ആകാശനൗക
വിക്കിപീഡിയ, ഒരു സ്വതന്ത്ര വിജ്ഞാനകോശം.
വായുവിലൂടെയോ അല്ലെങ്കില് മറ്റേതെങ്കിലും അന്തരീക്ഷത്തിലൂടെയോ സഞ്ചരിക്കാന് കഴിവുള്ള വാഹനങ്ങളെയാണ് ആകാശനൗക അഥവാ എയര്ക്രാഫ്റ്റ് എന്നതു കൊണ്ടുദ്ദേശിക്കുന്നത്.ആകാശനൗകകളുമായി ബന്ധപ്പെട്ട എല്ലാ പ്രവര്ത്തനങ്ങളേയും സൂചിപ്പിക്കാന് വ്യോമയാനം എന്ന പദമുപയോഗിക്കുന്നു.(റോക്കറ്റുകളെ ആകാശനൗകകളായി കണക്കാക്കുന്നില്ല.സഞ്ചരിക്കാന് ഇവ വായുവിനെ ആശ്രയിക്കുന്നില്ല എന്നതാണ് കാരണം)
ഉള്ളടക്കം |
[തിരുത്തുക] ചരിത്രം
[തിരുത്തുക] വിവിധ ആകാശനൗകകള്
ആകാശനൗകകളെ രണ്ടു തരത്തില് വര്ഗ്ഗീകരിക്കാം.വായുവിനേക്കാള് ഭാരം കുറഞ്ഞവ അഥവാ എയ്റോസ്റ്റാറ്റുകള്, വായുവിനേക്കാള് ഭാരം കൂടിയവ അഥവാ എയ്റോഡൈനുകള് എന്നിങ്ങനെ.
[തിരുത്തുക] വായുവിനേക്കാള് ഭാരം കുറഞ്ഞവ
കപ്പലുകള് ജലത്തിലെന്നതു പോലെ ഏയ്റോസ്റ്റാറ്റുകള് പ്ലവന ശക്തി ഉപയോഗിച്ചാണ് വായുവില് ഒഴുകി നടക്കുന്നത്. ഹീലിയം, ഹൈഡ്രജന്, ചൂടുള്ള വായു തുടങ്ങി സാന്ദ്രത കുറഞ്ഞ വാതകങ്ങള് ഉപയോഗിച്ച് ഇത്തരം വാഹങ്ങള് അന്തരീക്ഷവായുവിനെ ആദേശം ചെയ്യുന്നു.എയ്റോസ്റ്റാറ്റുകളുടെ പ്രത്യേകതയായ വലിയ വാതകസഞ്ചികളിലാണ് ഈ വാതകങ്ങള് ശേഖരിച്ചു വെക്കുന്നത്.
ബലൂണുകള് എന്നും ആകാശക്കപ്പല് എന്നും എയ്റോസ്റ്റാറ്റുകളെ രണ്ടായി തരംതിരിക്കാം.
[തിരുത്തുക] വായുവിനേക്കാള് ഭാരം കൂടിയവ
നിശ്ചല ചിറകുകളുള്ളവയായ വിമാനങ്ങള്,ഗ്ലൈഡറുകള്, ചലിക്കുന്ന ചിറകുകളുള്ള റോട്ടര്ക്രാഫ്റ്റുകള് (ഹെലികോപ്റ്റര് പോലുള്ളവ), എന്നിവയാണ് വായുവിനേക്കാള് ഭാരം കൂടിയ വിമാനങ്ങള് ആയി എന്നറിയപ്പെടുന്നത്.
ഇത്തരം വാഹങ്ങള് അവയുടെ സഞ്ചാര ദിശക്ക് എതിരെ വരുന്ന വായുവിനെ വിവിധ മാര്ഗങ്ങളുപയോഗിച്ച് താഴേക്ക് തള്ളുന്നു.ന്യൂട്ടന്റ്റെ മൂന്നാം ചലന നിയമം അനുസരിച്ച് ഈ പ്രവര്ത്തനത്തിന്റ്റെ പ്രതിപ്രവര്ത്തനമായാണ് ലിഫ്റ്റ് അഥവാ ഉയര്ത്തല് ബലം ഉണ്ടാവുന്നത്.വായുവിലൂടെയുള്ള ചലനത്തിലൂടെ(dynamic movement) ലിഫ്റ്റ് ഉണ്ടാക്കുന്നതുകൊണ്ട് വായുവിനേക്കാള് ഭാരം കൂടിയ ആകാശനൗകകളെ എയ്റോഡൈനുകള് എന്നു വിളിക്കുന്നത്.
വായുഗതികപരമായും, യാന്ത്രികോര്ജ്ജം ഉപയോഗിച്ചും (അതായത് എന്ജിനില് ഉപയോഗിച്ച്) രണ്ടു തരത്തില് ലിഫ്റ്റ് ഉദ്പാദിപ്പിക്കുന്നു.എയ്റോഡൈനാമിക് ലിഫ്റ്റ് എന്നും പവേര്ഡ് ലിഫ്റ്റ് എന്നും യഥാക്രമം ഇവ അറിയപ്പെടുന്നു.
വിമാനങ്ങളില് എയ്റോഡൈനാമിക് ലിഫ്റ്റ് ഉണ്ടാക്കുന്നത് ചിറകുകള് ഉപയോഗിച്ചാണ്.ചിറകുപോലുള്ള ബ്ലേഡുകള് തിരിച്ച് റോട്ടര്ക്രാഫ്റ്റുകള് ലിഫ്റ്റ് ഉദ്പാദിപ്പിക്കുന്നു. എന്ജിനുകള് ഉപയോഗിച്ച് വായു താഴേക്ക് ശക്തമായി തള്ളിയാണ് 'പവേര്ഡ് ലിഫ്റ്റ്' സാധ്യമാകുന്നത്.
[തിരുത്തുക] വിമാനം
നിശ്ചലമായ ചിറകുകളുള്ള ആകാശനൗകകളാണ് വിമാനങ്ങള്. വിമാനങ്ങള് പൊതുവേ ചാലക ശക്തിയിലൂടെ പ്രവര്ത്തിക്കുന്ന രോധനിയുടെയോ(പ്രൊപ്പല്ലര്) ലംബമായ അക്ഷത്തിനു ചുറ്റും ദ്രവത്താലോ വാതകത്താലോ ചുഴറ്റപ്പെടുന്ന ഒരു ചക്രത്തിന്റെയോ (ജെറ്റ് അഥവാ ടര്ബോപ്രൊപ്) രൂപത്തിലുള്ള ആന്തര ദഹന യന്ത്രം ആണ് വായുവിലൂടെ കുതിക്കുന്നതിനുള്ള ശക്തിക്കായി ഉപയോഗിക്കുന്നത്.
[തിരുത്തുക] റോട്ടര്ക്രാഫ്റ്റ്
റോട്ടര് എന്ന സംവിധാനം ഉപയോഗിച്ച് തുടര്ച്ചയായി തിരിഞ്ഞു കൊണ്ടിരിക്കുന്ന ചിറകുകള് ഉള്ള ആകാശനൗകകളാണ് റോട്ടര്ക്രാഫ്റ്റ്.
[തിരുത്തുക] വര്ഗ്ഗീകരണം
ഉപയോഗത്തെ അടിസ്ഥാനപ്പെടുത്തി ആകാശനൗകകളെ സൈനികാവശ്യങ്ങള്ക്കുള്ളവ, വാണിജ്യാവശ്യത്തിനുള്ളവ, ഗവേഷണാവശ്യങ്ങള്ക്കുള്ളവ എന്നിങ്ങനെ തരം തിരിക്കാം.
സൈനിക വിമാനങ്ങള് അഥവാ പോര് വിമാനങ്ങള് സൈനികമായ ആവശ്യങ്ങള്ക്കു മാത്രം ഉപയോഗിക്കപ്പെടുന്നവ. എന്നിരുന്നാലും അത്യാവശ്യ വേളകളില് സൈനികേതര ആവശ്യങ്ങള്ക്കും ഉപ്യോഗിക്കാറുണ്ട്. ഇവയെ വീണ്ടും അവയുടെ ഉപയോഗത്തിനനുസരിച്ച് തരം തീരിക്കാവുന്നതാണ്.
- ബോംബര്
- ആക്രമണ വിമാനങ്ങള്
- നിരീക്ഷണ വിമാനങ്ങള്
- ഭാരോദ്വാഹക വിമാനങ്ങള്
- ഇന്ഡന വാഹക വിമാനങ്ങള്
- വൈമാനികലില്ലാത്ത വിമാനങ്ങള്
- പ്രത്യേക ഉപയോകത്തിനുള്ളവ
- ഹെലിക്കോപ്റ്റര് മുതലായവ
വ്യവസായിക വിമാനങ്ങള്
- യാത്രാവിമാനങ്ങള്
- ചരക്കു വിമാനങ്ങള്
- പര്യടന വിമാനങ്ങള്
- കാര്ഷിക ഉപയോഗ്യ വിമാനങ്ങള്
- കടല് വിമാനങ്ങള്, പറക്കും ബോട്ടുകള്, മുങ്ങും വിമാനങ്ങള്
- ഹെലിക്കോപ്റ്ററുകള്
|
ഓര്ണിതോപ്റ്റര് • ബലൂണ് • ആകാശക്കപ്പല് • വിമാനം • റോട്ടര്ക്രാഫ്റ്റ് • ഗ്ലൈഡര് പോര്വിമാനം • യാത്രാവിമാനം •ചരക്ക്വിമാനം • നിരീക്ഷണ വിമാനം • എയര്ബസ് • ബോയിങ് • ലോക്ക്ഹീഡ് • ഡസ്സാള്ട്ട് • മിഖായോന് • എംബ്രേയര് • നാസ • സെസ്ന എച്ച്. എ. എല് • ഡി.ആര്.ഡി.ഒ • എ.ഡി.എ • എന്.എ.എല് • ഇന്ഡസ് |
 |
വിമാനവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു പൂര്ത്തിയാക്കാന് സഹായിക്കുക. |
