ഹജറുല് അസ്വദ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
ഈ ലേഖനം ഏതെങ്കിലും സ്രോതസ്സുകളില് നിന്നുള്ള വേണ്ടത്ര തെളിവുകളെ ഉള്ക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളില് നിന്നുമുള്ള അവലംബങ്ങള് ചേര്ത്ത് ലേഖനം മെച്ചപ്പെടുത്തുക. നിലവാരമില്ലാത്ത വസ്തുതകള് ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
കഅബയുടെ ആരംഭം മുതല്ക്ക് തന്നെ കഅബയുടെ ഒരു മൂലയില് സൂക്ഷിച്ചു പോരുന്ന അതിപുരാതനമായ ഒരു കറുത്ത കല്ലാണ് ഹജറുല് അസ്വദ് (Arabic:حجر أسود) (കറുത്ത കല്ല്). മനുഷ്യന് അല്ലാഹുവിനെ ആരാധിക്കുന്നതിന് ഭൂമിയില് സ്ഥാപിക്കപ്പെട്ട ആദ്യ മന്ദിരം, അതിന്റെ തുടക്കം മുതല് ഏകദൈവാരാധനക്ക് സാക്ഷ്യം വഹിച്ച ഒരു കല്ല്, എന്നീ ചരിത്രപ്രാധാന്യമാണ് ഇതിനുള്ളത്.
പ്രവാചകന് കഅബ പ്രദക്ഷിണ സമയം ആരംഭം കുറിക്കാനുള്ള അടയാളമായി അത് നിശ്ചയിക്കുകയും ചെയ്തു. അതിനെ ചുംബിക്കുകയോ തൊട്ടുമുത്തുകയോ അതിനും കഴിയാത്ത പക്ഷം കൈ കൊണ്ട് അതിനുനേരെ ആംഗ്യം കാണിക്കുകയോ ചെയ്തുകൊണ്ടായിരിക്കണം തവാഫ് (പ്രദക്ഷിണം)ആരംഭിക്കേണ്ടത്. അതില് കവിഞ്ഞ പ്രത്യേകതയോ ദിവ്യത്തമോ അതിന് സങ്കല്പ്പിച്ചു കൂടാത്തതുമാണ്.
ആദം നബിയുടെ കാലത്ത് സ്വര്ഗ്ഗത്തില് നിന്നും വീണതാണ് ഈ കല്ല് എന്നാണ് ഇസ്ലാമിക വിശ്വാസം. ആ സമയത്ത് ഇതിന് തൂവെള്ള നിറമായിരുന്നുവെന്നും മനുഷ്യരുടെ പാപങ്ങള് ആഗിരണം ചെയ്തതുവഴിയാണ് അത് കറുത്തുപോയതെന്നും മുസ്ലീങ്ങള് വിശ്വസിക്കുന്നു. [1]
രണ്ടാം ഖലീഫ ഉമര് ഒരിക്കല് കഅബ പ്രദക്ഷിണം ചെയ്യുന്ന സമയം ഹജറുല് അസ് വദ് ചുംബിച്ച് കൊണ്ട് പറഞ്ഞ വാക്കുകള് ശ്രദ്ധേയമാണ്. "കല്ലേ, നീ ഒരു കല്ല് മാത്രമാണ് എന്ന് എനിക്കറിയാം. നിനക്ക് എന്തെങ്കിലും ഉപകാരം ചെയ്തു തരാനോ ഉപദ്രവത്തില് നിന്ന് എന്നെ രക്ഷപ്പെടുത്താനോ കഴിയുകയില്ല. നബി(സ) നിന്നെ ചുംബിക്കുന്നത് ഞാന് കണ്ടില്ലായിരുന്നുവെങ്കില് ഞാനൊരിക്കലും നിന്നെ ചുംബിക്കുമായിരുന്നില്ല."[2]
[തിരുത്തുക] ഇതും കാണുക
[തിരുത്തുക] അവലംബം
- ↑ Shaykh Tabarsi, Tafsir, vol. 1, pp. 460, 468. Quoted in translation by Francis E. Peters, Muhammad and the Origins of Islam, p. 5. SUNY Press, 1994. ISBN 0-7914-1876-6
- ↑ Sahih al-Bukhari, Volume 2, Book 26. ശേഖരിച്ചത് 2008-09-18.
