ഉണ്ണി മുകുന്ദൻ

ഇംഗ്ലീഷ് വിലാസം

https://ml.wikipedia.org/wiki/Unni_Mukundan

ഉണ്ണി മുകുന്ദൻ
ജനനം	(1987-09-22) സെപ്റ്റംബർ 22, 1987
മറ്റ് പേരുകൾ	ജയകൃഷ്ണൻ, കൃഷ്ണ, ഉണ്ണിക്കുട്ടൻ
തൊഴിൽ	ചലച്ചിത്രനടൻ
സജീവ കാലം	2011–

മലയാള ചലച്ചിത്ര അഭിനേതാവും ഗായകനുമാണ് ഉണ്ണികൃഷ്ണൻ മുകുന്ദൻ എന്നറിയപ്പെടുന്ന ഉണ്ണി മുകുന്ദൻ (ജനനം: 22 സെപ്റ്റംബർ 1987) 2011-ൽ റിലീസായ ബോംബെ മാർച്ച് 12 എന്ന സിനിമയിലൂടെ മലയാള സിനിമയിൽ സജീവമായി.

ജീവിതരേഖ

1987 സെപ്റ്റംബർ 22ന് മുകുന്ദൻ നായരുടെയും റോജി മുകുന്ദന്റെയും മകനായി തൃശൂരിൽ ജനിച്ചു. ഉണ്ണികൃഷ്ണൻ മുകുന്ദൻ എന്നതാണ് ശരിയായ പേര്. കാർത്തിക മുതിർന്ന സഹോദരിയാണ്. പിതാവിന് ജോലി ഗുജറാത്തിലെ അഹമ്മദാബാദിൽ ആയതിനാൽ പഠിച്ചും വളർന്നതുമല്ലാം ഗുജറാത്തിലായിരുന്നു.

2002-ലെ മലയാളം സിനിമയായ നന്ദനത്തിൻ്റെ തമിഴ് റീമേക്കായ സീദൻ എന്ന ചിത്രത്തിലൂടെയാണ് ഉണ്ണി മുകുന്ദൻ്റെ സിനിമാ പ്രവേശനം. 2011-ൽ റിലീസായ ബോംബേ മാർച്ച് 12 എന്ന സിനിമയിലൂടെ മലയാളത്തിൽ അരങ്ങേറ്റം കുറിച്ചു. ഈ ചിത്രത്തിലെ അഭിനയത്തിന് നിരവധി അവാർഡുകൾ ലഭിച്ചു.

തുടർന്ന് ബാങ്കോക്ക് സമ്മർ, തത്സമയം ഒരു പെൺകുട്ടി എന്നീ ചിത്രങ്ങളിൽ അഭിനയിച്ച ഉണ്ണി മുകുന്ദൻ 2012-ൽ റിലീസായ മല്ലൂസിംഗ് എന്ന സിനിമയിൽ നായകനായി. മല്ലൂസിംഗിൻ്റെ വലിയ വിജയം ഒരു പിടി സിനിമകളിൽ നായക വേഷം ചെയ്യാൻ ഉണ്ണി മുകുന്ദന് അവസരമൊരുക്കി.

2014-ൽ ലാൽ ജോസ് സംവിധാനം ചെയ്ത വിക്രമാദിത്യൻ എന്ന സിനിമയിൽ ദുൽക്കറിനൊപ്പം നായകനായി വേഷമിട്ടു. വിക്രമാദിത്യൻ സിനിമ വിജയിച്ചതിനെ തുടർന്ന് ഉണ്ണിയുടെ അഭിനയം നിരൂപക പ്രശംസ നേടി.

2017-ൽ റിലീസായ മാസ്റ്റർ പീസ് സിനിമ വിജയിച്ചില്ലെങ്കിലും അതിലെ വില്ലൻ വേഷമായ എ.സി.പി. ജോൺ തെക്കൻ ഐ.പി.എസ് ശ്രദ്ധിക്കപ്പെട്ടു. ആ വർഷം തന്നെ ക്ലിൻറ് എന്ന സിനിമയിൽ ക്ലിൻറിൻ്റെ അച്ഛൻ വേഷമാണ് ഉണ്ണി മുകുന്ദൻ ചെയ്തത്. ഈ കഥാപാത്രത്തിന് മികച്ച നടനുള്ള രാമു കാര്യാട്ട് അവാർഡ് ലഭിച്ചു.

തെലുങ്കു സിനിമയിലേക്കുള്ള അരങ്ങേറ്റം ജനതാ ഗാര്യേജ് എന്ന ചിത്രത്തിലെ വില്ലൻ വേഷം ചെയ്തു കൊണ്ടായിരുന്നു. 2018-ൽ റിലീസായ ഭാഗ്മതി എന്ന സിനിമയിൽ അനുഷ്ക ഷെട്ടിയുടെ നായകനായും അഭിനയിച്ചു.

