മാങ്ങാട്ടിടം ഗ്രാമപഞ്ചായത്ത്

ഇംഗ്ലീഷ് വിലാസം

http://ml.wikipedia.org/wiki/Mangattidam_Gramapanchayath

കണ്ണൂർ ജില്ലയിൽ തലശ്ശേരി താലൂക്കിലെ കൂത്തുപറമ്പ് ബ്ലോക്കിൽ സ്ഥിതിചെയ്യുന്ന ഗ്രാമപഞ്ചായത്താണ് മാങ്ങാട്ടിടം ഗ്രാമപഞ്ചായത്ത്. ഈ ഗ്രാമപഞ്ചായത്ത് മാങ്ങാട്ടിടം , കണ്ടംകുന്ന് എന്നീ വില്ലേജുകളിലായി വ്യാപിച്ചുകിടക്കുന്ന ഈ ഗ്രാമപഞ്ചായത്ത്, കൂത്തുപറമ്പ് നിയമസഭാമണ്ഡലത്തിലാണ്‌ ഉൾപ്പെടുന്നത്..

ഗ്രാമ പഞ്ചായത്ത് വാർഡുകൾ

സി.പി.ഐ(എം)-ലെ എ.വസന്ത ആണ്‌ ഗ്രാമപഞ്ചായത്ത് പ്രസിഡന്റ്. മാങ്ങാട്ടിടം ഗ്രാമപഞ്ചായത്തിൽ 18 വാർഡുകളാണുള്ളത്.

1. വട്ടിപ്രം
2. കണ്ടേരി
3. മെരുവമ്പായി
4. കണ്ടംകുന്ന്
5. നീർവേലി
6. ആയിത്തറ
7. മമ്പറം
8. കൈതേരി 12-ആം മൈൽ
9. കൈതേരി 11-ആം മൈൽ
10. രാമപുരം
11. കരിയിൽ
12. കുറുമ്പക്കൽ
13. അയ്യപ്പൻതോട്
14. ആമ്പിലാട്
15. മാങ്ങാട്ടിടം
16. ശങ്കരനെല്ലൂർ
17. കൊയൊലോട്
18. കീരാച്ചി

ഭൂമിശാസ്ത്രം

അതിരുകൾ

• വടക്ക്:മട്ടന്നൂർ,മാലൂർ, വേങ്ങാട്
• പടിഞ്ഞാറ്:വേങ്ങാട്
• തെക്ക്: കൂത്തുപറമ്പ്, കോട്ടയം, ചിറ്റാരിപ്പറമ്പ്,
• കിഴക്ക്: മാലൂർ, ചിറ്റാരിപ്പറമ്പ്,

ഭൂപ്രകൃതി

ഭൂപ്രകൃതിയുടെ അടിസ്ഥാനത്തിൽ പഞ്ചായത്തിനെ ഉയർന്ന കുന്നിൻ പ്രദേശം, കുന്നിൻ ചരിവുകൾ, താഴ്‌വരയിലെ വയലുകൾ എന്നിങ്ങനെ മൂന്നാക്കി തരം തിരിക്കാവുന്നതാണ്‌.

ജലപ്രകൃതി

പഞ്ചായത്തിന്റെ വടക്കുഭാഗത്തുകൂടി ഒഴുകുന്ന അഞ്ചരക്കണ്ടി പുഴയും പഞ്ചായത്തിനുള്ളിലൂടെ ഒഴുകുന്ന അയ്യപ്പൻ തോട്, കൈതേരി തോടു എന്നിവയുമാണ്‌ ഈ പഞ്ചായത്തിലെ പ്രധാന ജലസ്രോതസ്സുകൾ. പഴശ്ശി ജലസേചനപദ്ധതിയുടെ കനാലുകൾ ഈ പഞ്ചായത്തിലൂടെ കടന്നുപോകുന്നു.

സ്ഥിതിവിവരക്കണക്കുകൾ

വിസ്തീർണ്ണം(ച.കി.മി)	വാർഡുകൾ	ആകെ ജനസംഖ്യ	ആകെ പുരുഷന്മാർ	ആകെ സ്ത്രീകൾ	ജനസാന്ദ്രത	സ്ത്രീ പുരുഷ അനുപാതം	ആകെ സാക്ഷരത	സാക്ഷരരായ പുരുഷന്മാർ	സാക്ഷരരായ സ്ത്രീകൾ
33.31	18	29766	14492	15274	894	1054	92.79	96.94	88.88

ചരിത്രം

മാങ്ങാട്ടിടം , കണ്ടംകുന്ന് എന്നീ വില്ലേജുകൾ ഉൾപ്പെടുത്തി 1963-ലാണ്‌ മാങ്ങാട്ടിടം ഗ്രാമപഞ്ചായത്ത് രൂപവത്കരിച്ചത് . 1964-ൽ സ്ഥാപിക്കപ്പെട്ട നിർമ്മലഗിരി കോളേജ് ആണ്‌ പ്രധാന ഉന്നതവിദ്യാഭ്യാസസ്ഥാപനം.

ഗതാഗതം

തലശ്ശേരി-കൂർഗ് റോഡ് ഈ പഞ്ചായത്തിലൂടെയാണ്‌ കടന്നുപോകുന്നത്.

ഇതും കാണുക

കേരളത്തിലെ ഗ്രാമപഞ്ചായത്തുകളുടെ പട്ടിക