊണ്ട് പോകുന്നത് എന്ന വ്യാജേനയാണ് അവരെ ഔലിസ്സിൽ എത്തിക്കുന്നത്. ക്ലൈറ്റമ്നെസ്ട്ര ആദ്യം ഇതിനു വിസമ്മതിച്ചെങ്കിലും അവരും പിന്നീട് നിർബന്ധത്തിനു വഴങ്ങി. ഔലിസ്സിൽ വെച്ച് കല്യാണപ്പെണ്ണിന്റെ വേഷഭൂഷകളോടുകൂടിയാണ് ഇഫ്ഫിഗേനിയയെ ബലിത്തറയിലേക്ക് ആനയിച്ചത്[4]. കൊല്ലപ്പെടുന്നത് വരേയും ഇഫിഗേനിയയും ക്ലൈറ്റമ്നെസ്ട്രയും അറിഞ്ഞിരുന്നില്ല തന്നെ ബലിനൽകാനാണ് ഔലിസ്സിൽ കൊണ്ട് വന്നത് എന്ന്. ഔലിസ്സിൽ വെച്ച് തന്റെ സഹോദരനായ ഒറേസ്റ്റസിന്റെ കൂടെ റ്റൗരിസ്സിലേക്ക് ഇഫിഗേനിയ രക്ഷപ്പെട്ടു[5] എന്ന് കഥയുടെ മറ്റ് ഭാഷ്യങ്ങളിൽ കാണാം. യൂറിപ്പഡീസിന്റെ നാടകമായ ഇഫിഗേനിയ അറ്റ് ഔലിസ്സിൽ ഇഫിഗേനിയ ആർത്തമിസിന്റെ ദേവാലയത്തിലെ പൂജാരിണി ആയിരുന്നു എന്നാണ് പറയുന്നത്.
പ്രതിപാദനങ്ങൾ
[തിരുത്തുക]- യൂറിപ്പഡിസ്സിന്റെ കാവ്യം: http://www.ancient-literature.com/greece_euripides_iphigenia_tauris.html
- യൂറിപ്പഡിസ്സിന്റെ കാവ്യം: http://www.ancient-literature.com/greece_euripides_iphigenia_aulis.html Archived 2016-05-29 at the Wayback Machine
- http://www.poetryintranslation.com/PITBR/Greek/IphigeneiaTauris.htm
- ഇഫിഗേനിയ ചലചിത്രം: http://www.imdb.com/title/tt0076208/
- ചലചിത്രം: http://www.imdb.com/title/tt0055950/?ref_=tt_rec_tti
- ചലചിത്രം: http://www.imdb.com/title/tt0067881/?ref_=tt_rec_tti
- https://www.youtube.com/watch?v=uvydWA_cWqM
അവലംബം
[തിരുത്തുക]- ↑ https://www.youtube.com/watch?v=M_xvRMOeKyY
- ↑ Evans (1970), p. 141
- ↑ https://en.wikipedia.org/wiki/Iphigenia_in_Aulis
- ↑ "ആർക്കൈവ് പകർപ്പ്". Archived from the original on 2016-05-29. Retrieved 2016-01-08.
- ↑ http://www.ancient-literature.com/greece_euripides_iphigenia_tauris.html