അമ്പത്തിയാറ് (ചീട്ടുകളി)
| ഗുലാൻ പരിശിലെ ഒരു രീതി | |
| ഉദ്ഭവം | ഇന്ത്യ |
|---|---|
| തരം | പിടുത്തം അടിസ്ഥാനമാക്കി |
| കളിക്കാർ | 6 |
| ആവശ്യമുള്ള കഴിവുകൾ | ഓർമ്മശക്തി, കൗശലം |
| ചീട്ടുകളുടെ എണ്ണം | 48 |
| ചീട്ടിന്റെ തരം | ആംഗ്ലോ-അമേരിക്കൻ |
| കളിദിശ | അപ്രദക്ഷിണദിശ |
| ചീട്ടുവില (വലുതു മുതൽ ചെറുതു വരെ) | J 9 A 10 K Q |
| കളിസമയം | 5 മിനിട്ട് |
| ആകസ്മികത | മദ്ധ്യമം കുറവ് (സപ്പോർട്ടിൽ) |
| ബന്ധപ്പെട്ട കളികൾ | |
| ഇരുപത്തിയെട്ട്, നാൽപ്പത്, ബെലോട്ട്, ജാസ്സ് | |
ഗുലാൻ പരിശ് അഥവാ തുറുപ്പുകളി വിഭാഗത്തിൽപ്പെട്ട ഒരു ചീട്ടുകളിയാണ് അമ്പത്തിയാറ്. ആറോ എട്ടോ പേർ രണ്ടു സംഘങ്ങളായാണ് സാധാരണ അമ്പത്തിയാറ് കളിക്കുന്നത്. രണ്ടു പെട്ടി ചീട്ടുകളിൽ നിന്നും J, 9, A, 10, K, Q എന്നീ ചീട്ടുകൾ മാത്രമെടുത്താണ് അമ്പത്തിയാറ് കളിക്കുന്നത് ആകെ 48 ചീട്ടുകൾ കാണും. ചീട്ടുകളുടെ ആകെ വില 56 ആണെന്നതാണ് ഈ പേരു വരാൻ കാരണം.
രഹസ്യമായി തുറുപ്പ് നിശ്ചയിക്കുന്ന സാധാരണ അമ്പത്തിയാറിനു പുറമേ, പരസ്യമായി തുറുപ്പ് പ്രഖ്യാപിക്കുന്ന സപ്പോർട്ട് എന്ന ഒരു വകഭേദവും ഈ കളിക്കുണ്ട്.
ചീട്ടുകളും വിലകളും[തിരുത്തുക]
താഴെക്കാണിച്ചിരിക്കുന്ന ചീട്ടുകൾ രണ്ടു വീതം നാലു ചിഹ്നങ്ങളിലുമായി കളിക്കാനെടുക്കുന്നു. അതുകൊണ്ട് രണ്ടു പെട്ടി ചീട്ടുകൾ ആവശ്യമുണ്ടാകും.[൧] ഒരേ ചിഹ്നത്തിന്റെ ഒരേ ചീട്ടുതന്നെ ഒരു കളിയിലിറങ്ങുകയാണെങ്കിൽ ക്രമത്തിൽ ആദ്യത്തെ ചീട്ടിട്ടയാൾക്കായിരിക്കും മുൻതൂക്കം.
