ജസ്‌പാൽ ഭട്ടി

ഇംഗ്ലീഷ് വിലാസം

https://ml.wikipedia.org/wiki/Jaspal_Bhatti

ജസ്പാൽ സിങ് ഭട്ടി
ജനനം	(1955-03-03)3 മാർച്ച് 1955 അമൃത്സർ
മരണം	25 ഒക്ടോബർ 2012(2012-10-25) (പ്രായം 57)
തൊഴിൽ	നടൻ, നിർമ്മാതാവ്, സംവിധായകൻ
സജീവ കാലം	1990–2012
ജീവിതപങ്കാളി(കൾ)	സവിത ഭട്ടി (1985–2012)

പ്രശസ്ത പഞ്ചാബി കാർട്ടൂണിസ്റ്റും ഹാസ്യനടനും സംവിധായകനുമായിരുന്നു ജസ്​പാൽ ഭട്ടി(3 മാർച്ച് 1955 – 25 ഒക്ടോബർ 2012).മരണാനന്തര ബഹുമതിയായി 2013 ൽ പദ്മഭൂഷൺ ലഭിച്ചു.

ജീവിതരേഖ

1955ൽ അമൃത്സറിൽ ജനിച്ച ജസ്പാൽ ചണ്ഡീഗഢിലെ പഞ്ചാബ് എൻജിനിയറിങ് കോളേജിൽനിന്ന് ബിരുദം നേടി. സാമൂഹ്യപ്രശ്നങ്ങൾ അവതരിപ്പിച്ച് തെരുവു നാടകങ്ങളിലൂടെയാണ് സമൂഹത്തിലെ അനീതികളും അഴിമതിയും ചോദ്യംചെയ്താണ് ഭട്ടി കലാപ്രവർത്തനത്തിലെത്തുന്നത്. തുടർന്ന് ഹിന്ദി, പഞ്ചാബി സിനിമകളിൽ തിളങ്ങി. സൽമാൻഖാനോടൊപ്പം അഭിനയിച്ച "ജാനം സംഝാകരോ" എന്ന സിനിമയാണ് ജസ്പാലിനെ ജനപ്രിയനാക്കിയത്. ആമിർഖാൻ നായകനായ "ഫനാ", പഞ്ചാബി സിനിമയായ "ജിജാജി" എന്നിവയിലെ വേഷങ്ങൾ ശ്രദ്ധേയമായിരുന്നു. "മഹാവുൽ തീക്ക് ഹേ" എന്ന പഞ്ചാബി സിനിമയിലൂടെ സംവിധായകനുമായി.

ഇന്ത്യയിൽ ദൂരദർശൻ തരംഗമായി പടർന്ന 80-കളിൽ 'ഉൾട്ടാ പുൾട്ടാ', 'ഫ്ളോപ്പ്ഷോ' എന്നീ ടെലിവിഷൻപരിപാടികളിലൂടെ കുടുംബസദസ്സുകളുടെ പ്രിയങ്കരനായി മാറിയ ഭട്ടി പിന്നീട് ഒട്ടേറെ പഞ്ചാബി ചിത്രങ്ങൾ സംവിധാനംചെയ്തു. ബോളിവുഡ് സിനിമകളിലും അദ്ദേഹം അഭിനയിച്ചു. പക്ഷേ, ടെലിവിഷൻപരിപാടികളാണ് ഇന്ത്യയൊട്ടാകെ അദ്ദേഹത്തെ പ്രശസ്തനാക്കിയത്. വിദ്യാർഥിയായിരിക്കുമ്പോൾ തെരുവുനാടകങ്ങളിലൂടെ സമൂഹത്തിലെ അനീതികളും അഴിമതിയും ചോദ്യംചെയ്താണ് ഭട്ടി കലാപ്രവർത്തനത്തിലെത്തുന്നത്. രാഷ്ട്രീയക്കാരായിരുന്നു അദ്ദേഹത്തിന്റെ രൂക്ഷപരിഹാസത്തിന്റെ പ്രധാന ഇരകൾ. ചണ്ഡീഗഢിൽ നിന്നിറങ്ങുന്ന 'ദ ട്രിബ്യൂൺ' പത്രത്തിൽ കാർട്ടൂണിസ്റ്റായും പ്രവർത്തിച്ചിട്ടുണ്ട്. 2012 ഒക്ടോബർ 25ന് ഒരു വാഹനാപകടത്തിൽ ഭട്ടി അന്തരിച്ചു. 57 വയസ്സായിരുന്നു അദ്ദേഹത്തിന്.

പുരസ്കാരങ്ങൾ

• പദ്മഭൂഷൺ(2013 ൽ മരണാനന്തര ബഹുമതിയായി)

പുറം കണ്ണികൾ

• Official Site Jaspal Bhatti's Official Website
• Jaspal Bhatti on IMDb
• Official Blog Archived 2011-07-07 at the Wayback Machine. Jaspal Bhatti's Official Blog
• Jaspal Bhatti Official Youtube Page