ഡോഗൊൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഡോഗൊൻ ജനത
Dogon12.jpg
Total population
400,000 to 800,000
Regions with significant populations
Languages
Dogon languages

പടിഞ്ഞാറൻ ആഫ്രിക്കയിലെ ഒരു ജനവിഭാഗമാണ് ഡോഗൻ. നൈജർ നദിക്കു കിഴക്കായ പശ്ചിമമാലിയിലാണ് ഇവർ വസിക്കുന്നത്. ഡോഗൊനുകളുടെ ജനസംഖ്യ രണ്ടര ലക്ഷത്തിലധികമില്ല. കോംഗോ-കോർഡോ-ഫാനിയൻ ഭാഷാകുടുംബത്തിൽ ഉൾപ്പെട്ട വോൾട്ടെയിക്ക് വിഭാഗത്തിൽപ്പെടുന്ന ഭാഷയാണ് ഇവരുടേത്. ഡോഗൊനുകൾ പ്രധാനമായും ഒരു കാർഷിക സമൂഹമാണ്. മണ്ണുകിളച്ചുള്ള കൃഷിരീതിയാണ് ഇവരുടേത്. വിളകൾ മാറിമാറി കൃഷിചെയ്യുന്ന സമ്പ്രദായവും ഇവർ പരീക്ഷിക്കാറുണ്ട്. ചെറുകിട ജലസേചന സൗകര്യവും ഇവർ വികസിപ്പിച്ചെടുത്തിട്ടുണ്ട്. ചാമയും (Millet) കരിമ്പുമാണ് (Sorghum) ഇവരുടെ പ്രധാന ആഹാരം. ഡോഗൊനുകളുടെ അധിവാസമേഖലകൾ വളരെയധികം ശിഥിലമാണ്. പൊതു സംസ്കാരം, ഭാഷ, വിവാഹം എന്നിവയാണ് ഇവരെ ഏകോപിപ്പിക്കുന്ന ഘടകങ്ങൾ. കേന്ദ്രീകൃത രാഷ്ട്രീയ സ്ഥാപനങ്ങളുടെ അഭാവം ഈ സമൂഹത്തിൽ ശ്രദ്ധേയമാണ്. ഡോഗൊനുകൾക്കിടയിൽ നിലനിൽക്കുന്ന ദായക്രമം മക്കത്തായത്തിലധിഷ്ഠിതമാണ്. കുടുംബനാഥനായ പുരുഷന് അധികാരം നൽകുന്ന ഒരു സാമൂഹിക സംവിധാനമാണ് ഇവരുടേത്. ഡോഗൊനുകളുടെ മതം, ലോക ബോധം, തത്ത്വചിന്ത എന്നിവ പ്രതീകാത്മകമാണ്.

ചിത്രശാല[തിരുത്തുക]

അവലംബം[തിരുത്തുക]

പുറംകണ്ണികൾ[തിരുത്തുക]

വീഡിയോ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡോഗൊൻ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=ഡോഗൊൻ&oldid=1693812" എന്ന താളിൽനിന്നു ശേഖരിച്ചത്