ശസ്ത്രക്രിയ
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഉപകരണങ്ങളുടെ സഹായത്തോടെ ശരീരം മുറിച്ച് കേടുപാടുകള് തീര്ക്കുകയോ പരിശോധന നടത്തുകയോ ആകാരഭംഗി വരുത്തുകയോ ചെയ്യുന്ന വൈദ്യശാസ്ത്ര പ്രക്രിയയാണ് ശസ്ത്രക്രിയ. ആംഗലേയത്തില് Surgery എന്നു പറയുന്നു. ഇത് ഗ്രീക്ക് ഭാഷയിലെ χειρουργική (cheirourgikē) എന്ന വാക്കില് നിന്ന് ഉടലെടുത്തതാണ്. ലത്തീന് ഭാഷയിലെ കരക്രിയ എന്ന് അര്ത്ഥമുള്ള chirurgiae എന്ന വാക്കാണ് ഗ്രീക്കിലെത്തിയതെന്ന് കരുതപ്പെടുന്നു. ആംഗലേയത്തില് ശസ്ത്രക്രിയക്ക് surgical procedure, operation എന്നീ പേരുകളും ഉപയോഗിക്കാറുണ്ട്. ശസ്ത്രക്രിയ നടത്തുന്നയാളെ ശസ്ത്രക്രിയാവിദഗ്ദ്ധന് (Surgeon / സര്ജന്) എന്നു വിളിക്കുന്നു.
ഉള്ളടക്കം |
[തിരുത്തുക] ചരിത്രം
കുറഞ്ഞത് രണ്ട് ചരിത്രാതീത സംസ്കാരങ്ങളിലെങ്കിലും ശസ്ത്രക്രിയയുടെ വ്യത്യസ്ത രൂപങ്ങള് നിലനിന്നിരുതിന് തെളിവുണ്ട്. അവയില് പുരാതനമായത് തലയോട്ടിക്കുള്ളിലെ അതിമര്ദ്ദം കുറയ്ക്കുന്നതിന് തലയോട്ടി തുരന്ന് മര്ദ്ദം കുറയ്ക്കുന്ന രീതിയാണ്.[1] ചരിത്രാതീതകാലത്തെ പല തലയോട്ടികളിലും തുരന്നുണ്ടായ ദ്വാരങ്ങള് ഉണങ്ങിയതിന്റെ അടയാളമുണ്ട്. ഇത് കാണിക്കുന്നത് ഇത്തരം പ്രക്രിയകള്ക്ക് ശേഷം പല രോഗികളും സുഖം പ്രാപിച്ചിട്ടുണ്ട് എന്നാണ്. 9000 വര്ഷങ്ങള്ക്കു മുമ്പ് സിന്ധു നദീതട സംസ്കാരത്തില് പല്ല് തുരന്നിരുന്നതായി കണ്ടെത്തിയിട്ടുണ്ട്.[2] പുരാതന ഈജിപ്റ്റില് നിന്ന് ലഭിച്ച ഏകദേശം ക്രി. മു. 2650 ലേതെന്ന് കാലഗണനം ചെയ്യപ്പെട്ട ഒരു താടിയെല്ലില് ആദ്യ അണപ്പല്ലിന് താഴെയായി രണ്ട് ദ്വാരങ്ങള് കണ്ടെത്തിയിട്ടുണ്ട്. ഇത് സൂചിപ്പിക്കുന്നത് പല്ലിലുണ്ടായ പഴുപ്പ് തുരന്ന് നീക്കം ചെയ്തതാണ്.
അറിയപ്പെടുന്നവയില് ഏറ്റവും പഴയ ശസ്ത്രക്രിയാ ഗ്രന്ഥം 3500 വര്ഷങ്ങള്ക്കു മുമ്പ് പുരാതന ഈജിപ്റ്റില് എഴുതപ്പെട്ടതാണ്. പുരാതന ഭാരതത്തിലെ വിശ്രുതനായ ശസ്ത്രകിയാകാരനായിരുന്നു ക്രി.മു. ആറാം നൂറ്റാണ്ടില് ജീവിച്ചിരുന്ന സുശ്രുതന്.
[തിരുത്തുക] ശസ്ത്രക്രിയ; പുരാതന സംസ്കാരങ്ങളില്
[തിരുത്തുക] ഇന്ത്യ
പുരാതന ഭാരതത്തിലെ വിശ്രുതനായ ശസ്ത്രകിയാകാരനായിരുന്നു ക്രി.മു. ആറാം നൂറ്റാണ്ടില് ജീവിച്ചിരുന്ന സുശ്രുതന്. അദ്ദേഹം സുശ്രുതസംഹിത എന്ന ശസ്ത്രക്രിയാ ഗ്രന്ഥത്തിന്റെ കര്ത്താവ് കൂടിയാണ്. സുശ്രുതസംഹിതയില് അദ്ദേഹം 120 തരം ശസ്ത്രക്രിയാ ഉപകരണങ്ങളെക്കുറിച്ചും 300 തരം ശസ്ത്രക്രിയാ രീതികളെക്കുറിച്ചും വിശദീകരിക്കുകയും മനുഷ്യശസ്ത്രക്രിയയെ എട്ടായി തരംതിരിക്കുകയും ചെയ്തിരിക്കുന്നു. വൈദ്യശാസ്ത്രത്തിനും ശസ്ത്രക്രിയാരംഗത്തിനും അദ്ദേഹം നല്കിയ സംഭാവനകളെ മാനിച്ച് ശസ്ത്രക്രിയയുടെ പിതാവ് എന്നാണ് സുശ്രൂതന് അറിയപ്പെടുന്നത്. ഗംഗാനദിയുടെ തീരത്ത് ഇന്നത്തെ വരാണസിയിലാണ് സുശ്രൂതന് ജീവിച്ചിരുന്നതെന്നു കരുതുന്നു.[3]
[തിരുത്തുക] മെസൊപ്പോട്ടേമിയ
[തിരുത്തുക] ഈജിപ്റ്റ്
[തിരുത്തുക] ഗ്രീസ്
[തിരുത്തുക] ചൈന
[തിരുത്തുക] അവലംബം
- ↑ Capasso, Luigi (2002) (in Italian). Principi di storia della patologia umana: corso di storia della medicina per gli studenti della Facoltà di medicina e chirurgia e della Facoltà di scienze infermieristiche. Rome: SEU. ISBN 88-87753-65-2
- ↑ ബി ബി സി വാര്ത്തകള്| ലേഖനം: Stone age man used dentist drill
- ↑ ഇന്ഫിനിറ്റി ഫൌണ്ടേഷനില് ശുശ്രുതനെക്കുറിച്ചുള്ള ലേഖനം, ഡി.പി. അഗ്രവാള് എഴുതുയത്.
 |
വൈദ്യശാസ്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
