അൽ തുരൈഫ്

അൽ തുറൈഫ് ജില്ല

UNESCO World Heritage Site
സാൽവ കൊട്ടാരം
Location	Diriyah, Saudi Arabia
Criteria	Cultural: iv, v, vi
Reference	1329
Inscription	2010 (34-ആം Session)
Coordinates	24°44′00″N 46°34′32″E
Location of അൽ തുരൈഫ് in Saudi Arabia

സൗദി അറേബ്യയിലെ ഒരു പ്രധാന രാഷ്ട്രീയ, ചരിത്ര ജില്ലയാണ് അൽ-തുരൈഫ് . റിയാദിന്റെ വടക്ക്-പടിഞ്ഞാറ് ദിരിയഹിൽ സ്ഥിതി ചെയ്യുന്നു. സൗദിരാജ കുടുംബത്തിന്റെ ആദ്യ കൊട്ടാരം ഇവിടെയായിരുന്നു. രാജ്യത്തിന്റെ ആദ്യ തലസ്ഥാനവും ഇവിടെയായിരുന്നു (1744 മുതൽ 1818 വരെ).ഒട്ടോമൻ സാമ്രാജ്യം ഈ പ്രദേശത്തിന്റെ നിയന്ത്രണം ഏറ്റെടുക്കുന്നതുവരെ സൗദി വംശജരുടെ യഥാർത്ഥ ആസ്ഥാനവും രാജ്യത്തിന്റെ ആദ്യ തലസ്ഥാനവുമായിരുന്നു ഇത്.

ചരിത്രം

പതിനഞ്ചാം നൂറ്റാണ്ടിൽ നജ്ദിയൻ വാസ്തുവിദ്യാ ശൈലി ഉപയോഗിച്ച് സ്ഥാപിതമായ അൽ തുരൈഫ് ജില്ലയെന്ന ഈ ചരിത്ര സ്ഥലം യുനെസ്കോയുടെ ലോക പൈതൃക പട്ടികയിൽ 2010 ജൂലൈ 31 ന് ആലേഖനം ചെയ്തിട്ടുണ്ട്.

ഈ പ്രദേശത്തെ വിവിധ കൊട്ടാരങ്ങൾ ഒയാസ്,നജ്ദി വാസ്തുവിദ്യയും അലങ്കാര ശൈലിയും ഉപയോഗിച്ചു എന്നത് ജില്ലയെ ലോക പൈതൃക സൈറ്റായി പട്ടികപ്പെടുത്തുന്നതിനുള്ള യുനെസ്കോ മാനദണ്ഡങ്ങളിലൊന്നാണ്. മാത്രമല്ല അറേബ്യൻ ഉപദ്വീപിൽ ഏകീകൃത ശക്തിയുള്ള ആദ്യത്തെ ചരിത്ര കേന്ദ്രമായിരുന്നു അൽ-തുരൈഫ് ജില്ല . പതിനെട്ടാം നൂറ്റാണ്ടിന്റെ മധ്യത്തിലെന്നപോലെ, മധ്യ അറേബ്യൻ ഉപദ്വീപിലെ മനുഷ്യവാസത്തിന്റെ ഒരു പ്രധാന ഘട്ടത്തെ പ്രതിനിധീകരിക്കുന്ന ഒരു സ്വതന്ത്ര അറബ് രാജ്യത്തിന്റെ തലസ്ഥാനമായി അൽ-ദിരിയ മാറി.

1818-ൽ ദിരിയ ഉപരോധത്തിൽ ഓട്ടോമൻമാർ കൊള്ളയടിച്ച് ഉപേക്ഷിക്കപ്പെട്ട ഈ പ്രദേശം 2000 വരെ വിജനമായി തുടർന്നു. ലോക പൈതൃക സ്ഥലമായി അംഗീകരിക്കപ്പെട്ടതും എന്നാൽ പലർക്കും അജ്ഞാതവുമായ ഈ വാസസ്ഥലത്തെ ഒരു അന്താരാഷ്ട്ര വിനോദസഞ്ചാര കേന്ദ്രമാക്കി മാറ്റുകയെന്ന ലക്ഷ്യത്തോടെ ശ്രദ്ധേയമായ ഒരു പുനരുദ്ധാരണ പദ്ധതി നടപ്പിലാക്കാൻ അൽ-ദിരിയ വികസന അതോറിറ്റിയെ നിയോഗിച്ചു.

ചരിത്രപരമായ കൊട്ടാരങ്ങളും സ്മാരകങ്ങളും

അൽ തുരൈഫ് ജില്ലയിൽ ചരിത്രപരമായ ചില കൊട്ടാരങ്ങളും സ്മാരകങ്ങളും ഉൾപ്പെടുന്നു:

• സാൽവ കൊട്ടാരം
• സൗദ് ബിൻ സൗദ് പാലസ്
• ഗസ്റ്റ് ഹൗസും അൽ തുരൈഫ് ബാത്ത് ഹൗസും
• ഇമാം മുഹമ്മദ് ബിൻ സൗദ് മോസ്ക്

അൽ-തുരൈഫ് റിസ്റ്റോറേഷൻ പ്രോഗ്രാം

ജില്ലയുടെ പുരാവസ്തു സ്ഥലങ്ങൾ രേഖപ്പെടുത്താനും ഓപ്പൺ മ്യൂസിയമാക്കി മാറ്റാനും ലക്ഷ്യമിട്ട് 2018 ഡിസംബറിൽ സൗദി അറേബ്യ അൽ തുരൈഫ് ചരിത്ര ജില്ലയ്ക്കായി ഒരു റിസ്റ്റോറേഷൻ പ്രോഗ്രാം ആരംഭിച്ചു. പദ്ധതി സൌദി ടൂറിസം പദ്ധതിയുടെ ഭാഗമായി വരുന്നു.

ചിത്രശാല

• 
  സാൽവ കൊട്ടാരം
• 
  Al-Turaif Mosque
• 
  Arda House
• 
  Traditional wooden door
• 
  Costume of Imam Abdullah bin Saud displayed in Diriyah Galley
• 
  Trade and Treasury Gallery