കൊച്ചുവേളി - മംഗളൂരു ജംഗ്ഷൻ അന്ത്യോദയ എക്സ്പ്രസ്

കൊച്ചുവേളി - മംഗളൂരു ജംഗ്ഷൻ അന്ത്യോദയ എക്സ്പ്രസ്
കൊച്ചുവേളി - മംഗളൂരു ജംഗ്ഷൻ അന്ത്യോദയ എക്സ്പ്രസ്
പൊതുവിവരങ്ങൾ
തരം	അന്ത്യോദയ എക്സ്പ്രസ്
ആദ്യമായി ഓടിയത്	9 ജൂൺ 2018; 5 വർഷങ്ങൾക്ക് മുമ്പ്
നിലവിൽ നിയന്ത്രിക്കുന്നത്	ദക്ഷിണ റെയിൽവേ
യാത്രയുടെ വിവരങ്ങൾ
യാത്ര ആരംഭിക്കുന്ന സ്റ്റേഷൻ	കൊച്ചുവേളി (KCVL)
നിർത്തുന്ന സ്റ്റേഷനുകളുടെ എണ്ണം	8
യാത്ര അവസാനിക്കുന്ന സ്റ്റേഷൻ	മംഗളൂരു ജംഗ്ഷൻ (MAJN)
സഞ്ചരിക്കുന്ന ദൂരം	615 km (382 mi)
ശരാശരി യാത്രാ ദൈർഘ്യം	12 മണിക്കൂർ 15മിനിറ്റ്
സർവ്വീസ് നടത്തുന്ന രീതി	ബൈ-വീക്ക്ലി
ട്രെയിൻ നമ്പർ	16355/16356
സൗകര്യങ്ങൾ
ലഭ്യമായ ക്ലാസ്സുകൾ	അൺറിസർവ്ഡ്
സീറ്റ് ക്രമീകരിക്കുന്നതിനുള്ള സൗകര്യം	ഉണ്ട്
ഉറങ്ങാനുള്ള സൗകര്യം	ഇല്ല
ഭക്ഷണ സൗകര്യം	ഇല്ല
വിനോദ പരിപാടികൾക്കുള്ള സൗകര്യം	ഇല്ല
യാത്രാസാധനങ്ങൾ സൂക്ഷിക്കുന്നതിനുള്ള സൗകര്യം	ഉണ്ട്
സാങ്കേതികം
റോളിംഗ് സ്റ്റോക്ക്	1
ട്രാക്ക് ഗ്വേജ്	1,676 mm (5 ft 6 in)
വേഗത	51 km/h (32 mph)
യാത്രാ ഭൂപടം
യാത്രാ ഭൂപടം

ഇംഗ്ലീഷ് വിലാസം

https://ml.wikipedia.org/wiki/Kochuveli_-_Mangaluru_Junction_Antyodaya_Express

ദക്ഷിണ റെയിൽവേയുടെ ഭാഗമായ തിരുവനന്തപുരം റെയിൽവേ ഡിവിഷനു കീഴിൽ സർവീസ് നടത്തുന്ന ഒരു എക്സ്പ്രസ് തീവണ്ടിയാണ് കൊച്ചുവേളി - മംഗളൂരു ജംഗ്ഷൻ അന്ത്യോദയ എക്സ്പ്രസ് (തീവണ്ടി നമ്പർ - 16355/16356).^[2] ഈ തീവണ്ടി തിരുവനന്തപുരം ജില്ലയിലെ കൊച്ചുവേളിയെ ആലപ്പുഴ വഴി കർണാടകയിലെ മംഗളൂരുവുമായി (മംഗലാപുരം) ബന്ധിപ്പിക്കുന്നു. ആഴ്ചയിൽ രണ്ടു ദിവസമാണ് ട്രെയിൻ സർവീസ് നടത്തുന്നത്.^[3] എറണാകുളം - ഹൗറ അന്ത്യോദയ എക്സ്പ്രസിനു ശേഷം കേരളത്തിലൂടെ സർവീസ് നടത്തുന്ന രണ്ടാമത്തെ അന്ത്യോദയ എക്സ്പ്രസ് തീവണ്ടിയാണ് കൊച്ചുവേളി - മംഗളൂരു അന്ത്യോദയ എക്സ്പ്രസ്.

സർവീസ്[തിരുത്തുക]

വെള്ളി, ഞായർ ദിവസങ്ങളിൽ രാത്രി 8 മണിക്കു മംഗളൂരു ജംഗ്ഷനിൽ നിന്നു പുറപ്പെടുന്ന അന്ത്യോദയ എക്സ്പ്രസ് (16356) പിറ്റേദിവസം രാവിലെ 8:15-നു കൊച്ചുവേളിയിൽ എത്തിച്ചേരുന്നു. കൊച്ചുവേളിയിൽ നിന്നു വ്യാഴം, ശനി ദിവസങ്ങളിൽ രാത്രി 9:25-നു മടക്കയാത്ര ആരംഭിക്കുന്ന അന്ത്യോദയ എക്സ്പ്രസ് (16355) പിറ്റേ ദിവസം രാവിലെ 9:15-നു മംഗളൂരു ജംഗ്ഷനിൽ എത്തുന്നു.

സ്റ്റോപ്പുകൾ[തിരുത്തുക]

നിലവിൽ ജില്ലാ ആസ്ഥാനങ്ങളിൽ മാത്രമാണ് അന്ത്യോദയ എക്സ്പ്രസ് തീവണ്ടിക്കു സ്റ്റോപ്പുകൾ അനുവദിച്ചിരിക്കുന്നത്.

സൗകര്യങ്ങൾ[തിരുത്തുക]

കൊച്ചുവേളി - അന്ത്യോദയ എക്സ്പ്രസ്സ് തീവണ്ടിയിൽ പൂർണ്ണമായും എൽ.എച്ച്.ബി. കോച്ചുകളാണ് ഉപയോഗിച്ചിരിക്കുന്നത്. ദീൻദയാലു കോച്ചുകളിലേത് പോലെ അലൂമിനിയം കോമ്പോസിറ്റ് പാനലുകൾ ഉപയോഗിച്ചാണ് അന്ത്യോദയ എക്‌സ്പ്രസ്സിന്റെ കോച്ചുകളുടെ ഉൾവശം രൂപകൽപ്പന ചെയ്തിരിക്കുന്നത്. റെയിൽവേ സ്റ്റേഷനുകളുടെയും മറ്റും വിവരങ്ങൾ ലഭ്യമാക്കുന്ന എൽ.ഇ.ഡി. സ്ക്രീൻ സംവിധാനം ഈ തീവണ്ടിയിൽ ഉൾക്കൊള്ളിച്ചിട്ടുണ്ട്. കുഷ്യൻ സീറ്റുകൾ, കുടിവെള്ളം വിതരണം ചെയ്യാനുള്ള യന്ത്രങ്ങൾ, ജൈവ ശുചിമുറികൾ, സി.സി.ടി.വി. ക്യാമറ നിരീക്ഷണ സംവിധാനം, മോഷണം തടയാനുള്ള സംവിധാനം, അഗ്നിശമനോപകരണങ്ങൾ, മൊബൈൽ ഫോൺ ചാർജിംഗ് പോയിന്റുകൾ എന്നിവയും ഈ തീവണ്ടിയിൽ ലഭ്യമാണ്. അത്യാധുനിക സൗകര്യങ്ങളുള്ള ഈ തീവണ്ടിയിൽ മുൻകൂർ റിസർവേഷനില്ലാത്ത ജനറൽ കോച്ചുകൾ മാത്രമാണുള്ളത്.