അഘ്രാണത

വിക്കിപീഡിയ, ഒരു സ്വതന്ത്ര വിജ്ഞാനകോശം.
അഘ്രാണത
സ്പെഷ്യാലിറ്റിന്യൂറോളജി, ഓട്ടോറൈനോലാറിംഗോളജി Edit this on Wikidata

ഘ്രാണശക്തി അഥവാ മണം തിരിച്ചറിയാണുള്ള കഴിവ് നഷ്ടപ്പെടുന്ന അവസ്ഥയാണ് അഘ്രാണത (Anosmia). ഇത് പല കാരണങ്ങളാൽ ഉണ്ടാകാം. മൂക്കിനുള്ളിലെ ശ്ലേഷ്മസ്തരങ്ങളിൽ നിന്നുദ്ഭവിക്കുന്ന ഘ്രാണനാഡികൾ കേടുവന്നാൽ ഘ്രാണശക്തി നഷ്ടപ്പെടാവുന്നതാണ്. മൂക്കിനുള്ളിൽ മാംസം വളരുന്നതുകൊണ്ടോ, പീനസമുണ്ടാകുന്നതിനാലോ ആണ് ഘ്രാണനാഡികൾ കേടാകുന്നത്. നാസാരന്ധ്രങ്ങൾക്കു ക്ഷതമേൽക്കുന്നതും അഘ്രാണതയ്ക്കു കാരണമാകും.[1] വീഴ്ചകളോ ഊക്കേറിയ പ്രഹരങ്ങളോ മൂലം ഈ ക്ഷതങ്ങളുണ്ടാകാം. തലച്ചോറിനുള്ളിലെ ഘ്രാണ കേന്ദ്രങ്ങൾക്ക് കേടുവരുന്നതുനിമിത്തവും ഘ്രാണശക്തി നഷ്ടപ്പെടാം.

ചില വസ്തുക്കളുടെ ഗന്ധംമാത്രം അറിയുകയും മറ്റു ചിലവയുടേത് അറിയാതിരിക്കുകയും ചെയ്യുന്ന അവസ്ഥയും അഘ്രാണത തന്നെ. ചില പുഷ്പങ്ങളുടെ ഗന്ധം തിരിച്ചറിയാനുള്ള കഴിവില്ലായ്മ ഭാഗിക-അഘ്രാണത എന്നറിയപ്പെടുന്നു.[2] ജീനുകളുടെ വ്യത്യാസത്താൽ ഉണ്ടാകുന്ന അഘ്രാണതയെക്കുറിച്ചും ഭാഗിക-അഘ്രാണതയെക്കുറിച്ചും പൂർണവിവരങ്ങൾ അറിവായിട്ടില്ല.

അവലംബം[തിരുത്തുക]

  1. http://www.ciliopathyalliance.org/cilia/impact-of-defective-cilia.html
  2. "ആർക്കൈവ് പകർപ്പ്". Archived from the original on 2006-01-01. Retrieved 2006-01-01.

പുറംകണ്ണികൾ[തിരുത്തുക]

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അഘ്രാണത എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=അഘ്രാണത&oldid=4011430" എന്ന താളിൽനിന്ന് ശേഖരിച്ചത്