ചേമഞ്ചേരി കുഞ്ഞിരാമൻ നായർ
ചേമഞ്ചേരി കുഞ്ഞിരാമൻ നായർ | |
|---|---|
 ചേമഞ്ചേരി കുഞ്ഞിരാമൻ നായർ | |
| ജനനം | 26 ജൂൺ 1916 ചേലിയ , മലബാർ ജില്ല, മദ്രാസ് പ്രസിഡൻസി , ബ്രിട്ടീഷ് ഇന്ത്യ (ഇപ്പോൾ കോഴിക്കോട് ജില്ല , കേരളം, ഇന്ത്യ) |
| മരണം | 15 മാർച്ച് 2021 (പ്രായം 104)[1] ചെലിയ, കോഴിക്കോട് ജില്ല, കേരള |
| ദേശീയത | ഇന്ത്യൻ |
| സജീവ കാലം | 1945-2021 |
| അറിയപ്പെടുന്നത് | കഥകളി ഗുരുവും നടനും |
കേരളത്തിലെ പ്രമുഖ കഥകളികലാകാരനും നൃത്താദ്ധ്യാപകനുമാണ്‌ ഗുരു ചേമഞ്ചേരി കുഞ്ഞിരാമൻ നായർ.[2]
ജീവിതരേഖ[തിരുത്തുക]
മടൻകണ്ടി ചാത്തുകുട്ടിനായരുടേയും അമ്മുക്കുട്ടിയമ്മയുടെയും പുത്രനായി 1916 ജൂൺ 26ന്‌ ജനിച്ച്‌ 15 വയസ്സിൽ വാരിയംവീട്ടിൽ നാടകസംഘത്തിന്റെ "വള്ളിത്തിരുമണം" നാടകത്തോടെ രംഗപ്രവേശം നടത്തിയ ചേമഞ്ചേരി കുഞ്ഞിരാമൻ നായർ നൃത്തം, കഥകളി, കേരളനടനം എന്നിവയിലെല്ലാം അസാമാന്യ പാടവം പ്രദർശിപ്പിച്ചു. 1977-ൽ ഇദ്ദേഹം മലബാർ സുകുമാരൻ ഭാഗവതരോടൊപ്പം പൂക്കാട്‌ കലാലയവും[3] 1983-ൽ ചേലിയ കഥകളി വിദ്യാലയവും സ്ഥാപിച്ചു.
പത്തു കൊല്ലം കേരളസർക്കാർ നടനഭുഷണം എക്‌സാമിനറായും മൂന്നു വർഷം തിരുവനന്തപുരം ദൂരദർശൻ നൃത്തവിഭാഗം ഓഡീഷൻ കമ്മിറ്റി അംഗമായും രണ്ടു വർഷം സംഗീത നാടക അക്കാദമി ജനറൽ കൗ‌ൺസിൽ അംഗമായും സേവനമനുഷ്ടിച്ചു.
പുരസ്കാരങ്ങൾ[തിരുത്തുക]
1979 -ൽ നൃത്തത്തിന്‌ അവാർഡും 1990 -ൽ നൃത്തത്തിനും കഥകളിക്കും കൂടി ഫെല്ലോഷിപ്പും നൽകി കേരള സംഗീത നാടക അക്കാദമി ആദരിച്ചു. 2001 -ൽ കേരള കലാമണ്ഡലം വിശിഷ്ടസേവനത്തിന്‌ അവാർഡ്‌ നൽകി. 2002-ൽ കൊച്ചി കേരളദർപ്പണത്തിൽ നാട്യകുലപതിയായി ബഹുമാനിച്ചു. സംസ്ഥാനതലത്തിൽ കഥകളിക്ക് ഫോക്‌ലാൻഡ് ഏർപ്പെടുത്തിയ 2011ലെ കാനാ കണ്ണൻ നായർ ആശാന്റെ സ്മരണയ്ക്കായുള്ള നാട്യരത്‌ന പുരസ്‌കാരം[4] 2017 ൽ രാജ്യം പത്മശ്രീ നൽകി ആദരിച്ചു.
അവലംബം[തിരുത്തുക]
- ↑ "Kathakali maestro Chemancheri Kunhiraman Nair dies at 105". The New Indian Express. Retrieved 2021-03-15.
- ↑ http://deshabhimani.com/newscontent.php?id=166272[പ്രവർത്തിക്കാത്ത കണ്ണി]
- ↑ "നൃത്ത്യകലയുടെ പീലിത്തിരുമുടി ജന്മാഷ്ടമി പുരസ്കാര സമർപ്പണം ഇന്ന്‌". ജന്മഭൂമി. Archived from the original on 2013-08-27. Retrieved 2013 ഓഗസ്റ്റ് 27.
{{cite news}}: Check date values in:|accessdate=(help)CS1 maint: bot: original URL status unknown (link) - ↑ "ആർക്കൈവ് പകർപ്പ്". Archived from the original on 2012-05-28. Retrieved 2012-05-27.
പുറമെ നിന്നുള്ള കണ്ണികൾ[തിരുത്തുക]
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
