കെ. കൃഷ്ണസ്വാമി റാവു
കാഞ്ചി കൃഷ്ണസ്വാമി റാവു | |
|---|---|
 കൃഷ്ണസ്വാമി റാവുവിന്റെ ചിത്രം | |
| തിരുവിതാംകൂർ ദിവാൻ | |
| ഓഫീസിൽ 1898–1904 | |
| Monarch | മൂലം തിരുനാൾ |
| മുൻഗാമി | എസ്. ശങ്കറസൂബ്ബയ്യർ |
| പിൻഗാമി | വി.പി. മാധവറാവു |
| വ്യക്തിഗത വിവരങ്ങൾ | |
| ജനനം | 1845 |
| മരണം | 1923 |
| ജോലി | സിവിൽ സർവന്റ്, ഭരണകർത്താവ് |
| തൊഴിൽ | പൊതുപ്രവർത്തകൻ |
ഇൻഡ്യൻ സിവിൽ സർവന്റ്, ന്യായാധിപൻ, ഭരണകർത്താവ് എന്നീ രംഗങ്ങളിൽ പ്രവർ‌ത്തിച്ചിട്ടുള്ള ദിവാൻ ബഹാദൂർ കാഞ്ചി കൃഷ്ണസ്വാമി റാവു സി.ഐ.ഇ. (1845–1923) 1898 മുതൽ 1904 വരെ തിരുവിതാംകൂറിന്റെ ദിവാനായിരുന്നു.
ആദ്യകാലജീവിതവും വിദ്യാഭ്യാസവും
[തിരുത്തുക]1845 സെപ്റ്റംബറിൽ സേലത്താണ് ഇദ്ദേഹം ജനിച്ചത്. ഇദ്ദേഹത്തിന്റെ അച്ഛൻ കാഞ്ചി വെങ്കട്ട റാവു ജില്ലാ കളക്ടറേറ്റിലെ ഹുസൂർ ശിരസ്തദാറായിരുന്നു. 16-ആം വയസ്സിൽ മട്രിക്കുലേഷൻ പൂർത്തിയായതോടെ ഇദ്ദേഹം സർക്കാർ സർവ്വിസിൽ പ്രവേശിച്ചു.
ഔദ്യോഗിക ജീവിതം
[തിരുത്തുക]നെല്ലൂർ ജില്ലാ കോടതിയിലെ രേഖകളുടെ സൂക്ഷിപ്പുകാരനായി 1864 ഒക്റ്റോബറിലാണ് ഇദ്ദേഹം ജോലിയിൽ പ്രവേശിച്ചത്. 20 രൂപയായിരുന്നു ശമ്പളം. 1867-ൽ ഇദ്ദേഹത്തിന് ശിരസ്തദാറായി ജോലിക്കയറ്റം ലഭിച്ചു. 1870 ജൂലൈ മാസത്തിൽ ഇദ്ദേഹം ജില്ലാ മുനിസിഫായി. 1883-ൽ കോകനാടയിലെ സബ് ജഡ്ജായി ഇദ്ദേഹം നിയമിതനായി. 1894 മേയ് മാസത്തിൽ ഇദ്ദേഹത്തെ മഹാരാജാവ് തിരുവിതാംകൂറിലെ ചീഫ് ജസ്റ്റിസായി നിയമിച്ചു. 1898-ൽ ദിവാനായി നിയമിക്കപ്പെടും വരെ ഇദ്ദേഹം ചീഫ് ജസ്റ്റിസായി തുടർന്നു.
മരണം
[തിരുത്തുക]1923-ലാണ് കൃഷ്ണസ്വാമി റാവു മരിച്ചത്.[1]
കുറിപ്പുകൾ
[തിരുത്തുക]- ↑ The Indian review, Volume 24. G. A. Natesan. 1923.
അവലംബം
[തിരുത്തുക]- വി. നാഗം അയ്യ. ട്രാവൻകൂർ സ്റ്റേറ്റ് മാനുവൽ, വോളിയം I. pp. 642–643.