കെ.പി. കോസലരാമദാസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(K.P. Kosala ramadas എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
കെ.പി. കോസലരാമദാസ്

മൂന്നാം കേരള നിയമ സഭയിലെ സാമാജികനും തിരുവനന്തപുരം മുൻ മേയറുമായിരുന്നു കെ.പി. കോസലരാമദാസ് (26 നവംബർ 1928 - 3 ജൂൺ 2013). നക്സൽ പ്രസ്ഥാനത്തോട് ആഭിമുഖ്യം പുലർത്തി നിയമസഭാംഗത്വം രാജിവച്ചു.

ജീവിതരേഖ[തിരുത്തുക]

കെ.പി. ദാസിന്റെ മകനായി തിരുവനന്തപുരത്ത് ജനിച്ചു. നിയമ ബിരുദധാരിയാണ്.[1] അവിഭക്ത കമ്യൂണിസ്റ്റ് പാർടിയുടെ ആദ്യകാലപ്രവർത്തകനായ കോസല രാമദാസ് സിപിഐ എം രൂപീകരണത്തോടെ അതിന്റെ സജീവ പ്രവർത്തകനായി. 1952 മുതൽ പതിനാറ് വർഷത്തോളം തിരുവനന്തപുരം കോർപറേഷൻ കൗൺസിലറായിരുന്നു. 1967 ൽ മേയറായി.[2] സി.പി.ഐ.എം സ്ഥാനാർത്ഥിയായി 1967 ൽ ആറ്റിങ്ങലിൽ നിന്ന് വക്കം പുരുഷോത്തമനെ പരാജയപ്പെടുത്തി എം.എൽ.എ ആയി തെരഞ്ഞെടുക്കപ്പെട്ടു. പാർലമെന്ററി സംവിധാനത്തോടുള്ള വിരക്തിയിൽ 18 മാസം മാത്രം നീണ്ട നിയമസഭാംഗത്വവും സി.പി.ഐ.എം ആലുവ സംസ്ഥാന സമ്മേളനത്തോടെ പാർട്ടി അംഗത്വവും ഉപേക്ഷിച്ചു.

സി.പി.ഐ.എമ്മിൽനിന്ന് പുറത്തായതിന് ശേഷം ചാരുമജുംദാറിന്റെ ന നക്സലൈറ്റ് പ്രസ്ഥാനത്തോട് ആഭിമുഖ്യം പുലർത്തി. അടിയന്തരാവസ്ഥ കാലത്ത് അറസ്റ്റ് ചെയ്യപ്പെട്ടു. വയനാട് നടന്ന ആക്ഷനുകളിൽ വിയോജിപ്പ് പ്രകടിപ്പിച്ച് നക്സൽ ബന്ധം ഉപേക്ഷിച്ചു. പിന്നീട് ട്രേഡ് യൂണിയൻ രംഗത്തു ശ്രദ്ധ കേന്ദ്രീകരിച്ചു. ദീർഘകാലം കെ.എസ്.ആർ.ടി.സി , കെ.എസ്.ഇ.ബി എന്നിവയിലെ യൂണിയനുകളുടെ പ്രസിഡന്റായിരുന്നു. ഇന്ത്യാ - ചൈനാ സൌഹൃദ സംഘത്തിന്റെ മുഖ്യസംഘാടകനും അഖിലേന്ത്യാ പ്രസിഡന്റുമായിരുന്നു. നിരവധി തവണ ചൈന സന്ദർശിച്ചു.[3] കേരള ട്രേഡ്‌ യൂണിയൻ സെന്റർ (കെ.റ്റി.യു.സി) സ്ഥാപിച്ച് പ്രവർത്തിച്ചു.[4]

അവലംബം[തിരുത്തുക]

  1. http://www.niyamasabha.org/codes/members/m297.htm
  2. "ആർക്കൈവ് പകർപ്പ്". മൂലതാളിൽ നിന്നും 2012-02-17-ന് ആർക്കൈവ് ചെയ്തത്. ശേഖരിച്ചത് 2013-06-04.
  3. "മുൻ എംഎൽഎ കോസല രാമദാസ് അന്തരിച്ചു". ദേശാഭിമാനി. 4 ജൂൺ 2013. ശേഖരിച്ചത് 4 ജൂൺ 2013.
  4. "കെ.പി. കോസലരാമദാസ് അന്തരിച്ചു". മനോരമ. 2013 ജൂൺ 4. മൂലതാളിൽ നിന്നും 2013-06-04-ന് ആർക്കൈവ് ചെയ്തത്. ശേഖരിച്ചത് 2013 ജൂൺ 4. Check date values in: |accessdate= and |date= (help)
"https://ml.wikipedia.org/w/index.php?title=കെ.പി._കോസലരാമദാസ്&oldid=3629091" എന്ന താളിൽനിന്ന് ശേഖരിച്ചത്