| ചീട്ട് | വില | മറ്റു വിവരങ്ങൾ | |
|---|---|---|---|
|
ഗുലാൻ അഥവാ ജാക്കി (J) | 3 | |
|
9 | 2 | |
|
ഏയ്സ് (A) | 1 | പത്തിനും ഏയ്സിനും ഒരേ വിലയാണെങ്കിലും രണ്ടും ഒരുമിച്ച് വരുമ്പോൾ മുൻതൂക്കം ഏയ്സിനായിരിക്കും |
|
10 | ||
|
രാജ (K) | 0 | ഈ ചീട്ടുകൾക്ക് വിലയില്ലെങ്കിലും ഇവ ഒരുമിച്ച് വന്നാൽ ഇടത്തേയറ്റത്തെ നിരയിൽ മുകളിൽ നിന്ന് താഴേക്കുള്ള ക്രമത്തിലായിരിക്കും മുൻതൂക്കം |
|
റാണി (Q) | ||
കളിരീതി[തിരുത്തുക]
പങ്കാളികൾ ഒന്നിടവിട്ട് വട്ടത്തിലിരുന്നാണ് കളിയാരംഭിക്കുന്നത്.[൨] നാലു ചീട്ടുകൾ വീതമായി എല്ലാ ചീട്ടുകളും ഇട്ടുകഴിഞ്ഞതിനു ശേഷമാണ് ലേലമാരംഭിക്കുന്നത്. എട്ടു ചീട്ടുകളാണ് ഒരാൾക്ക് ലഭിക്കുക. കൈവിളിക്കാരന്റെ കുറഞ്ഞ വിളി 28 ആണ്. 40 ആണ് ഈ കളിയിലെ ഓണേഴ്സ്. ആദ്യവട്ടവിളിക്കുശേഷം 40 മുതൽ രണ്ടാമതും ലേലം വിളിക്കാം.
ഗുലാൻ പരിശിലെ മറ്റു കളികളിലെന്ന പോലെ ലേലം വിളിച്ച് നിശ്ചയിക്കുന്നയത്രയും പോയിന്റുകൾ കളിച്ച് നേടുക എന്നതാണ് വിജയലക്ഷ്യം. വിളിച്ചയാൾ രഹസ്യമായാണ് തുറുപ്പ് കമിഴ്ത്തുന്നത്.
സപ്പോർട്ട്[തിരുത്തുക]
സപ്പോർട്ട് കളിയിൽ ലേലം വിളിക്ക് മാത്രം മാറ്റമുണ്ട്. കൈവിളിക്കാരൻ ലേലം വിളിക്കുന്നതിനൊപ്പം, ഏത് ചിഹ്നമാണ് തുറുപ്പാക്കുന്നതെന്ന് പ്രഖ്യാപിക്കും. ഗുലാൻ പരിശിലെ സാധാരണ ലേലംവിളി പോലെത്തന്നെ എതിരാളിക്ക് തുറുപ്പ് പ്രഖ്യാപിച്ച് ഉയർന്ന വിളി വിളിക്കാം. പങ്കാളി വിളിച്ച അതേ ചിഹ്നത്തിന്റെ ചീട്ടുകൾ കൈവശമുള്ളയാൾക്ക് അതേ ചിഹ്നത്തിൽ പ്ലസ് എന്നു പറഞ്ഞ് നിശ്ചിതയെണ്ണം ഉയർത്തി വിളിക്കാവുന്നതാണ്.
ഇങ്ങനെ ലേലം വിളി കഴിയുമ്പോൾ മറ്റു കളിക്കാരുടെ കൈവശമുള്ള ചീട്ടുകളുടെ ഏകദേശധാരണ എല്ലാ കളിക്കാർക്കും വന്നു ചേരും. അതുകൊണ്ട്, കളിക്കാരുടെ ഓർമ്മശക്തിക്കും കൗശലത്തിനും ഈ കളിയിൽ കൂടുതൽ പ്രാധാന്യം ലഭിക്കുന്നു.
കുറിപ്പുകൾ[തിരുത്തുക]
- ൧ ^ ഒരു പെട്ടി ഉപയോഗിച്ച് കളിക്കുമ്പോൾ പകരം ഉപയോഗിക്കുന്ന ചീട്ടുകളെക്കുറിച്ച് ഇവിടെ കാണുക.
- ൨ ^ പങ്കാളികളേയും ആദ്യം കൈവിളി വിളിക്കേണ്ടയാളേയും നിശ്ചയിക്കാനുള്ള ഏയ്സ് അടിക്കുന്ന രീതി ഇവിടെയുമുണ്ട്
|
കളികളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |