ഫിലിപ്പീൻ സ്വതന്ത്രസഭ
 ഫിലിപ്പീൻ സ്വതന്ത്രസഭയുടെ മുദ്ര: വേദപുസ്തകം, ദാനധർമ്മം, അറിവ്, സ്വാതന്ത്ര്യം | |
| Primate | ഏറ്റവും ആദരണീയനായ എഫ്രായിം ഫഹുത്താഞ്ഞ വൈ സെർവാനെസ്, ഡി.ഡി., ഒബിസ്പോ മാക്സിമോ XII |
|---|---|
| Headquarters | നാഷണൽ കത്തീഡ്രൽ ഓഫ് ദി ഹോളി ചൈൽഡ്, 1500 തഫ്ത് അവെന്യൂ, എർമിറ്റ, മനില, ഫിലിപ്പീൻസ് |
| Territory | ഫിലിപ്പീൻസ്, വടക്കേ അമേരിക്ക, യൂറോപ്പ്, മദ്ധ്യപൂർവ്വേഷ്യ, വടക്കുകിഴക്കനേഷ്യ |
| Members | 6,000,000 (ഉദ്ദേശം) |
| Website | www |
| Anglicanism Portal | |
ഫിലിപ്പീൻസിലെ കത്തോലിക്കാ പാരമ്പര്യത്തിൽ പെട്ട ഒരു ദേശീയ ക്രിസ്തുമത വിഭാഗമാണ് ഫിലിപ്പീൻ സ്വതന്ത്രസഭ (ഇഗ്ലീസിയ പിലിപ്പിനാ ഇൻഡിപ്പെൻഡിന്റേ). ഇരുപതാം നൂറ്റാണ്ടിന്റെ തുടക്കത്തിൽ റോമൻ കത്തോലിക്കാസഭയിൽ നിന്നു വേർപിരിഞ്ഞുണ്ടായ സഭയാണിത്. 1902-ൽ ആ വേർപിരിയലിനു മുൻകൈയ്യെടുത്തത്, ഫിലിപ്പീൻസിലെ ആദ്യത്തെ തൊഴിലാളി യൂണിയൻ സഖ്യമായ ഫിലിപ്പീൻ ജനാധിപത്യ തൊഴിലാളി സഖ്യത്തിലെ അംഗങ്ങളാണ്. വ്യതിരിക്തസഭയുടെ സ്ഥാപനത്തിനു നേതൃത്വം കൊടുത്ത ഇസബെലോ ഡി ലോസ് റെയെസിന്റെ നിർദ്ദേശത്തിൽ, ഗ്രിഗോറിയോ ആഗ്ലിപ്പേയ് എന്ന പുരോഹിതൻ [1][2] ഈ സഭയുടെ ആദ്യത്തെ തലവനും പരമോന്നത വൈദികമേലദ്ധ്യക്ഷനും ആയി. ആഗ്ലിപ്പേയ്-യുടെ പേരു പിന്തുടർന്ന് ഈ സഭ ആഗ്ലിപ്പേയൻ സഭ എന്ന പേരിലും അറിയപ്പെടുന്നു.
മൂന്നു നൂറ്റാണ്ടിലേറെ ദീർഘിച്ച സ്പാനിഷ് ആധിപത്യയുഗത്തിൽ, ഫിലിപ്പീൻസിലെ ദേശീയ സഭയിലെ വൈദേശികനേതൃത്വത്തിന്റെ സമ്പദ്ബന്ധങ്ങൾക്കും ചൂഷണത്തിനും അഴിമതിക്കും പൗരോഹിത്യത്തിന്റെ അധഃപതനത്തിനും എതിരെ വളർന്നുവന്ന പ്രതിക്ഷേധമാണ് സ്പാനിഷ് അധിനിവേശത്തിന്റെ അന്ത്യത്തിൽ മാതൃസഭയിൽ നിന്നുള്ള ഈ വിഭാഗത്തിന്റെ വേർപിരിയലിൽ കലാശിച്ചത്. മാർപ്പാപ്പായുടെ പരമാധികാരത്തിന്റേയും വൈദികബ്രഹ്മചര്യത്തിന്റെയും തിരസ്കാരം ഒഴിച്ചാൽ മറ്റു മിക്കവാറും കാര്യങ്ങളിൽ റോമൻ കത്തോലിക്കാ വിശ്വാസങ്ങൾ തന്നെയാണ് ഈ സഭ പിന്തുടരുന്നത്.
ഫിലിപ്പീൻസിലെ ഒരു പ്രമുഖമതവിഭാഗമായ ഈ സഭയിലെ അംഗങ്ങൾ ജനസംഖ്യയുടെ 2.6% ശതമാനം വരുമെന്നു കണക്കാക്കപ്പെട്ടിരിക്കുന്നു. 1960 മുതൽ ഈ സഭ അമേരിക്കയിലെ എപ്പിസ്കോപ്പൽ സഭയുമായും അതുവഴി മുഴുവൻ ആംഗ്ലിക്കൻ സമൂഹവുമായും കൂട്ടായ്മയിലാണ്.
ഇതും കാണുക
[തിരുത്തുക]അവലംബം
[തിരുത്തുക]- ↑ Achutegui, Pedro S. de & Bernad, Miguel A. (1971) "The Religious Coup d'Etat 1898–1901: a documentary history", in Religious Revolution in the Philippines, Volume III. Manila: University Press (cited in Larkin, John A. "Review 74-- No Title", The Journal of Asian Studies, Nov 1972; 32,1. at Proquest (subscription)
- ↑ "History". Archived from the original on 2014-03-19. Retrieved 2012-07-29.