ജി. കാർത്തികേയൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇതേ പേരിലുള്ള സി.പി.ഐ. നേതാവിനെക്കുറിച്ചറിയാൻ, ദയവായി ജി. കാർത്തികേയൻ (ഒന്നാം കേരള നിയമസഭാംഗം) കാണുക.
കാർത്തികേയൻ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ കാർത്തികേയൻ (വിവക്ഷകൾ) എന്ന താൾ കാണുക. കാർത്തികേയൻ (വിവക്ഷകൾ)
ജി. കാർത്തികേയൻ
ജി. കാർത്തികേയൻ

നിലവിൽ
പദവിയിൽ 
2011 ജൂൺ 02[1]
മുൻ‌ഗാമി കെ. രാധാകൃഷ്ണൻ
ഗവർണർ എച്ച്.ആർ. ഭരദ്വാജ്
നിയോജക മണ്ഡലം അരുവിക്കര

പ്രതിപക്ഷത്തിന്റെ ഉപനേതാവ്, ആര്യനാട് എം.എൽ.എ.
പദവിയിൽ
2006–2011

ഭക്ഷ്യ പൊതുവിതരണ മന്ത്രി
പദവിയിൽ
2001–2006

ജനനം (1949-01-20) 20 ജനുവരി 1949 (65 വയസ്സ്)
വർക്കല, കേരളം, ഇൻഡ്യ
രാഷ്ടീയകക്ഷി ഇൻഡ്യൻ നാഷണൽ കോൺഗ്രസ് Flag of the Indian National Congress.svg
ജീവിതപങ്കാളി(കൾ) ഡോ. എം.ടി. സുലേഖ
കുട്ടികൾ 2 ആൺകുട്ടികൾ
ഭവനം തിരുവനന്തപുരം, ഇൻഡ്യ
മതം ഹിന്ദു
As of Nov 7, 2012
Source: kerala.gov.in

കേരളത്തിലെ കോൺഗ്രസ് (ഐ) നേതാക്കളിലൊരാളും, പതിമൂന്നാം കേരള നിയമസഭയിലെ സ്പീക്കറും, അരുവിക്കര മണ്ഡലത്തിൽ നിന്നുള്ള എം.എൽ.എ-യുമാണ് ജി. കാർത്തികേയൻ (ജനനം: 1949 ജനുവരി 20). 1995-ലെ എ.കെ. ആന്റണി മന്ത്രിസഭയിൽ വിദ്യുച്ഛക്തി വകുപ്പ് മന്ത്രിയായും 2001-ലെ ആന്റണി മന്ത്രിസഭയിൽ ഭക്ഷ്യ-പൊതുവിതരണ, സാംസ്‌കാരിക മന്ത്രിയായും ഇദ്ദേഹം പ്രവർത്തിച്ചിട്ടുണ്ട്. ഇതിന് പുറമേ കോൺഗ്രസിന്റെ നിയമസഭാ കക്ഷി ഉപനേതാവ്, ചീഫ് വിപ്പ് സ്ഥാനങ്ങളും കൈകാര്യം ചെയ്തിട്ടുണ്ട്.[2]

ജീവിതരേഖ[തിരുത്തുക]

1949 ജനുവരി 20-ന് തിരുവനന്തപുരം ജില്ലയിലെ വർക്കലയിൽ എൻ.പി ഗോപാലപിള്ളയുടെയും വനജാക്ഷിയമ്മയുടെയും മകനായി ജനനം. ബിരുദത്തിന് ശേഷം എൽഎൽ.ബിയും പൂർത്തിയാക്കി. കെ.എസ്.യു.-വിലൂടെയാണ് രാഷ്ട്രീയ രംഗത്ത് എത്തിയത്. 1978-ൽ കോൺഗ്രസിലുണ്ടായ പിളർപ്പിൽ കാർത്തികേയൻ കെ. കരുണാകരനൊപ്പം അടിയുറച്ചു നിന്നു. കെ.എസ്.യു സംസ്ഥാന പ്രസിഡണ്ട് , യൂത്ത് കോൺഗ്രസ് സംസ്ഥാന ജനറൽ സെക്രട്ടറി, യൂത്ത് കോൺഗ്രസ് സംസ്ഥാന പ്രസിഡണ്ട് എന്നീ സ്ഥാനങ്ങൾ വഹിച്ചിട്ടുള്ള അദ്ദേഹം 1980-ൽ ആദ്യമായി നിയമസഭാ തെരഞ്ഞെടുപ്പിൽ മൽസരിച്ചെങ്കിലും പരാജയപ്പെട്ടു. വർക്കല മണ്ഡലത്തിൽ വർക്കല രാധാകൃഷ്ണനോടായിരുന്നു തോൽവി.[3] 1982-ൽ തിരുവനന്തപുരം നോർത്ത് മണ്ഡലത്തിൽ മത്സരിച്ച ഇദ്ദേഹം സി.പി.എം നേതാവ് കെ. അനിരുദ്ധനെ പരാജയപ്പെടുത്തി ആദ്യമായി നിയമസഭയിലെത്തി.[4] എന്നാൽ 1987-ൽ ഇതേ മണ്ഡലത്തിൽ എം.വിജയകുമാറിനോട് പരാജയപ്പെട്ടു.[5] പിന്നീട് തുടർച്ചയായി അഞ്ചു തവണ ജി. കാർത്തികേയൻ നിയമസഭയിലേക്ക് തെരഞ്ഞെടുക്കപ്പെട്ടു. 1991, 1996, 2001, 2006 വർഷങ്ങളിൽ ആര്യനാട് നിന്നും 2011-ൽ അരുവിക്കരയിൽ നിന്നുമാണ് നിയമസഭയിലെത്തിയത്.

കുടുംബം[തിരുത്തുക]

ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സിറ്റി ഡയറക്ടർ ഡോ. എം.ടി. സുലേഖയാണ് ഭാര്യ . കെ.എസ്. അനന്തപത്മനാഭൻ, കെ.എസ്. ശബരിനാഥൻ എന്നിവർ മക്കളാണ്.

അവലംബം[തിരുത്തുക]

  1. http://www.business-standard.com/india/news/g-karthikeyan-elected-speakerkerala-assembly/437673/
  2. "സ്പീക്കറുടെ ജീവിതരേഖയും വ്യക്തിവിവരണവും". കേരള നിയമസഭയുടെ ഔദ്യോഗിക വെബ്‌സൈറ്റ്. യഥാർത്ഥ സൈറ്റിൽ നിന്ന് 2014-07-25 15:24:30-നു ആർക്കൈവ് ചെയ്തത്. 
  3. 1980-ലെ നിയമസഭാ തെരഞ്ഞെടുപ്പ് ഫലം, കേരള സർക്കാരിന്റെ ഔദ്യോഗിക വെബ്‌സൈറ്റ്
  4. 1982-ലെ തെരഞ്ഞെടുപ്പ് ഫലം,തിരുവനന്തപുരം നോർത്ത് മണ്ഡലം, കേരള നിയമസഭ തെരഞ്ഞെടുപ്പ് വിവരശേഖരം
  5. 1987-ലെ തെരഞ്ഞെടുപ്പ് ഫലം,തിരുവനന്തപുരം നോർത്ത് മണ്ഡലം, കേരള നിയമസഭ തെരഞ്ഞെടുപ്പ് വിവരശേഖരം
"http://ml.wikipedia.org/w/index.php?title=ജി._കാർത്തികേയൻ&oldid=1972757" എന്ന താളിൽനിന്നു ശേഖരിച്ചത്