സൂചിയും നൂലും
(Soochiyum nulum എന്ന താളിൽ നിന്നും തിരിച്ചുവിട്ടതു പ്രകാരം)
മലയാള സിനിമയിലെ ഹാസ്യ താരമായ ഇന്ദ്രൻസിന്റെ ഓർമ്മക്കുറിപ്പുകളടങ്ങിയ പുസ്തകമാണ് 'സൂചിയും നൂലും'. ഒരു സാധാരണ തയ്യൽക്കാരനിൽ നിന്ന് അറിയപ്പെടുന്ന ചലച്ചിത്രനടനായി മാറിയ കഥ പറയുന്നതോടൊപ്പം ഒരു കാലഘട്ടത്തിന്റെ ചരിത്രംകൂടി ഓർത്തെടുക്കുന്നതാണ് ഈ പുസ്തകത്തിലെ ഉള്ളടക്കം. സ്വന്തം ശരീരത്തെക്കുറിച്ച് അപകർഷതാബോധമുള്ള, അമ്മയുടെ കണ്ണീരിലും അച്ഛന്റെ മൗനത്തിലും ചങ്കുപിടഞ്ഞിരുന്ന, ദാരിദ്ര്യം പന്ത്രണ്ടാം വയസ്സിൽ തയ്യൽക്കാരനാക്കിയ സുരേന്ദ്രനെയാണ് പുസ്തകത്തിൽ നമുക്ക്കാണാൻ കഴിയന്നത്. ഈ പുസ്തകത്തിൽ തന്റെ ഉയർച്ചയ്ക്ക് കാരണക്കാരായ ഓരോരുത്തരെയും ഇന്ദ്രൻസ് ഓർത്തെടുക്കുന്നു.[1]
ഷംസുദ്ദീൻ കുട്ടോത്ത് ആണ് ഈ പുസ്തക രചനയ്ക്ക് ഇന്ദ്രൻസിനെ സഹായിച്ചത്. ഡി.സി ബുക്സ് പ്രസിദ്ധീകരിച്ച, 95 രൂപ വിലയുള്ള പുസ്തകത്തിന്റെ ആദ്യ പതിപ്പ് 2016 ഒക്ടോബർ മാസംപുറത്തിറങ്ങി.