ഗ്രേയം ഗ്രീൻ

ഇംഗ്ലീഷ് വിലാസം

https://ml.wikipedia.org/wiki/Graham_Greene

ഹെന്രി ഗ്രഹാം ഗ്രീന്‍, ഒ.എം., സി.എച്. (ഒക്ടോബര്‍ 2, 1904 – ഏപ്രില്‍ 3, 1991) ഒരു പ്രശസ്തനായ ഇംഗ്ലീഷ് നാടകകൃത്തും, നോവലിസ്റ്റും, ചെറുകഥാകൃത്തും, യാത്രാവിവരണ എഴുത്തുകാരനും നിരൂപകനുമായിരുന്നു. അദ്ദേഹത്തിന്റെ കൃതികള്‍ ആധുനികലോകത്തിന്റെ കയ്യാലപ്പുറത്തുള്ള സന്മാര്‍ഗ്ഗ (മോറല്‍), രാഷ്ട്രീയ വിഷയങ്ങള്‍ കൈകാര്യം ചെയ്യുന്നു. നിരൂ‍പക പ്രശംസയും ജനപ്രിയതയും ഗ്രീന്‍ ഒരേ സമയം പിടിച്ചുപറ്റി. ഒരു കാത്തലിക്ക് നോവലിസ്റ്റ് എന്ന വിശേഷണത്തെ ഗ്രീന്‍ ശക്തമായി ചെറുത്തു, “കത്തോലിക്കന്‍ ആയിപ്പോയ ഒരു നോവലിസ്റ്റ്” എന്ന് വിശേഷിപ്പിക്കപ്പെടാന്‍ ആണ് അദ്ദേഹം ഇഷ്ടപ്പെട്ടത്, എങ്കിലും റോമന്‍ കത്തോലിക്ക മതപരമായ വിഷയങ്ങള്‍ അദ്ദേഹത്തിന്റെ പല നോവലുകളുടെയും കേന്ദ്ര വിഷയങ്ങളാണ്. ഉദാഹരണത്തിന് ബ്രൈട്ടണ്‍ റോക്ക്, ദ് ഹാര്‍ട്ട് ഓഫ് ദ് മാറ്റര്‍, ദ് എന്‍ഡ് ഓഫ് ദ് അഫയര്‍, മോണ്‍സിഞ്ഞോര്‍ ക്വിക്സോട്ട്, എ ബര്‍ണ്‍ ഔട്ട് കേസ്, അദ്ദേഹത്തിന്റെ പ്രശസ്ത കൃതിയായ ദ് പവര്‍ ആന്റ് ദ് ഗ്ലോറി. ദ് ക്വയറ്റ് അമേരിക്കന്‍ തുടങ്ങിയ കൃതികള്‍ അദ്ദേഹത്തിന്റെ അന്താരാഷ്ട്ര രാഷ്ട്രീയത്തിലുള്ള ബദ്ധശ്രദ്ധ കാണിക്കുന്നു.

പ്രധാന കൃതികള്‍

• ദ് പവര്‍ ആന്റ് ഗ്ലോറി (1940)
• ദ് ഹാര്‍ട്ട് ഓഫ് ദ് മാറ്റര്‍ (1948)
• ദ് തേര്‍ഡ് മാന്‍ (1949) (നാടകത്തിന് അടിസ്ഥാനമായി എഴുതിയ നോവെല്ല)
• ദ് എന്റ് ഓഫ് ദ് അഫയര്‍ (1951)
• വേയ്സ് ഓഫ് എസ്കേപ്പ് (1980) (ആത്മകഥ)

ഫലകം:Enstub