ഹാലെറ്റ് കാംബെൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഹാലെറ്റ് കാംബെൽ
Halet Çambel.jpg
ജനനം(1916-08-27)27 ഓഗസ്റ്റ് 1916
മരണം12 ജനുവരി 2014(2014-01-12) (പ്രായം 97)
ഇസ്താംബൂൾ, തുർക്കി
അന്ത്യ വിശ്രമംAkyaka, Muğla, തുർക്കി
ദേശീയതതുർക്കി
വിദ്യാഭ്യാസംപുരാവസ്തു ഗവേഷണം
കലാലയം
തൊഴിൽപുരാവസ്തു ഗവേഷക
ജീവിതപങ്കാളി(കൾ)Nail Çakırhan
പുരസ്കാരങ്ങൾPrince Claus Award


തുർക്കി സ്വദേശിയായ ഒരു പുരാവസ്തു ഗവേഷകയും ഒളിമ്പിക്സ് വാൾപയറ്റ് താരവുമായിരുന്നു ഹാലെറ്റ് കാംബെൽ. ഒളിമ്പിക്സിൽ പങ്കെടുത്ത ആദ്യ മുസ്ലിം വനിതയാണ് കാംബെൽ[1].

ആദ്യകാല ജീവിതം[തിരുത്തുക]

1916 ഓഗസ്റ്റ് 276-ന് ബർലിനിൽ ജനിച്ചു. പിതാവ് ഹസൻ കെമിൽ ബേ തുർക്കി റിപ്പബ്ലിക്കിന്റെ സ്ഥാപകനായിരുന്ന മുസ്തഫ കമാൽ അറ്റാതുർക്കിന്റെ അടുത്ത അനുയായിയായ പട്ടാല ഉദ്യോഗസ്ഥനായിരുന്നു. മാതാവ് റംസിയെ ഹാനിം ഒട്ടോമൻ സുൽത്താന്റെ പ്രധാനമന്ത്രിയും അക്കാലത്തെ ജർമ്മൻ സാമ്രാജ്യത്തിലെ ഒട്ടോമൻ സ്ഥാനപതിയുമായിരുന്ന ഇബ്രാഹിം ഹക്കി പാഷയുടെ മകളായിരുന്നു[2].

അർനാവുത്‌കോയ് അമേരിക്കൻ ഹൈസ്കൂൾ ഫോർ ഗേൾസ് എന്ന സ്ഥാപനത്തിലായിരുന്നു സ്കൂൾ വിദ്യാഭ്യാസം. ഹൈസ്കൂൾ വിദ്യാഭ്യാസകാലത്ത് ഇസ്താംബൂളിലെ ചരിത്രപ്രധാനമായ സ്ഥലങ്ങളിൽ നടത്തിയ സന്ദർശനം കാംബെലിനെ സ്വാധീനിക്കുകയുണ്ടായി. ഇതേ കാലഘട്ടത്തിൽ തന്നെയാണ് ഫെൻസിംഗ് പരിശീലനവും ആരംഭിച്ചത്. 1933-39 കാലഘട്ടത്തിൽ പാരിസിലെ സോർബോൺ സർവകലാശാലയിൽ നിന്ന് പുരാവസ്തു ഗവേഷണത്തിൽ വിദ്യാഭ്യാസം നേടി[3].

കായികരംഗത്ത്[തിരുത്തുക]

1936 ഒളിമ്പിക്സിൽ വാൾപയറ്റ് വനിതാവിഭാഗത്തിൽ മൽസരിച്ചു. ഒരു ഒളിമ്പിക്സ് മൽസരത്തിൽ പങ്കെടുക്കുന്ന ആദ്യത്തെ മുസ്ലിം വനിതയാണ് കാംബെൽ[4]. ഇതേത്തുടർന്ന് അഡോൾഫ് ഹിറ്റ്ലറുമായി ഒരു കൂടിക്കാഴ്ച്ചയ്ക്ക് ക്ഷണം ലഭിച്ചുവെങ്കിലും രാഷ്ട്രീയപരമായ കാരണങ്ങളാൽ കാംബെൽ ആ ക്ഷണം നിരസിച്ചു[5].

അവലംബം[തിരുത്തുക]

  1. "ഹാലെറ്റ് കാംബെൽ - ചരമക്കുറിപ്പ്". ദി ഡെയ്‌ലി ടെലിഗ്രാഫ്. 23 ജനുവരി 2014. ശേഖരിച്ചത് 25 ജനുവരി 2014.
  2. "Halet Çambel vefat etti Hitler'in elini sıkmamıştı". Cumhuriyet (ഭാഷ: ടർക്കിഷ്). 12 ജനുവരി 2016. ശേഖരിച്ചത് 26 ഏപ്രിൽ 2016.
  3. "An archaeologist digs through her life". Nature News. 7 ജൂലൈ 2010. ശേഖരിച്ചത് 9 ജൂലൈ 2010.
  4. Sattar, Marium (30 മേയ് 2012). "New fields to conquer for Muslim sportswomen". The Daily Star. ശേഖരിച്ചത് 20 ജൂൺ 2012.
  5. Bozyap, Aylin (12 ഓഗസ്റ്റ് 2012). "Pioneering Olympian Halet Cambel, who snubbed Hitler". BBC Turkish.
"https://ml.wikipedia.org/w/index.php?title=ഹാലെറ്റ്_കാംബെൽ&oldid=3509626" എന്ന താളിൽനിന്ന് ശേഖരിച്ചത്