ഗാനരചന

• അനുരാഗം പുതുമഴ... (അച്ചായൻസ് 2017)

ആലപിച്ച ഗാനങ്ങൾ

• അനുരാഗം പുതുമഴ... (അച്ചായൻസ് 2017)

• ഏതോ വഴിത്താരയിൽ... (ചാണക്യതന്ത്രം 2018)

• ചാരത്ത് നീ...(കുട്ടനാടൻ ബ്ലോഗ് 2018)

അഭിനയിച്ച ചിത്രങ്ങൾ

നമ്പർ	വർഷം	ചിത്രം	സംവിധായകൻ	കഥാപാത്രം	ഭാഷ	കുറിപ്പ്
1	2011	സീഡൻ	സുബ്രഹ്മണ്യം ശിവ	മനോ രാമലിംഗം	തമിഴ്
2		ബോംബെ മാർച്ച് 12	ബാബു ജനാർദ്ദനൻ	ഷാജഹാൻ	മലയാളം
3		ബാങ്കോക് സമ്മർ	പ്രമോദ് പപ്പൻ	മാധവൻ	മലയാളം
4	2012	തൽസമയം ഒരു പെൺകുട്ടി	ടി.കെ. രാജീവ് കുമാർ	സൂര്യ	മലയാളം
5		മല്ലൂസിംഗ്	വൈശാഖ്	ഹർവിന്ദർ സിംഗ്	മലയാളം
6		തീവ്രം	രൂപേഷ് പീതാംബരൻ	അതിഥിതാരം	മലയാളം	അതിഥി താരം
7		ഏഴാം സൂര്യൻ	ജ്ഞാനശീലൻ	ചിത്രഭാനു	മലയാളം
8		ഐ ലൗ മി	ബി. ഉണ്ണികൃഷ്ണൻ	സാവി	മലയാളം
10	2013	ഇത് പാതിരാമണൽ	എം. പത്മകുമാർ	എൽദോ	മലയാളം
11		ഒറീസ	എം. പത്മകുമാർ	ക്രിസ്തുരാജ്	മലയാളം
12		ഡി കമ്പനി	ദീപൻ	ശരത്	മലയാളം
13	2014	ദി ലാസ്‌റ് സപ്പർ	വിനിൽ	ആൽബി	മലയാളം
14		വിക്രമാദിത്യൻ	ലാൽ ജോസ്	വിക്രമൻ ഷേണായ്	മലയാളം
15		രാജാധിരാജ	അജയ് വാസുദേവ്	അതിഥി താരം	മലയാളം	അതിഥി താരം
16	2015	ഫയർമാൻ	ദീപു കരുണാകരൻ	ഷാജഹാൻ	മലയാളം
17		സാമ്രാജ്യം 2	പേരരശ്	ജോർദാൻ	മലയാളം
18		ഒരു വടക്കൻ സെൽഫി	പ്രജിത്	ഹരിനാരായൺ	മലയാളം	Photo Presence
19		KL 10 പത്ത്‌	മുഹ്സിൻ പരാരി	അഹമ്മദ്	മലയാളം
20	2016	സ്റ്റൈൽ	ബിനു. എസ്	ടോം	മലയാളം
21		കാറ്റും മഴയും	ഹരി കുമാർ	ജയനാരായണൻ	മലയാളം
22		ഒരു മുറൈ വന്ത് പാത്തയാ	സാജൻ കെ മാത്യു	പ്രകാശൻ	മലയാളം
23		ജനത ഗാരേജ്	കൊരടാല സിവ	രാഘവ സത്യം	തെലുഗ്
24	2017	അച്ചായൻസ്	കണ്ണൻ താമരക്കുളം	ടോണി വക്കച്ചൻ	മലയാളം
25		അവരുടെ രാവുകൾ	ഷനിൽ മുഹമ്മദ്	സിദ്ധാർഥ്	മലയാളം
26		ക്ലിന്റ്	ഹരികുമാർ	ജോസഫ്	മലയാളം
27		തരംഗം	ഡൊമനിക് അരുൺ	രഘു	മലയാളം	അതിഥി താരം
28		മാസ്റ്റർപീസ് (ചലച്ചിത്രം)	അജയ് വാസുദേവ്	ജോൺ തെക്കൻ ഐ.പി.എസ്	മലയാളം
29	2018	ബാഗ്മതി	ജി. അശോക്	ശക്തി	തെലുഗു
30		ഇര	രാജീവ്	രാജീവ്	മലയാളം
31		ചാണക്യ തന്ത്രം	കണ്ണൻ താമരക്കുളം	അർജുൻ റാം മോഹൻ	മലയാളം
32	2019	മിഖായേൽ (ചലച്ചിത്രം)	ഹനീഫ് അദേനി	മാർക്കോ ജൂനിയർ	മലയാളം
33		മാമാങ്കം	എം. പത്മകുമാർ		മലയാളം

പുറം കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് ഉണ്ണി മുകുന്ദൻ
• http://www.nowrunning.com/news/malayalam/unni-mukundan-in-mallu-singh/45389/story.htm Archived 2011-12-17 at the Wayback Machine.