അഗസ്റ്റ ടോണിംഗ്
ഒരു സ്വീഡൻ സ്വദേശിയായ അധ്യാപികയും വോട്ടവകാശവാദിയുമായിരുന്നു ഹിൽഡ അഗസ്റ്റ ടോണിംഗ് (1857-1932) . ഭർത്താവ് പെർ ടോണിംഗിനൊപ്പം, 1879 മുതൽ അവർ ആദ്യം ബോർലാഞ്ചിനടുത്തുള്ള ഫോർൺബിയിലും ഫാലൂണിലുമുള്ള വിദ്യാലയങ്ങളിലും അദ്ധ്യാപനം നടത്തി. ഭർത്താവിന്റെ മരണശേഷം, 1898-ൽ അവർ റോണെബിക്ക് സമീപം ഒരു വാണിജ്യാവശ്യത്തിനുള്ള പച്ചക്കറിത്തോട്ടം സ്ഥാപിച്ചു. 1902-ൽ വനിതാ പ്രസ്ഥാനത്തിൽ ചേർന്ന അവർ നിരവധി വനിതാ വോട്ടവകാശ അസോസിയേഷനുകൾ സ്ഥാപിച്ചുകൊണ്ട് സ്ത്രീകളുടെ വോട്ടവകാശത്തിനായി സജീവമായി പ്രചാരണങ്ങൾ നടത്തി. ഒന്നാം ലോകമഹായുദ്ധകാലത്തെ, സമാധാന ശ്രമങ്ങളെ അവർ പിന്തുണച്ചു. 1920-കളിൽ സ്ത്രീകൾക്ക് വോട്ടവകാശം ലഭിച്ചതിന് ശേഷവും, ടോണിംഗ് സ്ത്രീകളുടെ അവകാശങ്ങളെ പിന്തുണയ്‌ക്കുന്നത് തുടർന്നു. റോണെബിക്ക് സമീപമുള്ള ഹിൽഡയുടെ സ്വന്തം കെട്ടിടം വോട്ടവകാശവാദികളുടെ കേന്ദ്രമാവുകയും അവിടെ പഠന-പരിശീലനങ്ങൾ നടത്തിവരികയും ചെയ്തു.[1][2][3]
ആദ്യകാല ജീവിതം
[തിരുത്തുക]1857 ഓഗസ്റ്റ് 14-ന് ലണ്ട് നഗരത്തിൽ ജനിച്ച ഹിൽഡ അഗസ്റ്റ ഗ്രോൺവാൾ, അധ്യാപകനും പിൽക്കാലത്ത് ഒരു ഇടവക പുരോഹിതനുമായി മാറിയ ജോഹാൻ ഹെൻറിക് ഗ്രോൺവാൾ (1817-1894), അദ്ദേഹത്തിൻറെ ഭാര്യ ജൂലിയ ലോവിസ ഉൾറിക (മുമ്പ് അഡ്രിയാൻ; 1826-1923) എന്നിവരുടെ മകളായിരുന്നു. മാതാപിതാക്കളുടെ നാല് കുട്ടികളിൽ ഇളയ കുട്ടിയായിരുന്നു ഹിൽഡ. അവൾക്ക് അഞ്ച് വയസ്സുള്ളപ്പോൾ, കുടുംബം ട്രെല്ലെബോർഗിനടുത്തുള്ള വസ്ട്ര ടോമാർപ്പിലേക്ക് താമസം മാറുകയും, അവിടെ പിതാവ് ഇടവക വികാരിയായി നിയമിക്കപ്പെടുകയും ചെയ്തു.
അവലംബം
[തിരുത്തുക]- ↑ Betts, Jane (29 August 2020). "Hilda Augusta Tonning". Svenskt kvinnobiografiskt lexikon. Retrieved 4 May 2021.
- ↑ "Fyra porträtt" (in Swedish). Blekinge Museum. Archived from the original on 2021-11-19. Retrieved 4 May 2021.
{{cite web}}: CS1 maint: unrecognized language (link) - ↑ "Förgrundskvinnor och -män" (in Swedish). Göteborgs Universitetsbibliotek. 4 September 2017. Retrieved 4 April 2021.
{{cite web}}: CS1 maint: unrecognized language (link)