സ്വതന്ത്ര മലയാളം കമ്പ്യൂട്ടിങ്ങ്

ഇംഗ്ലീഷ് വിലാസം

http://ml.wikipedia.org/wiki/SMC

സ്വതന്ത്ര മലയാളം കമ്പ്യൂട്ടിങ്ങ്

ചുരുക്കെഴുത്ത്	SMC
ആദർശവാക്യം	എന്റെ കമ്പ്യൂട്ടറിന് എന്റെ ഭാഷ
രൂപീകൃതമായത്	2001
Extinction	n/a
Legal status	സൊസൈറ്റി
ലക്ഷ്യം	ശാസ്ത്ര-സാങ്കേതികം
പ്രവർത്തന മേഖല	ഇന്ത്യ
വെബ്‌സൈറ്റ്	[1]

മലയാളം സ്വതന്ത്ര സോഫ്റ്റ്‌വെയറുകൾ വികസിപ്പിക്കുന്നതിനും, മലയാളം കമ്പ്യൂട്ടിങ്ങ് പ്രചരിപ്പിക്കുന്നതിനുമുള്ള സന്നദ്ധപ്രവർത്തകരുടെ കൂട്ടായ്മയാണ് സ്വതന്ത്ര മലയാളം കമ്പ്യൂട്ടിങ്ങ്. സ്വതന്ത്ര സോഫ്റ്റ്‌വെയറുകളെ അടിസ്ഥാനമാക്കി ഭാഷാ കമ്പ്യൂട്ടിങ്ങിനാവശ്യമായ സോഫ്റ്റ്‌വെയറുകൾ നിർമ്മിക്കുകയും പ്രാദേശികവത്കരിക്കുകയുമാണ്‌ സ്വതന്ത്ര മലയാളം കമ്പ്യൂട്ടിങ്ങ് എന്ന സം‌ഘടനയുടെ ലക്ഷ്യം. ഗ്നൂ സാവന്നയിൽ ഹോസ്റ്റ് ചെയ്തിരിക്കുന്ന ഈ പ്രൊജക്ട് മലയാളത്തിനു വേണ്ടി നിരവധി സ്വതന്ത്ര സോഫ്റ്റ്‌വെയറുകൾ വികസിപ്പിച്ചെടുത്തിട്ടുണ്ട്.

ചരിത്രം

കോഴിക്കോട് ആർ.ഇ.സി.യിൽ (ഇപ്പോഴത്തെ NIT, Calicut) വിദ്യാർത്ഥിയായിരുന്ന ബൈജു. എം. ആണ് 2001-ൽ സ്വതന്ത്ര മലയാളം കമ്പ്യൂട്ടിങ്ങ് സ്ഥാപിച്ചത്. 2001-ൽ തുടങ്ങിയെങ്കിലും 2006 അവസാനം വരെ ഈ കൂട്ടായ്മ നിർജീവമായിരുന്നു. 2006 നവംബറിൽ ഡെബിയൻ ഗ്നു/ലിനക്സ് ഇൻസ്റ്റാളറിന്റെ മലയാളം പ്രാദേശികവത്കരണത്തിനായി മലയാളം ഡെവലപ്പേഴ്സ് ഒത്തുചേർന്നതോടെ സംരംഭം വീണ്ടും സജീവമാവുകയായിരുന്നു. സാവന്നയിൽ ഹോസ്റ്റ് ചെയ്ത പ്രൊജക്ടിലേക്ക് കൂടുതൽ ഹാക്കർമാരെത്തി. 2006 ഡിസംബറിൽ ധ്വനി പ്രൊജക്ട് സന്തോഷ് തോട്ടിങ്ങൽ തുടങ്ങി.

പ്രവർത്തനങ്ങൾ

നിർമ്മിച്ച പ്രധാന സോഫ്റ്റ്‌വെയറുകൾ

• ലളിത - ശബ്ദാത്മക കീബോർഡ് വിന്യാസം (XKB).
• സ്വനലേഖ - സ്കിമ്മിനു് വേണ്ടിയുള്ള ശബ്ദാത്മക നിവേശക രീതി (Phonetic Input method for SCIM).
• മൊഴി scim-m17n ഉപയോഗിച്ചുള്ള നിവേശക രീതി.
• സുലേഖ -ടെക്സ്റ്റ് എഡിറ്റർ - ഇന്റലിജന്റ്‌ ടൈപ്പിങ്ങ്.
• സ്വനലേഖ ബുക്ക്മാർക്ക്ലെറ്റ് - ഫയർഫോക്സ് ഉപയോക്താക്കൾക്കായി സ്വനലേഖയുടെ ബുക്ക്മാർക്ക്ലെറ്റ് പതിപ്പ്.
• ആസ്പെൽ മലയാളം - ഗ്നു ആസ്പെൽ അടിസ്ഥാനമാക്കിയുള്ള മലയാളം ലിപിവിന്യാസ പരിശോധകൻ‌.
• പയ്യൻസ് - ആസ്കി ഫോണ്ടിലുള്ള രചനകളെ യൂണിക്കോഡിലേക്ക് പരിവർത്തനം ചെയ്യുവാനുള്ള ഉപകരണം.

ഫോണ്ടുകൾ (അക്ഷര സഞ്ചയങ്ങൾ)

• മീര - തനതുലിപി അടിസ്ഥാനമാക്കിയുള്ള ഒരു യൂണിക്കോഡ് ഫോണ്ട്.
• ദ്യുതി - അലങ്കാരയെഴുത്തിനുതകുന്ന ഒരു യൂണിക്കോഡ് ഫോണ്ട്.

പ്രാദേശികവത്കരണ പ്രവർത്തനങ്ങൾ

• ഗ്നു/ലിനക്സിൽ ഉപയോഗിച്ചിരിക്കുന്ന പണിയിടമായ ഗ്നോം-ന്റെ മലയാളം പ്രാദേശികവത്ക്കരണം,
• ഗ്നു/ലിനക്സിൽ ഉപയോഗിക്കുന്ന മറ്റൊരു പണിയിടമായ കെ.ഡി.ഇ.-യുടെ പ്രാദേശികവൽക്കരണം.
• ഡെബിയൻ ഗ്നു/ലിനക്സിന്റെ ഇൻസ്റ്റോളറുടെ മലയാളം പ്രാദേശികവത്ക്കരണം.
• ഓ.എൽ.പി.സി-യുടെ പ്രാദേശികവത്ക്കരണം.
• ഫയർഫോക്സിന്റെ പ്രാദേശികവത്ക്കരണം.
• ഓപ്പൺ ഓഫീസ്.ഓർഗ്-ന്റെ പ്രാദേശികവത്ക്കരണം.

വിവരശേഖരങ്ങൾ

• മലയാളഗ്രന്ഥവിവരം ആദിമുദ്രണംമുതൽ 1995 വരെ മലയാളത്തിൽ പ്രസിദ്ധീകരിച്ച 52,000ലധികം പുസ്തകങ്ങളുടെ ഇലക്ട്രോണിക് ഗ്രന്ഥസൂചി

കൂടുതൽ വിവരങ്ങൾക്ക്

• SMC-യുടെ വെബ്ബ്‌സൈറ്റ്
• സ്വതന്ത്ര മലയാളം കമ്പ്യൂട്ടിങ്ങ്
• SMC വിക്കി
• സ്വതന്ത്ര മലയാളം കമ്പ്യൂട്ടിങ്ങ് മെയിലിങ്ങ് ലിസ്റ്റ്